Matááyo 21:31 - Fayam Midhab Yiesu Kiristoká He Hol Af Iđiny Kaanaká

³¹ Aaléka, gál hol nyaaramallá mááya hát ˈjaalle hí fedeká ˈgíéríchle nadhe? Yíésu hí gáál yie. Aalé gál guguđo-, suoryoká ubaa gál káru muí geđieká mú ˈdéé hol ˈdú nie, kieye, Iny erká, yie. Aalé Yíésu gáál geey, kieye, Yú hí hé ˈdúwaká geeye, gál gálaat birm gaa gugusat-, muom kokuoká ubaa gál bábaská Guch Waaˈgiet met haí higila.

Matááyo 21:31 ပူးပေါင်းရင်းမြစ်များ

Matááyo 12:50

Máá ˈJaa chia úr ijoká hát fedoká ekemeyoká in nyárchú, in nyaarchú, in ˈjiechú, mú yie.

Matááyo 18:3

gáál geey, kieye, Yú hí hé ˈdúwaká geeye, itín hí hol ma gaa suony-, hí hát um niginiká ma cheenka, it kúlích níínní hí Guch Uratiká higilloká mán.

Matááyo 20:16

Aaléka, hát tikiˈdééllá in gál biiy el ˈdaˈdká hí biiy met ki maada, gál biiy metoká hí biiy el ki maada, Yiesu hí gáál yie.

Matááyo 21:30

Aalé mu iny ki naamaká ˈdú sedhe, íny hát tikiˈde iny erkobká geeyká geey. Iny kinaal kieye, Taglé Baabá, yie. Kor hé ma síen, hujich ma níiny.

Matááyo 5:18

Yú hí hé ˈdúwaká geeye, ˈdaab úr ubaa les el met hí ma ˈgînká, hemuumuritééllá hé ˈdéé umut níínní ubaa sányárích níínní hí gaa baađawká mán, ˈjíig héllé huogodheká lulle ali kí ˈdee.

Matááyo 5:46

Itín har gál hí geelnedheká tákáma hí geelneteka, ˈduuw máre hí yé ˈdú ˈdiiyye? Gál birm gugusatká hé úba hát tikiˈdééllá ekemesetká muunîny?

Matááyo 6:5

Af giri hí Waag vivisatoká haí hát gál hol egewallá chéen. Gál kinaallá Waag vivisatká ény ˈdiiyiminyká ubaa ˈjien hursam lođuđaat gaa ˈdeˈdeen-, gálaat hol aargisuoká he fede. Yú hí hé ˈdúwaká geeye, gál hol egewallá hé héllé shiichoká arge.

Matááyo 7:21

Gál ye Máá Guđo, Máá Guđo, yegetká ˈbaal hé Guch Uratiká ma higiliny, gál hí higiloká he gál hát ˈJaa chia úr ijoká hí fedoká el gaa igiroká.

Matááyo 9:9

Yíésu ál kinaal gaa kie, sienylé gaa igireká máá gálaat gibíre gaa gugusat-, gaalí Matááyo yegie mare arge, mu ˈbíl gibireká gaa ija. Aalé Yíésu mú geey, kieye, Ye el gáá véer, yie. Matááyo đo kie, mú el gaa veere.

Lúka 15:10

Yú hí geeye, hát tikiˈdééllá máá hé ˈdeđewká gaa seseenká héllé ˈdeđewká hay-, Waag makan ˈjieka, in Waag gálle ˈgasso-, urruká ger hí gaa meedhe, Yíésu hí gáál yie.

Lúka 19:22

Aalé mú máállé guđoká mú geey, kieye, Kó gédéch ˈdeewal! Kuun aalé ˈdéé hót kua hotééllá hé ko hiigite! Kúúni ta yú hát máá ádum mán-, hé ma lilenyká egeet-, ubaa ˈguom hé ma fíinyká shalamánt mumuratká ôg?

Lúka 7:29

Gálaat lulle ubaa gál gibíre gugusat-, Yuána af nee kuokoy-, muí bie gim nieká hé hé Waag hí feˈdeká iiy yie.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

He Ekeny Gál Alb Fimiká 17:30

Bííy heleká Waag hé gálaat đeemléél hol ma héésen, kor káána hé gálaat he ki muˈde, giri gaal héllé ˈdeđew-, gaa seseenká haađuo-, mú makan fafaanká.

Róóma 3:19

Hééllá hé gaa édhká, hemuumurít gál Waag hí shiiche-, Yuuˈdííllá ˈdaallé he ki taalla, giri gálaat fálaam ká ririat-, gálaat lulle innum Waaˈgietka ˈdeensen ˈguoká.

Róóma 5:20

Waag hemuumuritle af giri les ká hileká, in gálaat ađaabanolle ubaa nyuogimle ilshandhe. Tá ađaabano ubaa nyuogim ilshandheká, in Waag ˈdúˈjímle úba súm ilshante.

Bétiro ki Naamaká 3:9

Waag héllé gáál af iđicheká gáál ˈbaal tala ki manítaka, íín he af iđinylé kinaallá hé tala ma gaa mannany. Waag ˈdaa kíchoka hé geer gaa guđo, gálaat lulle hí makan fafaanká he feˈde, hé máádhat hol eiy gaa ˈgiˈgisatká ma fediny.