Matááyo 17:1 - Fayam Midhab Yiesu Kiristoká He Hol Af Iđiny Kaanaká

¹ Aalé ram le ˈgiteká Yíésu đo Bétiro ubaa Yákob, tá Yákob nyárlé Yuána eedhdhe, gaal tákámle gúm ˈdérká feˈjie.

Matááyo 17:1 ပူးပေါင်းရင်းမြစ်များ

Matááyo 17:2

Ál kinaal Yíésu gáál metle bis hí hol gaa suoy, mú innum hí édh chie, hát aadho, mú đafaraamle súm édh yie, ˈjiimiˈde.

Matááyo 26:37

Aalé mu Bétiro ubaa hele naama-, Dhebeˈdayaká eedhdhe. Mu sesemeká đo geer hí gaa ˈdeenedhe, tawuny úba hí ˈjiiyye.

Márko 13:3

Yíésu hátlé Gúm Saano Salabká ˈdú ije-, ˈBíl Waaˈgiet ˈdaalle bala nieká, Bétiro, Yákob, Yuána, tá Ánˈduru mú nógúól yiete, kieye,

Márko 5:37

Mu gál he hol egedhdheká síé rie. Bétiro, Yákob, tá Yuána giri Yákob nyárléká tákámle hol eedhdhe.

Lúka 8:51

Yíésu he é nyuoreká, mu hé máá níínní éíy taaka iiy yie-, hol ˈbíl ˈgar hileká mán. Gál mú hol ˈbíl ˈgar hileká he Bétiro, Yuána, Yákob, tá véel gállé hí ˈdaleká tákáma.

Korínto ki Naamaká 13:1

Hééllá sieny chia ki seđe-, yú hí ˈdú gáá yiimetká. Warˈgat Waaˈgiet kieye, Ali gál misigír naama-, muuninyka, seđeká hí gaa ijoka, ˈdéé eiyyo gaalí hol gaa nannaa, he chie.

Bétiro ki Naamaká 1:16

Af giri ke hí geey-, Máá kúnnaa Guđo Yiesu Kirísto fargogínt hollo hol kí nanadha-, ki hí yieká, hé kinaallá hé hib điđamo-, gálaat hí hol af tág kí koyká muuniny. Yíésu ˈduuwle íín íl kínyaa nyí ki argiyye.

Bétiro ki Naamaká 1:18

Af giri nyíín ubaa Yíésu nyí gúm Waaˈgiet álle gaa iđe-, Waag ˈdéé úr gáá hoteká, nét kínyaa nyí ki maalle.