Matááyo 20:21 - Fayam Midhab Yiesu Kiristoká He Hol Af Iđiny Kaanaká

²¹ Yíésu min heete, kieye, Meete feˈde? yie. Min mú ˈdéé hol ˈdú niiyye, kieye, Ye ˈdéé met gaa éew, af giri kara kua guchiká ˈdú yíéđiannoká um chiallá mú tikiˈd hí ko gíl ˈdaa naaniet yíéđuo, máátí hí ko gíl ˈdaa ˈjíbach yíéđuo, mú chie.

Matááyo 20:21 ပူးပေါင်းရင်းမြစ်များ

Matááyo 18:1

Af kinaallá gál láliká Yíésu ˈdu gáá yimie, mú heete, kieye, Gál Guch Uratiká gaa ijoká máállé súm guđoká mááya? yie.

Matááyo 19:28

Yíésu lalille geey, kieye, Yú hí hé ˈdúwaká geeye, af giri lés kaanaká ka chiimeto-, yáá Iny Máádhátallá kara chia guchiká ˈdug ˈdú yíéđianká, it hí ye el gáá veeˈdééllá úba karm guguchi-, tomon tikiˈde a naamaká haí ˈdú yíéđianna, giri hí é meet tomon tikiˈde anaama-, Yisirayelká met ki ˈgiiyyaká.

Matááyo 20:22

Yíésu gáál geey, kieye, Itín it hé hí rogononnoká muog. It kulu manyjasiny yú ál ˈjob igianallá úba hí igiannoká uˈdâ? yie. Aalé min helelle kieye, Nyáá nyí uˈda, yie.

Matááyo 20:32

Yíésu ali ki ˈdie, af helie, gáál heete, kieye, Meete yú hí ki ekemeye hí feˈde? yie.

Márko 10:51

Aalé Yíésu mú heete, kieye, Meete ye gaa feˈde? yie. Máá giri in mánká kieye, Máá gáál he oonisúóllo, yú biiy gaa argiroká fede, yie.

Márko 16:19

Aalé Máá Guđo Yíésu gáál ˈdeenyéél geeyká đo Waag hí eete, úr mé nie, Waag gíl ˈdaallé naanietká yíéđie.

Márko 6:22

Aalé ini Heroˈdias ˈbíl hille-, laalateká Heróˈde ubaa gál hol af ijeká ger hí gaa meedhe. Heróˈde đo ini geey, kieye, He lullé feˈdoká ye ka géesh, ha yú ko ká shigia, yie.

Lúka 18:41

Meete feˈde yú ko ki ekemeye? yie. Aalé máá giri in mánká kieye, Máá Guđo, yú biiy gaa aargiroká fede, yie.

Lúka 19:11

Gálaat hátlé ˈdeeny Yíésu hí hogodheká nee kokoyká, Yíésu gáál hibééllá geey. Mu gáál hibééllá geeyallá hé ˈdaa giri mu Yerúsalem ma gaa faganâny-, tá gálaat tawunyleka, Guch Waaˈgiet tíkíˈdé kinaallá yé hai ká ˈdeenne, yegieká.

Lúka 22:24

Aalé gáál hol ki fálaam úba hí yé gáá ˈdiiyye, gaal kieye, Múúnííl mááya kor gaalí guuđanaya? gaalí hol yie.

Yuána 15:7

Har hí ye gaa iđa-, ˈdeenychú hí gaa ijoka, hé hí feˈdeká heetíe, haí aargiˈda.

He Ekeny Gál Alb Fimiká 1:6

Aalé gál alb fimiká ubaa Yíésu hol ˈdu gáá yimieká, gaal mú heete, Máá Guđo, kúún aalé káána gál Yisirayello kansím hol ˈdu gáá nanniyya? gaalí yie.

Róóma 12:10

Gielmit gálle hol ki ˈdalidheká hol ka ˈgáa, hol súm kiikiadhíe.

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Kolosááya 3:1

Aalé ˈdaa giri itín Waag hí Kirísto hol ˈgar uushich yé ká ˈdeeycheká, hé urati-, urle Kirísto hí Waag gíl ˈdaa naaniet ijoká eebitíe.