Matááyo 20:30 - Fayam Midhab Yiesu Kiristoká He Hol Af Iđiny Kaanaká

³⁰ Gál naama-, in maaman-, ˈgierich af tól ki ije mare Yíésu ali see maaleká đo kúóˈd ˈdoy, kieye, Máá Guđo, Iny ˈDawuˈdallo! Geer hí ko nyí ˈdú guat! yie.

Matááyo 20:30 ပူးပေါင်းရင်းမြစ်များ

Matááyo 13:4

Mu les fímlé fafieká áár ˈdáá tikiˈd ˈgierich af ki okoˈde, hurum ká yimie, hí koey.

Matááyo 15:22

Aalé min kídh Kanaan-, lés kinaal gaa iđe mare mú ˈdu gáá chimie, af gaa guđoká ˈdéé ki hote, kieye, Máá Guđo, Iny ˈDawuˈdallo! Geer hí ko ye ˈdú guat, inichú hé tág aryáán hí ˈgaaˈgaate! chie.

Matááyo 20:31

Gálaat gáál af ki ˈday, kieye, Shab yiedhíe! yie. Gaal íín đo geđi súm kúóˈd ˈdoy, kieye, Máá Guđo, Iny ˈDawuˈdallo! Geer hí ko nyí ˈdú guat! yie.

Matááyo 21:14

Aalé Yíésu ˈBíl Waaˈgiet gaa ijeká, gál in maamanká ubaa gál ˈgas maamanká hí ˈdú sedhe, gáál muí bisie.

Matááyo 21:9

Nyésébích gálaat mú met ubaa mú el gaa igireká af úr ki eey, kieye, Iny ˈDawuˈd kí meeyo! Máá meeny Máá Guđo Waag kí yimíéllá ebá Waag hí ˈdú ˈguunúánne! Waag Úr Iđoká hé gáál ˈdú ˈjiiyye! gaalí yie.

Matááyo 22:42

mu kieye, Ebá yú hí heete! Máá Waag hí kansím koyye-, Messíya lééllá he iny mááya? yie. Gaal mú ˈdéé hol ˈdú nie, kieye, Messíya he Iny ˈDawuˈdo, gaalí yie.

Márko 10:46

Aalé gaal ˈjien Yeriko kí fame. Yíésu ubaa lalille tá nyésébích he hol ˈgieká hátlé ˈjien gáá kekemeká máá in mán rogonon-, gaalí Bartimááyos yeget-, iny Timaus mare ˈgierich af gaa ija.

Lúka 4:18

Máá Guđo Waag Hím Naasanle hé ye gaa iđo. Waag hé ye salab mé ki liiyye, giri yú gál he maamanká Fayam Midhabká ki ˈdiyeenká. Mu ye ali gáá kaayallá he ˈdaa giri gál gaalí hiigidheká yú ki ˈdiyeen-, gaal yé ka ˈdeˈdeen-, gál biiy ma gaa arginyká úba yú ki ˈdiyeen-, gaal biiy gaa aargiroká. Mu úba ye ali gáá kaayallá he ˈdaa giri gál gaalí mé les ki tieká yú mé fuuro-,

Lúka 7:21

Ál kinaal Yíésu gál burnay basham ˈgieká ubaa gál aryáán hí hilleká bisie. Mu gál in maaman-, burnayká úba in kaay, gaal biiy gaa arge.

He Ekeny Gál Alb Fimiká 2:30

Mu íín he máá Waag hí ˈdéé ka shigicheká, hát Waag úba hí he af iđicheká hé onnoy, giri mú hídhle mú tikiˈd Waag hí mú karalle ˈdú iđimichoká.