Matááyo 20:19 - Fayam Midhab Yiesu Kiristoká He Hol Af Iđiny Kaanaká

¹⁹ Gaal kídh gíl geer hai ye gaa kakaa, giri gál kinaal ye ˈdú kosolon-, ye tuuˈd ki tuuno-, ye ˈgór đarám yaalká ˈdú yegeská. Tá kúlích ki seđeká sídhchú geđi hollo ye hol ˈdu gáá naata, uushich yé ha yú gáá ˈdeeme, Yíésu hí gáál yie.

Matááyo 20:19 ပူးပေါင်းရင်းမြစ်များ

Matááyo 12:40

Yónnas hát beech geer kulich ubaa chúúre seđ gaa ijeká, Iny Máádhat úba uushich kulich ubaa chúúre seđ hai gaa rafama.

Matááyo 16:21

Ameeny kinaallá in Yíésu lalille geey, giri Yerúsalem mé nannuo-, ál kinaal káru ubaa gál guguđo-, suoryoká tá gál nyatalaamká hí manyjasiny guđoká mé ki kokuo-, gaalí yeges-, tá kúlích ki seđeká Waag hí logolnoycho-, Waag hí uushich yé gáá ˈdeđichoká.

Matááyo 17:23

ha gaal ye yeese, tá kúlích ki seđeká uushich yé ha gáá ˈdeeme, yie. Gál láliká đo súm ger hí gaa ˈdeenedhe.

Matááyo 27:26

Bilááto đo gáál Baráábas ki fure. Mu yuoy ˈdéé ki mure, giri gaal Yíésu anakoto gaalí sibilaam met ki higidheká ki tuunoká. Aalé Yíésu gaalí tuneká Bilááto đo Yíésu yuoy gíl gaa kaay, giri yuoy mú ˈgór đarám yaalká ˈdug ˈdú ˈdaraannoká.

Matááyo 27:63

kieye, Máá guđo, he tikiˈd hé nyí táb ká ˈjie, máá giri hódho lé-, Yíésu léká hé urgúa hogodhoká kieye, Yú kufeka, kúlích ki seđeká uushich yé ha gáá ˈdeeme, he yegie.

Márko 14:65

Aalé gáál ˈdáá tikiˈd mú sillam ˈdú faafie, mú in đafar gaa hidhe, mú tutumano ki tune, kieye, Máá ko ˈdoyká ebá ká hot! mú yie. Gál ˈBíl Waaˈgiet ˈdeˈdemeká úba mú eedhdhe, mú tune.

Márko 15:1

Bur biiy hátlé ka biˈdeká gál guguđo-, suoryoká ubaa gál káruká, tá gál nyatalaamká ubaa ar ˈdeem mumuˈdoká lulle hol ˈdéé af gáá maale. Gaal Yíésu gil hiigidhe, mú Bilááto ˈdú eey.

Márko 15:15

Aalé Bilááto nyesebich ˈdéé ki aabunayoká fede, mu gáál Baráábas ki fure. Aalé mu yuoyle ˈdéé ki mure, giri gaal Yíésu anakoto gaalí sibilaam met ki higidheká ki tuunoká. Yíésu yuoy hí tunneká, Bilááto geđi yuoy geey, giri Yíésu egeet-, mú ˈgór đarám yaalká ˈdug ˈdú ˈdaraannoká.

Lúka 18:32

Mú kídh gíl geer ha gaalí gaa kakaa, mú ha gaalí ˈdú kosolmo, mú he gaalí gaa ˈdeđia, sillam ha gaalí ki tuuna,

Lúka 23:11

Aalé Heróˈde ubaa yuoyle mú eeshey, mú he gaa ˈdeey. Gaal đafar máá kansich hí kakaatká mú kuch gáá bue, mú Bilááto hol ˈdú nie.

Lúka 24:46

Mu gáál geey, kieye, Warˈgat Waaˈgiet hatallá gaalí gaa veere: Messíya ha gaalí yeese, tá kúlích ki seđeká sídhle hollo hí hol ˈdú naata, uushich yé hai gaa ˈdeeme.

He Ekeny Gál Alb Fimiká 2:23

Máállá Waag hí gíl geer gáá kaayyééllá, he hát giri kis Waag hí tawuyye-, hí gaa feˈdeká in gál nyatalaam maamanká hí mú yiir kí chiˈde, mú hí ˈgór đarám yaalká ˈdú chies.

He Ekeny Gál Alb Fimiká 21:11

Mu nyí ˈdú gáá yimieká mu Báulo sáblé seeteká eedhdhe, mu sááb gille ubaa ˈgasle ki hiigite, kieye, Hím Naasan Waaˈgiet hatallá he chie: Sáballá máálle gál Yuuˈdi Yerusalemká hatallá hí higidha, tá hí kidh gíl gaa kakaa, Hím Naasan hí ye chie, muí yie.

He Ekeny Gál Alb Fimiká 4:27

Hé kinaallá hé ˈduway. Heróˈde ubaa Bonti Bilááto, tá gál kidhdhoká ubaa gál Yisirayelká hé ˈjienééllá hol ˈdú gáá yimie, giri Gédéch kua Saas Mán-, kuun hí salab mé ki liiyye-, kansím koyye-, Yíésu léká met hiigiteká.