Matááyo 17:12 - Fayam Midhab Yiesu Kiristoká He Hol Af Iđiny Kaanaká

¹² Tá yú hí geeye, Elíya íín kis hé ká ˈjie, ha gaalí ma kimísan! In hát gaalí fedeká gaalí ki sedhe. Yáá Iny Máádhátallá úba hát gaalí fedoká ha gaalí ye ki seeme, ha gaal ye maanyjasia, Yíésu hí gáál yie.

Matááyo 17:12 ပူးပေါင်းရင်းမြစ်များ

Matááyo 11:2

Aalé Yuána hiiginlé gaa ijeká Yíésu héllé eekemeyká maaleká, mu lalille ˈbáál ali fie,

Matááyo 16:21

Ameeny kinaallá in Yíésu lalille geey, giri Yerúsalem mé nannuo-, ál kinaal káru ubaa gál guguđo-, suoryoká tá gál nyatalaamká hí manyjasiny guđoká mé ki kokuo-, gaalí yeges-, tá kúlích ki seđeká Waag hí logolnoycho-, Waag hí uushich yé gáá ˈdeđichoká.

Matááyo 17:11

Yíésu gáál ˈdéé hol ˈdú nie, kieye, Taglé, Elíya he máá erkob ká yimet-, he lulle tág kokuoká.

Matááyo 17:13

Aalé Yíésu ˈdeeny Eliyáál huogodheká gál láliká mu hát Yuána gálaat bie gim nannieká ˈdeenyle hogodhoká eiy naate.

Matááyo 17:22

Aalé Yíésu ubaa lalille geđi Galilááya hol ˈdu gáá yimieká, Yíésu lalille geey, kieye, Yáá Iny Máádhátallá gál ye yegeská gíl geer ha gaalí ye gaa kakaa,

Matááyo 17:9

Aalé gaal he gum gáá leledheká, Yíésu gáál il gíl gaa helie, kieye, ˈDaab yáá Iny Máádhátallá he uushich yé ma gáá ˈdíinyká hé hí argiyyééllá haí máádhat géeny, muí gáál yie.

Matááyo 21:32

Yuána ka yimieká ˈgíérích ˈdúwa-, hí nannaatoká hí geđie, kor itín it mú af iiy ma chéen, gál bábaská ubaa gál gálaat birm gaa gugusatká in hí af iiy yie. Hé kinaal úba hí argiyyeká, it kaskícho hol ma gaa lâny, hí mú af iiy ma chéen, Yíésu hí gáál yie.

Matááyo 8:20

Aaléka, Yíésu mú geey, kieye, Mana godollé he gaa ija, hurum hé ényle ˈguo, tá yáá Iny Máádhátallá yáá ál ˈguo-, mé les ˈdú igifuoká mán, yie.

Lúka 7:33

Yuána ka yimieká hé af higite, hé bersh ma igíminy, in itín hí kieye, mu aryáánno ˈgaa, hí mú cheedhe.

Yuána 1:11

Mu hé lésle ká yimie, kor mú gálle hé mú điidhe.

He Ekeny Gál Alb Fimiká 2:23

Máállá Waag hí gíl geer gáá kaayyééllá, he hát giri kis Waag hí tawuyye-, hí gaa feˈdeká in gál nyatalaam maamanká hí mú yiir kí chiˈde, mú hí ˈgór đarám yaalká ˈdú chies.

He Ekeny Gál Alb Fimiká 4:10

aalé itín lulkícho hééllá maaláa, gál Yisirayel lulle úba hí hééllá maalo: he ˈdaa meeny Yiesu Kiristo giri Nasaret-, máálle itín hí ˈgór đarám yaalká ˈdú chies-, tá Waag hí uushich yé gáá ˈdeeycheká in máá hí metééllá gaa yaalallá hí ki bie.

He Ekeny Gál Alb Fimiká 7:52

Ameeny gál giri Waag hí ˈdéé ka shigicheká mááya eshim eshimkícho hí he ma ki ekêny? Eshim eshim kíchia kinaallá in úba gál giri héle Máá ˈdúwa-, saas mánká ˈjímle ˈdiiyimeká yies. Aalé káána itín it Máá ˈdúwa-, saas mán kinaal hí gáál mú mé il gaa koyye, hí mú chies.