Matááyo 20:24 - Fayam Midhab Yiesu Kiristoká He Hol Af Iđiny Kaanaká

²⁴ Gál láli tomonatí héél maaleká, gaal gál naama-, hol nyaaramatí ˈdú idhane.

Matááyo 20:24 ပူးပေါင်းရင်းမြစ်များ

Matááyo 20:23

Yíésu gáál geey, kieye, Hé ˈduwa, kulu chiallá úba haí igianna, tá gíl ˈdaa chia naanietká ubaa gíl ˈdaa chia ˈjíbachká yíéđinyle, hé yú ma ká mumuriny. Alb kinaallá hé gállé ˈJaachú hí tág ki nieká ˈgayyo, Yíésu hí gáál yie.

Matááyo 20:25

Aalé Yíésu gáál lulle hol ˈdú vie, kieye, Itín kidh gállé kaansúo-, hí met ki ˈgieká hát hí he ki mumuroká it óg. Héétí, gál gálaat he ki mumuroká hát guguchle gálaat aargisuoká it úba óg.

Márko 10:14

Yíésu héél argeká chira sare, gállé láliká ki ˈday, Um haí môny, um hí ye ˈdu gáá yimet. Guch Waaˈgiet gál hílléká hát umééllá.

Márko 10:41

Aalé lali tomonatí héél maaleká Yákob uba Yuána ˈdú idhane.

Lúka 13:14

ˈDaa giri Yíésu hí Kúlích Hef ˈGisanká min gaa bisieká, in ˈbíl ˈdiiyiminy kinaal máállé hí mé ki yielká idhane, gál ál kinaal ijeká geey, kieye, Ram le gálaat hí hujich gaa nannaa. Rám le kinaallá gáá yiimedhíe, gaalí gaa biibisuo, tá hé Kúlích Hef ˈGisanká muuniny, gáál yie.

Korínto Erká 13:4

Gielmít he geer gaa gúchi, gielmít hé geer ka guurá ˈgayyo, hé hinááf mán. Gielmít hé hol meeny mán, hé ma muurshany.

Filíbi 2:3

He lullé hí ekemeychoká, haí tákámkícho he hol ki fédiny, ubaa hí hol gaa memêny. Tá hol ˈdúúw ría, gál eiy hát hí ˈdú ˈdúwaká ka dhaayyíe.

Yákob 3:14

Tá har hí hinaaf ˈdeewká ubaa he hol ki fedit gálle gálaat ˈdú ˈduuwawká ger ká ˈgayyaka, haí hé kinaallá hol ki memêny. Tá har hí hé kinaallá ekemeycheka, af kinaalka hé ˈdúwaká hí hol gaa layye, hí hé hódhoká hoyche.

Bétiro Erká 5:5

Tá it rúórééllo, itín úba karukícho met gaa keekemíe. ˈDaa giri Waag gál hol gál ˈdúwaká ka dhaˈgasanká điđidhan-, tá gál hol ˈdúúw ririanká ˈdú ˈjeˈjeenallá, itín lulkícho, haí hol ˈdúúw ˈdeˈdéminy.