Matááyo 23:14 - Fayam Midhab Yiesu Kiristoká He Hol Af Iđiny Kaanaká

¹⁴ [It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It ˈdeg híyeská tagano ki ˈdiiyye, hí ˈdég ˈjienle af ki riiriate. It gál ˈduuˈdúwaká hol hoyche-, hí waag visan met ˈdeˈdierká viivisatáállá, aaléka, hé ˈdeewká il haí aargiˈda.]

Matááyo 23:14 ပူးပေါင်းရင်းမြစ်များ

Matááyo 11:24

Tá yú ko geeye, kúlích Waag hí gálaat ˈdeem ki iđimichoká ali kí ˈdiiyyeka, manyjany il hí ko aargiˈdoká hé tág ˈdeew! Manyjany gál Soˈdom il hí aargiˈdoká úba ˈdiefiyya, Yíésu hí yie.

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Matááyo 23:33

It chaara-, hí um reewal! Itín háteeye, hí ˈjiet biiyoká manyjasinyle met kar gaa ˈdaraanna?

Márko 12:40

Gaal ˈdeg híyeská tagano ki ˈdeˈdeme, Waag visan met ˈdeˈdierká gálaat met gaa vivita. Gálallá súmo Waag hí hé il ká aargisicha, yie.

Lúka 12:48

Gédéch máállé guđoká hátlé fedeká muog-, tá hé ˈdeew-, gaalí gaa tuunoká ekeyka, máá kinaallá taalle ha gaalí hagashia. Máá gaalí hé guđoká gíl fieká, hé guđoká gaalí gaa fede. Máá gaalí hé guđoká mé ki koyká, hé kinaallá hát ˈdabaanká tág ki yaalitlé gaalí gaa fede, Yíésu hí yie.

Lúka 20:47

halúg gálle ˈdeg híyeská tagano ki ˈdeˈdeen-, hol gál ˈduuˈdúwaká hođuo-, Waag visan hí met ˈdeˈdierallá! Gál yaalmit kinaallá gaa seseenká bár ˈdaatika súmo he il hí aargiˈda, Yíésu hí lalille yie.

Tímote ki Naamaká 3:6

Gálallá ˈbaal he gál é ger mákártaká higilo-, ˈdeg đáa-, hawul mán-, ađaabanolle iigilish-, he fedit met hí hol ká burnayyeká hí baađisichoká af ˈdú nannasat-, he onisinyle ˈdég iiy ki hođuoká.

Títo 1:10

Yú hatallá ko geđúóllá he ˈdaa giri biiy gál burnay-, aˈgierˈgere-, ˈdeem met ˈdaraan-, gálaat baađisuoká hí gaa ijoká. Gálallá gúch hí gál gálaat hermisan mé ki tatuoká.

Yákob 3:1

Nyaaramchú, itín gúch haí gál gálaat he oonisuoká chéen. Múúni ki gálaat he oonisúóllá hát Waag gáál súm ˈdéé ki iđimichoká hé ki óg.

Bétiro ki Naamaká 2:14

Gaal aadh lulle ˈgál ˈdíét af ˈgoˈgorot-, hergisanká hol gaa ˈgeˈgedhe, gaal hé hé ˈdeđewká ekenyle ma haađiny. Gaal gál Kiristo ma hirânyká he baađisia, nyuogim ubaa ađaabano met ki kokoo. Gáál gerle he hol ki fedít gaalí onodheká hí koch. Gálallá idho Waaˈgieto he gim gaa ija.

Bétiro ki Naamaká 2:3

Gaal ˈdaa he hol ki feditleka in ˈdeem hol af tagano ki kokoo, hí nyiimita, hí he ki nannata. Tá Máá gáál ˈdéé ki iđimuo-, gáál af ki beđisatká íín kisso gáál met tág ˈdie, hé in bano.