Matááyo 21:32 - Fayam Midhab Yiesu Kiristoká He Hol Af Iđiny Kaanaká

³² Yuána ka yimieká ˈgíérích ˈdúwa-, hí nannaatoká hí geđie, kor itín it mú af iiy ma chéen, gál bábaská ubaa gál gálaat birm gaa gugusatká in hí af iiy yie. Hé kinaal úba hí argiyyeká, it kaskícho hol ma gaa lâny, hí mú af iiy ma chéen, Yíésu hí gáál yie.

Matááyo 21:32 ပူးပေါင်းရင်းမြစ်များ

Matááyo 11:18

Yuána ká yimie-, af higite-, ubaa bersh ma igíminyká, gálaat hé hogodhoká kieye, Mú aryáánno hí hille, he yeedhe.

Matááyo 21:25

Aaléka, Yíésu gáál yiete, kieye, Yuána bie gím nímle ále he yé gáá ˈdiiyye? Waago he yé gáá ˈdiiyyee? Ebá gálaato he yé gáá ˈdiiyye? yie. Aalé gál muí heeteká tákámle hol geey, kieye, Waago he yé gáá ˈdiiyye ke yieka, mu hai gáál ká hegete, Tá háteka hí mú af iiy ma chéenal? ha muí gáál yeedhe.

Matááyo 21:31

Aaléka, gál hol nyaaramallá mááya hát ˈjaalle hí fedeká ˈgíéríchle nadhe? Yíésu hí gáál yie. Aalé gál guguđo-, suoryoká ubaa gál káru muí geđieká mú ˈdéé hol ˈdú nie, kieye, Iny erká, yie. Aalé Yíésu gáál geey, kieye, Yú hí hé ˈdúwaká geeye, gál gálaat birm gaa gugusat-, muom kokuoká ubaa gál bábaská Guch Waaˈgiet met haí higila.

Matááyo 5:46

Itín har gál hí geelnedheká tákáma hí geelneteka, ˈduuw máre hí yé ˈdú ˈdiiyye? Gál birm gugusatká hé úba hát tikiˈdééllá ekemesetká muunîny?

Tímote ki Naamaká 2:25

Héétí hí máá gál hí mé il gaa ˈgieká hát abuntiká af tatuoká onnow. Kálmaréél gál kinaal hodhinaamle Waag đig haí cheedhe, gaal Waag makan hai faama, hé ˈduwa-, Waaˈgietká hai oonoodho,

Héberew 3:12

Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny.

Bétiro ki Naamaká 2:21

Gálallá ˈgíérích ˈdúwa-, Waaˈgietallá meeny gíri moonnônyka kalat. Hát gaalí hemurit Waaˈgiet onisie-, ˈdee hí ger hile-, tá káána geđi ˈdéé el af gaa tammééllá ˈdeew.

Kí Edhesiny 2:21

Yáá min kár héllé gaa nyakarich kinaal haađicho-, ye makan ka ˈjeˈjeennoká shie, kor min hé hé kinaal điite.