Matááyo 20:8 - Fayam Midhab Yiesu Kiristoká He Hol Af Iđiny Kaanaká

⁸ Aadh he gaanateká, máá lesléká gál hí lésle hujich gaa nannuoká máá hí mé ki yaalká vie, mú geey, kieye, Gál hujich nieká hol ˈdú veʼ, gáál símísle hol ˈdú naʼ. Gáál bíre shigichoká gál giri biiy el ˈdaˈd hujich ka hileká mé gáá kúo, tá ˈjíig gál bur a midhab hujich mé gáá kodhdheká yé ˈdú ˈdé, muí mú yie.

Matááyo 20:8 ပူးပေါင်းရင်းမြစ်များ

Matááyo 20:7

Gaal mú ˈdéé hol ˈdú nie, kieye, Hujicho máá hí nyí ki veereká man, gaalí mú yie. Mu gál kinaal geey, kieye, Itín úba sedhíe, lés chia saanoká hujich gaa náa, gáál yie.

Matááyo 20:9

Aalé gál giri aadh ˈgas tomon a takach hujich ka hileká ka yimieká, máá giri gál hujichká mé ki yielká hí bíre taat eiy shie.

Matááyo 25:19

Aalé biiy hol ki sieteká, gede kinaal máállé guđoká hol ká nadhe, gedelle hát taataká vie, giri gáál bíre ˈdeenyle hol gáá beđisatká.

Matááyo 25:31

Yíésu geđi kieye, Af giri Iny Máádhat guchle kí yiimet-, gál ˈgasso-, urruká lulle hol ká egeetká, mu karallé kansimoká hai ˈdú yíéđima.

Lúka 10:7

ˈBíl tikiˈde kinaallá gaa yíéđía. Hát giri máá hujich nuoká gaal hí símísle hol ˈdú nannuoká ˈguom gaalí ká shuoká kóo, hé imi gaalí ka shuoká ˈjía. Haí beríka ˈbílatí ˈdú gúúriny, beríka ˈbílatí ˈdú gúúriny.

Lúka 12:42

Aalé Máá Guđo Yíésu kieye, Gédéch ˈdúwa-, ˈdaallé-, hújíchle hát ˈdabaanká nannuoká he gédéch máre? Gédéch kinaallá he gédéch máállé guđoká hí gede éíy taaka met gaa koyka, géde ˈguom aleđuđugul urgúa gaalí gaa shiguoká gaa shiguoká

Lúka 8:3

ubaa Iwánna, giri min Kussa-, bélle máá kansich Heróˈde hujich ki nannieká, tá Susánna. ˈDegééllá ubaa ˈdeg éíy taaka burnayyeká héllé ˈgayyeká Yíésu ubaa lalillé tomon a naamaká he ki wawayche.

Korínto ki Naamaká 5:10

Muun lulkúnno kara Kirísto hí ˈdú yíéđian-, mu gálaat ˈdéé ki iđimuoká metle ha ke ki ˈdeeme, giri máádhat af giri he gónlé lokóólallá lésallá ki ijeká, héllé midhab eekemeyká yiekaʼ, héllé ˈdeđew-, eekemeyká yíekaʼ, héllé shiichoká aargiroká.

Títo 1:7

ˈDaa giri gál Kiristo máállé méteká hújích Waaˈgiet mé ki yaalká, mu hí máá gálaat hí ma ˈdeđensenká onnow. Mu hai máá mé gogo-, ídho ˈjób-, bersh hí fafaan-, aˈgere-, már ˈguoká onnôny.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Bétiro Erká 4:10

Máádhat hé shiicho-, Hím Naasan Waaˈgiet gaa argeká hí héllé shiicho kinaallá hújích Waaˈgiet gálaat ki naannuo, hí ˈdúˈjím Waaˈgiet hát ˈdabaanká hát lulle gálaat aargisuo.