Matááyo 19:29 - Fayam Midhab Yiesu Kiristoká He Hol Af Iđiny Kaanaká

²⁹ Ameeny máá ˈdaa meenychúka ényle yíekaʼ, nyaaramle yíekaʼ, ˈjaalle yíekaʼ, ˈjielle yíekaʼ, umle yíekaʼ, tá léslé fafuoká yíekaʼ hayoká, héllé hay kinaallá hé éíy taaka hat kinaallo-, hí af ˈdú gíri-, kúˈd nyuoroká hai aargira. Héétí mu luolmit biiyoká hai aargira ubaa hai gaa yíéđima.

Matááyo 19:29 ပူးပေါင်းရင်းမြစ်များ

Matááyo 10:22

Itín gálaat lulle ˈdaa meenychú ˈdugaka haí neebeedhe. Tá máá hééllá lulle mé ki chirsat-, ˈjíig he mé đig yeetká Waag haí rianna.

Matááyo 13:23

Ár gaalí eeˈd máálká álle gaa fieká he hol ki ekenyle he hát máá ˈdeeny Waaˈgiet maaleka, ˈdéé hát ˈdabaanká chichiratká. Gál hat kinaallóóllá saano midhab hí yé gáá ˈdeˈdeenká hé burnayyeká, mááká kúˈd, mááká tomon le, mááká tomon seđe.

Matááyo 13:8

Ár giri muí ál maal hí midhabká gaa fieká ká ˈdie, hisse, ˈbaal hí kúˈd ˈdale, ˈbaal hí tomon le ˈdale, ˈbaal hí tomon seđ ˈdale.

Matááyo 16:25

Máá sídhle tág chichirat-, fedoká sídhle hai baađisia. Tá máá sídhle ˈdaachú ˈdugaka bađisuoká sídhle hai riima.

Matááyo 19:16

Guch guđo mán, máá ruorich mare Yíésu ˈdu gáá yimie, mú heete, kieye, Máá gáál he oonisúóllo, meete midhab yú ekemeye, giri yú luolmit biiyoká aargiroká? yie.

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Matááyo 5:11

Itín af giri gaalí egesheyo-, gaalí maanyjasuo-, he met lullé ˈdeđewká ˈdaachúka gaalí ˈdú hogodhoká, it kinaallá Waag hé hí ˈdú ˈjeˈjeenno.

Matááyo 6:33

Aaléka, erkob Guch Waaˈgiet ubaa hé Waag hí itín gaa feˈdoká hol gaa ˈgeˈgedhée, hé hí feˈdééllá lulle ha muí shigia.

Lúka 14:26

Máádhat ye ˈdu gáá yimet-, kor íín ˈjaalle, ˈjielle, minle, umle, nyaaramlé yaabká ubaa ˈdietká, tá sídhle dhúrle biiy met kuo-, yú ye biiy el kí maduoká, máá kinaallá hé máá lalichú ma yegen.

Lúka 5:11

Aalé gáál kadisle ílung koy, gaal he lulle hay, Yíésu el gaa veere.

Lúka 6:22

ˈDaa chia yáálle Iny Máádhátallá ˈdugaka gaalí ˈdú nebedhe-, gaalí moonodhe-, gaalí chaachare-, tá gaal meetkícho ˈdeeneyka, Waag hé hí ˈdú ˈjeˈjeenno.

Yuána 15:19

Itín hí lésallá gálle kátaka, les hát hí léká gálle onnônyka hé hí giel. Itín ˈdaa giri hí gál lesalloká muuniny-, yú hí waaˈde-, hí lésallá gíl sug ki haycheká in les gálle hí neb.

Yuána 4:36

Máá ˈguom mé ˈdaraanká hé símísle he gaa arge, ˈguom ˈdaa luolmit biiyoká ki đuorie. Hatallá in máá ˈguom fafuoká ubaa máá ˈguom mé ˈdaraanká hol ˈgar geyyime.

He Ekeny Gál Alb Fimiká 9:16

Mú aalé ˈdaa meenychú ˈdugaka hé burnay-, il hí mú aargiˈdoká mú ha yú aargisia, Máá Guđoká hí yie.

Korínto Erká 2:9

Hééllá he hé Warˈgat Waaˈgiet hí hote-, kieye, Hé kálta máádhat hí il ma ki árginy-, hí nétle mán-, hí kasle mánká, hé kinaallá he hé gál Waag gielká Waag hí met tág koyyeká, chieká.

Korínto ki Naamaká 5:16

Aalé káána ke gaa ijóóllá, muun hé ke geđ máádhat hát gálaat hí ki taawuo-, hí ka egeetká ma dhaˈgaminy. Muun erkobká Kirísto hát gálaat hí ká dhaˈgameká in úba ke ká dhaˈgame, tá káána ke mú kimiteká, hé kinaallá hé ke hay.

Filíbi 3:8

Iiy-hí, hééllá lulle yú Kirísto ˈdaalle ki dhaayka, hé ˈdúúw mánká yú ká dhaˈgama. Máá chia Guđo Kirísto onnonlé yú onodheká hé he lulle af mé ˈdú gíri. Mú ˈdaalle ˈdugaka hééllá yáá hay, hééllá hát ége yú ká dhaˈgama, giri Kirísto mááchú yeget-,

Bétiro Erká 4:14

ˈDaa giri Hím Naasan Waaˈgiet ˈdúúw ˈgayyoká hí buanneká, har gaalí meeny Kiristo ˈdaalle ki chaachareka, it Waag hí ˈdú ˈguunuanne.

Yuána ki Seđeká 1:7

Hééllá he ˈdaa giri gaal siem ˈdaa meeny Máá kúnnaa Guđóóllá ˈguo-, gaal gál Waag muogká hé níínní he ruogonon mánká.