Matááyo 21:15 - Fayam Midhab Yiesu Kiristoká He Hol Af Iđiny Kaanaká

¹⁵ Gál guguđo-, suoryoká ubaa gál gálaat nyatalaam oonisuoká hé gálaat af ˈdaˈdabsuo-, Yíésu hí eekemeyká ubaa um ˈBíl Waaˈgiet kinaal geer koˈdam gaa ˈdarame-, kieye, Iny ˈDawuˈd kí meeyo, yiegieká argeká, đo idhane.

Matááyo 21:15 ပူးပေါင်းရင်းမြစ်များ

Matááyo 20:24

Gál láli tomonatí héél maaleká, gaal gál naama-, hol nyaaramatí ˈdú idhane.

Matááyo 21:23

Yíésu ˈBíl Waaˈgiet geđi hile-, gálaat he oonisieká, gál guguđo-, suoryoká ubaa gál káruká hí heete, gaal kieye, Kansim mááya kuun hí hééllá ki ekemeyche? Tá mááya ko kansimééllá shie? gaalí Yíésu yie.

Matááyo 21:9

Nyésébích gálaat mú met ubaa mú el gaa igireká af úr ki eey, kieye, Iny ˈDawuˈd kí meeyo! Máá meeny Máá Guđo Waag kí yimíéllá ebá Waag hí ˈdú ˈguunúánne! Waag Úr Iđoká hé gáál ˈdú ˈjiiyye! gaalí yie.

Matááyo 22:42

mu kieye, Ebá yú hí heete! Máá Waag hí kansím koyye-, Messíya lééllá he iny mááya? yie. Gaal mú ˈdéé hol ˈdú nie, kieye, Messíya he Iny ˈDawuˈdo, gaalí yie.

Matááyo 26:3

Aalé gál guguđo-, suoryoká ubaa gál káruká ény máá méte suoryo-, Kayáfas léká me hí hol gaa arge.

Matááyo 26:59

Aalé gál guguđo-, suoryoká ubaa ar ˈdeem mumuˈdoká lulle gál ˈdaa Yiesuka hé hódhoká hogodhoká hol gaa ˈgeˈgedhe, giri hé hódho kinaal Yíésu ˈdú yegeská.

Matááyo 27:1

Aalé bar fuadheká gál guguđo-, suoryoká ubaa gál káruká lulle ˈgíérích he Yíésu ki yegeská hol af gáá maale.

Matááyo 27:20

Aalé gál guguđo-, suoryoká ubaa gál káruká nyesebich af ˈdú naate, giri gaal Bilááto rogonon-, Baráábas gaalí gáál kí fuuro-, Yíésu íín gaalí yegeská.

Matááyo 9:27

Yíésu ál kinaal gaa kie. Sienylé gaa igireká gál naama-, in maamannay mare hí el gaa veere, gaal kúóˈd ˈdoy, kieye, Iny ˈDawuˈdallo, nyí ˈdú ˈjé! yie.

Márko 11:18

Gál guguđo-, suoryoká ubaa gál nyatalaamká héél lulle maaleká mú kiadhe. Gaal ˈgíérích he mú ki yegeská hol gaa ˈgeˈgedhe, ˈdaa giri nyesebich lulle mú he onisinyle af ˈdabeká.

Lúka 20:1

Kulich tikiˈd Yíésu hátlé ˈBíl Waaˈgiet náble gálaat he gaa oonisie-, Fayam Midhab Waaˈgietká gálaat ki ˈdiyimeká, gál guguđo-, suoryoká ubaa gál nyatalaamká, tá gál káruká mú ˈdu gáá yimie.

Lúka 22:2

Gál guguđo-, suoryoká ubaa gál nyatalaamká gálaat kiadhe. Aalé gaal ˈgíérích điđamo-, he Yíésu ki yegeská hol gaa ˈgeˈgedhe.

Lúka 22:66

Biiy ka biˈdeká ˈjien karulle hol ˈdu gáá yimie. Karu kinaallá hé gál guguđo-, suoryoká, tá gál nyatalaamká úba hé hí gaa ije. Aalé Yíésu gaalí đaanya kinaal met ká eey.

Yuána 11:57

Tá gál guguđo-, suoryoká ubaa gál Farisaayká íín hé kis ˈdéé muˈde, giri máádhat Yíésu ál he gaa ijoká óíytaka, mu gáál ˈdéé ˈdú siidho-, mú gaalí ˈgiiliˈgawká.

Yuána 12:19

Aalé gál Farisaay nyésébích mú agim nadhéél argeká hol geey, kieye, Bá dhaayyíe, múún gon hé ki hát mán. Ebá gálaat lulle hát he mú ˈdú ˈdoˈdodhdheká dhaayyíe! hol yie.

Yuána 4:1

Yíésu hát lali ilishká Yuána ˈdú arge-, bie gim nannieká fayamle gál Farisaay hí maale.

Yuána 7:42

Warˈgat Waaˈgiet hé kieye, Messíya ˈbíl íl ˈDawuˈdo yé gáá ˈdeeme, ény ˈDáwuˈd hí gaa ije-, Bételeem léká yé gáá ˈdeeme, ma chéen? gaalí hol yie.