Matááyo 16:24 - Fayam Midhab Yiesu Kiristoká He Hol Af Iđiny Kaanaká

²⁴ In aaléka Yíésu lalille geey, kieye, Máádhat ye el gáá verenoká fedoka, íín dhúrle erkob hí hol điidho, hí ˈgórlé đarám yaalká eet, tá hí ye el gáá veero.

Matááyo 16:24 ပူးပေါင်းရင်းမြစ်များ

Matááyo 10:38

Máá ˈgórlé đarám yaalká ma een-, ye el ma gáá véérinyká, hé mááchú muuniny.

Matááyo 27:32

Gaal ˈgíéríchlé gaa igireká, gaal máá gaalí Símon yeget-, máá ˈjien Kurene mare hol ˈdu gáá fame. Yuoy ˈgór đarám yaal-, Yíésu hí ˈgieká mú ˈdú moyche, giri muí siidhoká.

Márko 10:21

Aalé Yíésu mú gaa dhaay, mú geelnedhe, mú geey, kieye, He tikiˈde tákáma ko gaa laʼ. Sí, he lullé ˈgayyoká bíre yío, bíre kinaallá gál he maamanká eiy gis, kamur guđoká úratíá ha gaa aargiˈda. Hééllá đusicheka káde, ye el gáá véer, Yíésu hí mú yie.

Márko 15:21

Aalé gaal máá forich gáá yiimie-, ál kinaal ká nadhe-, gaalí Símon yeget mare he ˈdú moy, giri mu Yíésu ˈgórlé đarám yaalká ˈgar egeetká. Máá kinaallá he máá lés Kurene, Alekesánda ubaa Rúúfus ˈjaallé.

Márko 8:34

Aalé Yíésu lalille ubaa nyesebich hol ˈdu gáá vie, kieye, Máádhat ye el gáá verenoká fedoka, hí hol điidho, hí ˈgórlé đarám yaalká eet, hí ye el gáá veero.

Lúka 14:27

Máá ˈgórlé đarám yaalká ma ká een-, ye el ma gáá veerinyká, hé máá lalichú ma yegen.

Lúka 23:26

Gaal sienylé seseme-, Yíésu ˈgie-, mú ál ˈgór đarám yaalká ˈdú ˈdaraanká ˈdú egedhdheká, máá Kurene-, gaalí Símon yegie-, forich gáá yiimie mare hol met kí ˈdoy. Aalé gaal máá kinaal ká ˈgiliˈgay, mú ˈgór đarám yaal-, Yíésu hí ˈgieká ˈgáár ˈdú iđie, mu Yíésu el gaa veere, mú ˈgór ˈgar sidhe.

Yuána 19:17

Yíésu ˈgórlé đarám yaalká eedhdhe, gaal sedhe, ál gaalí Ál Me ˈGonte yegetká mé nie. Ál kinaallá af Heberewka, Golgóta, gaalí yegedhe.

Yuána 21:19

Yíésu hééllá hodhééllá kúfách Bétiro hí kufunan-, mu Waag ˈduuwayoká yaalmitlé he mú geey. Aalé Yíésu ˈdeenyéél hodheká mú geey, kieye, Ye el gáá véer, yie.

Yuána 21:22

Yíésu mú ˈdéé hol ˈdú nie, kieye, Har yú fedo-, mu les ˈdug ˈdú yíéđian-, ˈjíig af giri yú hol ká nannaatká đig kátaka, hé kinaallá meete kua hí gaa ija? Kúún ye el gáá véer! mú yie.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Dhesaloníke Erká 3:3

héétí manyjasiny kíchia hí gaa iđóól hí ma gaa riiteenká. Manyjasiny hatallóóllá múúni ki Kirísto iiy yíéllá hát il hí muun gáál aargiˈdoká it óg.

Tímote ki Naamaká 3:12

Aaléka, ameeny gál Máá kúnnaa Rubachiet Yíésu iiy yie-, iđiny Waag hí ˈdúúw gaa egeetoká fedoká manyjasiny il haí aargiˈda.

Bétiro Erká 2:21

ˈDaa giri Kirísto hí ˈdú manyjayká, in Waag hí yaalmitééllá kí viiyye, giri hí yaalmit Kiristóóllá enniannoká.