Matááyo 18:26 - Fayam Midhab Yiesu Kiristoká He Hol Af Iđiny Kaanaká

²⁶ Aalé gédéch êw ˈgie kinaal mú ˈgas met les gaa ˈdoy, mú gil ki efe, kieye, Ha ˈgorôny, ye af yíéđig, ewkú ha yú ko kí higidha, yie.

Matááyo 18:26 ပူးပေါင်းရင်းမြစ်များ

Matááyo 18:29

Máá gedech kinaal mú ˈgas met les gaa ˈdoy, mú gil ki efe, kieye, Ha ˈgorôny, ye af yíéđig, ewkú ha yú ko kí higidha, yie.

Matááyo 2:11

Aalé gaal ˈbíl hileká véel ubaa ˈjiellé María arge. Gaal véel metle les kurram gaa ˈdoy, véel ˈdúúw shie. He đueká gaal đo tokolaamle af fuufure, gaal hórkí ubaa íláám ussaká, tá henyit gaalí salab hol fie-, he véel ˈdu gáá sidheká véel shie.

Matááyo 8:2

Aalé máá nyókot ˈguo mare mú ˈdu gáá yimie, mú ˈgas met les kurram gaa ˈdoy, kieye, Máá Guđo, har feˈdoka, ye faayansichoká kó uˈdo, yie.

Lúka 7:43

Símon Yíésu ˈdéé hol ˈdú nie, kieye, Yúka, máá giri muí ew ilishká ki hayká súm mú giel, yie. Yíésu kieye, Taglé, kó hát ˈdabaanká hote, yie.

Róóma 10:3

Gaal hé ˈgíérích Waag hí gálaat gál ˈdúwaká ki chegetoká eiy ma náásan. Gaal ˈgíéríchlé éíy taaka-, kasleka hol innum Waaˈgietka hol gál ˈdúwaká hođuoká he nanadha. Tá ˈdaa giri gaal he ˈgíérích Waag hí feˈdoká iiy ma yéen-, ma náanká, gáál hé Waag hí gál ˈdúwaká ma chegen.