Matááyo 21:39 - Fayam Midhab Yiesu Kiristoká He Hol Af Iđiny Kaanaká

³⁹ Gaal đo íny hol ˈdú ˈgiiliˈgay, íny les hurt yé gaa ˈdeete, íny đír sug ki yies, Yíésu hí gáál yie.

Matááyo 21:39 ပူးပေါင်းရင်းမြစ်များ

Matááyo 21:38

Aalé gál giri muí les af iđieká mú inyle argeká hol geey, kieye, Máá lesallá léká inylé hí aˈjibaatle higiloká hállá. Ka yimedhíe, kí mú yees, kí lés lilet, gaalí hol yie.

Matááyo 21:40

Aaléka, Yíésu gáál yiete, kieye, Máá les léká ká yimieka, gál he les af iđie kinaallá háte he kokoo? yie.

Matááyo 26:50

Yíésu mú geey, kieye, Musó, háteka állá ka chimíel! yie. Aalé gál Yúúˈdas hol ˈgieká Yíésu ˈgiliˈgay.

Matááyo 26:57

Aalé gál giri Yíésu ˈgiliˈgayká Yíésu máá méte suoryo-, Kayáfas léká ˈdú eey. Ál kinaallá he ál gál gálaat nyatalaam oonisuoká ubaa gál káruká hí hol ˈdú sedheká.

Yuána 18:12

Aalé yuoy ubaa máállé hí mé ki yielká, tá gál Yuuˈdi-, gállé ˈBíl Waaˈgietká ˈdeˈdeenká Yíésu ˈgiliˈgay, mú gil sug ki hiigidhe,

Yuána 18:24

Ánnas đo Yíésu hátlé gaalí gil hiigidheká yuoy geey, giri Yíésu gaalí máá méte suoryo-, Kayáfas léká ˈdú egewká.

He Ekeny Gál Alb Fimiká 2:23

Máállá Waag hí gíl geer gáá kaayyééllá, he hát giri kis Waag hí tawuyye-, hí gaa feˈdeká in gál nyatalaam maamanká hí mú yiir kí chiˈde, mú hí ˈgór đarám yaalká ˈdú chies.

He Ekeny Gál Alb Fimiká 4:10

aalé itín lulkícho hééllá maaláa, gál Yisirayel lulle úba hí hééllá maalo: he ˈdaa meeny Yiesu Kiristo giri Nasaret-, máálle itín hí ˈgór đarám yaalká ˈdú chies-, tá Waag hí uushich yé gáá ˈdeeycheká in máá hí metééllá gaa yaalallá hí ki bie.

He Ekeny Gál Alb Fimiká 5:30

Yíésu giri itín hí ˈgór đarám yaalká ˈdú chieská hé Waag eshim eshimkúnno hí loolnoyche, hí uushich yé gáá ˈdeeyche.

He Ekeny Gál Alb Fimiká 7:52

Ameeny gál giri Waag hí ˈdéé ka shigicheká mááya eshim eshimkícho hí he ma ki ekêny? Eshim eshim kíchia kinaallá in úba gál giri héle Máá ˈdúwa-, saas mánká ˈjímle ˈdiiyimeká yies. Aalé káána itín it Máá ˈdúwa-, saas mán kinaal hí gáál mú mé il gaa koyye, hí mú chies.

Yákob 5:6

It gál hé konf ká ˈgie-, mán-, hí met il ma gaa ˈgíinyká ˈdeensete, hí ˈdeem ki iiđimiche, hí chiegies.