40 Hemuumurit naamáállá ííni hemuumurit guđóótíá ubaa hé gál Waag hí ˈdeem ka shigicheká hí huogodheká lúl hí gáá kuonme, Yíésu hí gáál yie.
Hát lullé midhab-, gálaat hí ki ekemeyo-, hí feˈdoká, itín úba hát tikiˈde kinaallá gálaat ki eekemeyyíe. Hééllá he hemuumurit Waag hí Móshe ka shiicheká ubaa ˈdeem gál Waag hí ˈdeem ka shigicheká héllé.
Hemuumurít íín Móshe hí gáál ká hilsie. ˈDúˈjím ubaa ˈgíérích ˈdúwáállá íín Yiesu Kirísto hí gáál ká hilie.
Hemuumurit hát káána kieye, Haí hol ˈdú burúminy, Ha máádhat chíésiny, Ha buráany, Ha máádhat hélle gajaltle ˈgíiny, héétí hemuumurit éíy taaka úba Waag hí muˈdeká lulle hemurit giri kieye, Máá olkú hát kúún hol gielallá úba géélneb, chieká he geer gaa iđa.
Hemuumurit Waaˈgiet lulle ke mé hol ˈdú eeyka, hé hogotoká tikiˈde, Máá olkú hát kúún hol gielallá úba géélnebo, he chie.
Atim kuuní gáál af tatiyyóóllá héllé gálaat yé ˈdú ˈdeđichoká he gielmit giri hodhin saas mánká yé gáá ˈdeˈdeennoká, ubaa hé ˈdúwa-, gaalí ógká ekenylé, tá iiy yeen ˈdúwa-, nyimisan mánká.
Har hemurit súm guđo-, Warˈgat Waaˈgiet geer gaa iđo-, giri kieye, Máá olkú hát kúún hol gielallá úba géélneb, chieká, hí el gaa igiˈdaka, af kinaalka hé ˈdúwaká hí ekemeyche.