Matááyo 21:28 - Fayam Midhab Yiesu Kiristoká He Hol Af Iđiny Kaanaká

²⁸ Aalé Yíésu gál guguđo kinaal heete, kieye, Hibééllá tawunykíchoka, háteeye hí ká dhaˈgasanna? Mú tikiˈd nyígéény hí naama. Mu iny erkob-, he af kí ˈdieká geey, kieye, Inychú, kúlíchallá lés kúnnaa saanoká hurt sí, hujich naʼ, yie.

Matááyo 21:28 ပူးပေါင်းရင်းမြစ်များ

Matááyo 17:25

Bétiro kieye, Iiy-hí, hé guguso, yie. Aalé Bétiro he ˈbíl ka hileká, hátlé ˈdéé ma hônká, đo Yíésu hí yiete, Yíésu kieye, Símon, kúún tawunykúka, gál kaansúo-, lesietká gálya he bíre gaa guguta? Gaal in gál é gerlé he birm gaa gugutáa? Ebá gaal gál hí é gerle muuninyká he birm gaa guguta? yie.

Matááyo 20:1

Aalé Yíésu gáál hibééllá geey, kieye, Guch Uratiká héllé hol ki égká he yaalmit máá lésle ˈguor saanoká hí gaa ˈgie-, bur a midhab kie-, gál hí léslé kinaal hujich gaa nannuoká ˈgas ˈgeˈgedheká.

Matááyo 21:27

Aalé gaal Yíésu ˈdéé hol ˈdú nie, kieye, Nyáá nyí muog, gaalí yie. Aalé Yíésu gáál geey, kieye, Af kinaalka, yáá kansim hééllá ki ekemeyoká máállé hí ye ká shieká úba hí ma ká geđiny, gáál yie.

Matááyo 21:29

Iny kieye, Yáá ma uriny, yie. Kor waaséél kasle hol gaa lay, sedhe, hujich nie.

Matááyo 21:33

Aalé Yíésu geđi gáál geey, kieye, Ebá hib he hol ki ekenyallá úba nee kóo. Máá leslé mare lésle ˈguor saano vinnaká gaa fie, tá đír ki ˈdisse. Mu les hurt ˈguoˈd gaalí saano gaa ˈduˈduoká gaa ˈgodhe, konnoch úba les gaa ˈdisse. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie.

Matááyo 22:17

Ebá nyí ka géesh, háte dhaayche? Káísar ki gibíre ki gugusoká taglée, ebá hé tagle muuniny? gaalí yie.

Márko 13:34

Hééllá hát máá bííy eiy sienyle hí ká hileká. Mu hátlé ényle ma gaa kíinyká gedelle ényle af iđie-, gáál hujichaamle eiy met ki koy-, tá máá é káráfle ˈdeˈdeenká geey-, kieye, Tág yíéđig, ha mé les ki gân! yieká.

Lúka 13:4

Tá itín úba tawunykíchoka, gál tomon a síet ˈbíl ˈdér naˈbual Siloom láá yielká hí ˈdú ˈdoy-, hí yieská ííni súm gál Yerúsalem gaa ijeká lúl ađaabano ˈdú ˈgaa?

Korínto Erká 10:15

Yú hát gál ˈdaallellé-, he hol eiy gaa nannasatká hí ká geđia, ˈdeeny chia yú hogodhóóllá hát tagléká eiy naatíe.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.