Matááyo 20:1 - Fayam Midhab Yiesu Kiristoká He Hol Af Iđiny Kaanaká

¹ Aalé Yíésu gáál hibééllá geey, kieye, Guch Uratiká héllé hol ki égká he yaalmit máá lésle ˈguor saanoká hí gaa ˈgie-, bur a midhab kie-, gál hí léslé kinaal hujich gaa nannuoká ˈgas ˈgeˈgedheká.

Matááyo 20:1 ပူးပေါင်းရင်းမြစ်များ

Matááyo 13:24

Aalé Yíésu hib éíy taaka he hol ki ekenyká gálaat geey, kieye, Guch Uratiká yaalmit ki égká he hát máá ár midhabká lésle gaa fieká.

Matááyo 13:31

Yíésu geđi hib éíy taaka he hol ki ekenyká gálaat geey, kieye, Guch Uratiká yaalmit ki égká he hát heert ninni-, máá les fafuoká hí eedhdhe-, hí lésle gaa fafuoká.

Matááyo 13:33

Yíésu geđi hib éíy taaka he hol ki ekenyká gálaat geey, kieye, Guch Uratiká yaalmit ki égká he hát maat ninni-, min hí eete-, ˈdúlo ongʼolaam hí seđeká ki ˈdaaˈdiche-, ˈdúlo lulle karsicheká.

Matááyo 13:47

Guch Uratiká úba yaalmit ki égká he hát mas gaalí bás ki layka, béé met lulle ka ˈgiiliˈgaw-,

Matááyo 20:2

Aalé máá kinaal gáál argeká, mu bíre taata-, hújíchle kulich hí tikiˈdeká gáál hol ki geey. Mu bíre taata kinaal gáál hol af gáá maaleká, gáál les hurt ali ˈdú fie.

Matááyo 21:28

Aalé Yíésu gál guguđo kinaal heete, kieye, Hibééllá tawunykíchoka, háteeye hí ká dhaˈgasanna? Mú tikiˈd nyígéény hí naama. Mu iny erkob-, he af kí ˈdieká geey, kieye, Inychú, kúlíchallá lés kúnnaa saanoká hurt sí, hujich naʼ, yie.

Matááyo 22:2

Guch Uratiká yaalmit ki égká he hát máá kansich een inyleka gálaat gólol tág ki koyká he ká taalla.

Matááyo 23:37

It ˈjien Yerusalemallo! It gál Waag hí ˈdeem ka shigichoká cheges-, gál Waag hí ali ˈdu gáá fafiyyoká waar ki tutunnóol! Yú af burnayká hát lug umle kuol gim fafaatokáka itín hí hol ˈdú gáá shuguneká fede. Tá it hé kinaal ká điite.

Matááyo 25:1

Aalé Yíésu geđi lalille hatal geey, kieye, Bár kinaal Guch Uratiká hát yaalmit hada tomon nyátáálle shuunne-, máá egeetká bííyle mé nieká he hol ki egínta.

Matááyo 25:14

Yíésu geđi gáál hibéél geey, kieye, Bár kinaallá Guch Uratiká yaalmit úba ki égká he hát máá sieny lés fágká hí ka hileká gedelle hol ˈdú vie-, kamurle gáál gil fieká he ká taalla.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Márko 13:34

Hééllá hát máá bííy eiy sienyle hí ká hileká. Mu hátlé ényle ma gaa kíinyká gedelle ényle af iđie-, gáál hujichaamle eiy met ki koy-, tá máá é káráfle ˈdeˈdeenká geey-, kieye, Tág yíéđig, ha mé les ki gân! yieká.

Yuána 15:1

Aalé Yíésu kieye, Yú he ˈgór ˈdúwaká. ˈJaachú he máá ˈguor ootoloká.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.