Matááyo 17:5 - Fayam Midhab Yiesu Kiristoká He Hol Af Iđiny Kaanaká

⁵ Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 17:5 ပူးပေါင်းရင်းမြစ်များ

Matááyo 12:18

giri Waag kieye, Máá chia yú ká sillie-, hújíchchú nannuoká dhaayyíe! Máállá he máá yú giel-, ye geer gaa memeyoká. Hím Naasanchú mú ha yú ˈdú kokoo, mu ˈdéé ki iđiny ˈdúwaká kidh hai ki ˈdiyime.

Matááyo 17:6

Gál giri láliká ˈdéé hótal maaleká súm birge, abuunam les ˈdane.

Matááyo 3:17

Aalé ˈdéé hót úr yé gáá ˈdiiyye, kieye, Hééllá he Iny chia yú gielká, mu hé tág ye geer gaa meey, chie.

Márko 1:11

Aalé Waag ˈdéé úr gáá hote, Yíésu geeyche, kieye, Kuun he Iny chia yú gielká, kó tág ye geer gaa meeyche, mú chie.

Márko 9:7

Aalé nyáˈdow yé ká ˈdiiyye, gáál buanne, Waag nyáˈdow ˈdéé gáá hote, kieye, Hééllá he Iny chia yú gielká, mú af nee kóo! Waag hí chie.

Lúka 3:22

Hím Naasan Waaˈgiet hát yaalmit holeká mú ˈdu gáá leete. Gálaat ˈdéé úr gaa maale, ˈdee kieye, Kúún he Iny chia yú gielká, kó tág ye geer gaa meeyche, ˈdee hí yie.

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Yuána 3:35

Íny hé ˈJaallé Waag hí geelnedhe, ˈJaalle hí he met lulle gíl geer fie.

Yuána 5:37

Tá ˈJaa chia ye ali gáá kaayallá ííni ˈduuwchú hogodho. Itín it kálta mú afle ma mááliny, ubaa mu yaalmitlé yaalká ma árginy.

He Ekeny Gál Alb Fimiká 1:9

Mu ˈdeenyéél beeteká hátlé gaalí dhaˈgameká úr mé nie, nyáˈdow hí buanne, gáál in ki bađay.

He Ekeny Gál Alb Fimiká 7:37

Hééllá Móshe tikiˈde giri gál Yisirayel geey-, kieye, Waag máá Waag hí ˈdéé ka shigicho-, hát yúká gálkúnno hurt yé hai gáá ˈdeđicha, muí yieká.

Eféso 1:6

giri mú ˈdúˈjímlé-, ˈdúwáállá taalle ke mú ki memeyoká. Waag ˈdúˈjímlé-, múún gáál ˈdú ookodmichóóllá mú inylé galaamká ˈdaallé muí muun gáál ki shie.

Kolosááya 1:13

Mu hé kánsích ˈdeew-, bííyle gaa ongʼoˈdeká muun gáál gim yé gáá ˈdeey, gáál guch Inylé gielká gaa iđite.

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Kí Edhesiny 1:7

Bá dhaayyíe, mu nyáˈdow hai kí yiimedhe, il lulle haí aargiˈda, gál mú veereká úba mú hai aargira. Kidh lullé les gaa ijoká mú ˈdaalle ˈdugaka af gaa guđoká hai ki beeme. Iiy-hí, he hí hát kinaallá yeet.

Kí Edhesiny 14:14

Aalé yú nyáˈdow édh-, máá hát iny máádhat ká yaal-, shóte horkiká mé ká ˈguo-, faaˈd órof-, allé-, gaalí ˈguom ki mumuratká gíl ka ˈguoká hí ˈdú ijoká arge.