Matááyo 21:34 - Fayam Midhab Yiesu Kiristoká He Hol Af Iđiny Kaanaká

³⁴ Aalé aleđuđugul gaalí saano vinna gaa babaatká ali kí ˈdiiyyeká, máá les léká gedelle gál les af iđieká ali ˈdú fie, giri gál kinaal géde saano ˈbáál ka shiguo-, gede mú saano ˈdu gáá siidhoká.

Matááyo 21:34 ပူးပေါင်းရင်းမြစ်များ

Matááyo 21:35

Aalé gál muí les af iđieká gál géde kinaal hol ˈdú ˈgiiliˈgay, mú tikiˈd tune, mú tikiˈd yies, mú tikiˈd waar ki tune.

Matááyo 21:38

Aalé gál giri muí les af iđieká mú inyle argeká hol geey, kieye, Máá lesallá léká inylé hí aˈjibaatle higiloká hállá. Ka yimedhíe, kí mú yees, kí lés lilet, gaalí hol yie.

Matááyo 21:40

Aaléka, Yíésu gáál yiete, kieye, Máá les léká ká yimieka, gál he les af iđie kinaallá háte he kokoo? yie.

Matááyo 21:41

Gaal mú ˈdéé hol ˈdú nie, kieye, Mu gál nyuogim ˈguo kinaallá hai beđita, gál éíy taaka hí lésle ˈdeˈdeen-, saano hisseka mú saano lésle ˈdáá shiguoká les af hai iđimia, gaalí yie.

Matááyo 22:3

Aalé gólol he hí kóony yieká, mu gedelle gál gaalí kiereká ali ˈdú fie, kor gál he kiere kinaal hí gaa điidhe.

Márko 12:1

Aalé Yíésu hát hibietká gáál he onisie, kieye, Mú tikiˈd ˈguor saano vinnaká lésle gaa fie, tá đír ki ˈdisse. Mu les hurt ˈguoˈd gaalí saano gaa ˈduˈduoká gaa ˈgodhe, konnoch úba les gaa ˈdisse. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie.

Márko 12:7

Gál giri muí les af iđieká íny argeká hol geey, kieye, Máá lesallá léká inylé hí aˈjibaatle higiloká hállá. Ka yimedhíe, mú kí yees, les kí lilet, gaalí hol yie.

Márko 12:9

Aalé máá lesléká háte he ˈdeeme? Mu hai ká yiimedhe, gál kinaal af hai ki beđita, les gál eiy af hai iđimia.

Lúka 20:9

Aalé Yíésu gálaat hibéél geey, kieye, Mú tikiˈd ˈguor saano vinnaká lésle gaa fie. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie, bííy kinaal ram ki kaadhdhe.