Matááyo 18:7 - Fayam Midhab Yiesu Kiristoká He Hol Af Iđiny Kaanaká

⁷ He bá ˈdéen! Les har hé gálaat ađááb higilsuoká hí gaa ijaa! Yaalmisam hatallóóllá gon les yé hai gáá ˈdeeme, tá máá gálaat ađááb higilsúóllá, ebá he hí ki ˈdéen!

Matááyo 18:7 ပူးပေါင်းရင်းမြစ်များ

Matááyo 16:23

Yíésu Bétiro gaa dhaay, kieye, Sátan, ye innum gaa sí! Kuun he mé ilchú. Tawuny ˈgayyóóllá hé tawuny Waaˈgiet muuniny, tawuny gálaat, Yíésú hí mú yie.

Matááyo 26:24

Warˈgat Waaˈgiet hé hoteká hai ˈduuwaa, Iny Máádhat ha gaalí yeese. Tá máá Iny Máádhat gál hí oos ˈguoká gíl geer gaa kakawká, ebá he hí ki ˈdéen! Máá kinaallá onnônyka ma ká ˈdalaanka kalat, Yíésu hí gáál yie.

Márko 13:7

Hí oosom ka ˈjóbká ubaa oosom fágká hemle maalleka haí bírginy. Hééllá yiem hai ká ˈdeeme, tá les el ˈdaˈdle hé geđ igiˈdo.

Lúka 17:1

Yíésu lalille geey, kieye, Hé gálaat Waag el af gaa tatuoká ali hai kí ˈdeeme, tá máá hé kinaallá hí yé gáá ˈdieká he il haí aargiˈda.

Yuána 17:12

Af giri gáál nyí hol ˈgayyeká meeny ye ká shiichééllá yú gáál in ki yiel, in gaal naanná ije. Gaal hé máá níínní muun gáál gaa ˈgiteká mán. Gálallá máállé tikiˈde-, muun gáál gaa ˈgiteká he iny baađawká tákáma, giri ˈdeeny kua warˈgát hí hoteká ˈduuwawká.

He Ekeny Gál Alb Fimiká 1:16

Aalé mu kieye, Nyaaramchú, he veerit Waaˈgiet gon hé ˈduwayye, giri kíssóótí Hím Naasan Waaˈgiet hí ˈDáwuˈd a geer gaa kaayye-, giri ˈdeeny Yuuˈdas-, máálle gál Yíésu ˈgiliˈgayká Yíésu ˈdú eeyká.

Korínto Erká 11:19

Tá hol eiy gaa ˈgisan kíchiallá taglé, giri gál hurtkíchoka iiy yeenle tagano ki ˈgieká gaalí kiimisatká.

Tímote Erká 6:1

Ameeny gál Kiristo gaalí géde hoteká, hí gállé hí léká hát lulle gál ˈdúwaká ká dhaaˈgasan, giri Waag meenyle ubaa he onisinyle gaalí ma eeshenyká.

Títo 2:5

ˈdég kás kakaat-, úba muosam mánká. Héétí ˈdég hí ˈdeg é gerleka líles-, ger gaa ˈdabaan-, beelemle met gaa kekeenká onnoyyo, giri ˈdeeny Waaˈgietallá gaalí ma egeshenyká.

Títo 2:8

ˈDéé hótkú hí ˈdéé hót ˈdúwa-, gálaat hí ma ˈdeđensenká onnoyyo, giri gál he onisinykú egesheyoká kern hí ˈgiidho-, ˈdeem ˈdeđew-, ˈdaa kúnnoka hogodhoká ˈdaaboká.

Yúúa 1:4

Onnóo, gáál mé tikiˈd hé hí hurt kí hure, gálallá hé Waag kian ka mán. Gaal hé Waag ˈdúˈjímlé muun gáál mé fuˈdeká hol gaa lay, ˈdúˈjím héllé ˈdeđew-, gaa seseenká hoy. Héétí, gaal hé Máá kúnnaa Guđo-, gáál mé ki yaal-, Yiesu Kirísto điidhe. Gálallá he gál héle ˈdeenyle warˈgát gaa ije-, giri Waag hí ˈdéé ki iđiche-, hí ˈdeensenteká.