Matááyo 20:16 - Fayam Midhab Yiesu Kiristoká He Hol Af Iđiny Kaanaká

¹⁶ Aaléka, hát tikiˈdééllá in gál biiy el ˈdaˈdká hí biiy met ki maada, gál biiy metoká hí biiy el ki maada, Yiesu hí gáál yie.

Matááyo 20:16 ပူးပေါင်းရင်းမြစ်များ

Matááyo 19:30

Tá gál burnay-, káánalka biiy met ˈgieká bár ˈdaatika biiy el hai ki maada, héétí gál burnay-, káánalka biiy el ˈgieká bár ˈdaatika biiy met hai ki maada, Yíésu hí gáál yie.

Matááyo 21:31

Aaléka, gál hol nyaaramallá mááya hát ˈjaalle hí fedeká ˈgíéríchle nadhe? Yíésu hí gáál yie. Aalé gál guguđo-, suoryoká ubaa gál káru muí geđieká mú ˈdéé hol ˈdú nie, kieye, Iny erká, yie. Aalé Yíésu gáál geey, kieye, Yú hí hé ˈdúwaká geeye, gál gálaat birm gaa gugusat-, muom kokuoká ubaa gál bábaská Guch Waaˈgiet met haí higila.

Matááyo 22:14

Yíésu hibéél beeteká gáál geey, kieye, Gál ilishká hé Waag hí kieˈde, kor gál muí waaˈdeká hé iraam mánká, gáál yie.

Matááyo 7:13

Káráf gaa chálká nadhíe. Káráf gaa guđoká ubaa ˈgíéríchlé gooróká íín ál manyjanyiet-, biiyoká he mé nannaa. Gál káraf gaa guđo kinaal nannaatká íín hé burnayká.

Márko 10:31

Tá gál burnay-, káánalka biiy met ˈgieká bár ˈdaatika biiy el hai ki maada, héétí gál burnay-, káánalka biiy el ˈgieká bár ˈdaatika biiy met hai ki maada, yie.

Lúka 14:24

Aaléka, yú hí geeye, ameeny gál yú kiere-, điidheká hé máá níínní gólólchú gaa yíéđianká mán, Yíésu hí gáál yie.

Lúka 15:7

Hát tikiˈdééllá yú hí geeye, mú tikiˈd héllé ˈdeđewká hay-, Waag makan ˈjieká Waag gállé ˈgasso-, urruká súmo ger hí gaa meedhe. Gál tomon saal a saal hol gál saas mánká hol ka dhaˈgasanká hé Waag gállé ˈgasso-, urruká geer ma gaa memesiny, Yíésu hí gáál yie.

Lúka 7:47

Aaléka, yú ko geeye, minnééllá ađaabano guđo-, ˈgayyóóllá hé Waag hí gaa eeyye, in aalé káána gielmit guđoká ˈgayya. Máá ađaab ninniká ˈguo-, kor ađaablé kinaal Waag hí gaa eeyyoká in gielmit ninniká úba ˈgaa.

Róóma 5:20

Waag hemuumuritle af giri les ká hileká, in gálaat ađaabanolle ubaa nyuogimle ilshandhe. Tá ađaabano ubaa nyuogim ilshandheká, in Waag ˈdúˈjímle úba súm ilshante.

Róóma 8:30

Aalé gál Waag hí taak koyyééllá in úba Waag hí ká viiyye. Gaal ííni muí ka víéllá in úba muí gál ˈdúwaká yie. Gál muí gál ˈdúwaká yíéllá he gál muí ˈduuwasuoká.

Róóma 9:30

Aalé hééllá háte ki gaa yeedhe? Har káána úba gál gál Yuuˈdi muuninyká Waag hí gál ˈdúwaká chegetoká kis mé ma ká ˈgiinyka, ˈdaa giri he Kirísto iiy yieká in Waag hí gál ˈdúwaká chie.

Dhesaloníke Erká 2:13

Nyáá nyí aadh lulle Waag gielmít hol ˈdú nanniyya, ˈdaa giri ˈdeeny Waaˈgiet hí nyí gaa maalleká, hát gálaat yé ma gáá ˈdíiny-, Waag yé gáá ˈdieká hí iiy chieká. ˈDeenyééllá he ˈdeeny ˈdúwa-, Waaˈgiet-, it hí iiy chíéllá hí hujich gaa nannuoká.