Matááyo 15:31 - Fayam Midhab Yiesu Kiristoká He Hol Af Iđiny Kaanaká

³¹ Aalé gál af maamanayká ˈdeem huogodhe-, gál héljoká bie-, gál ˈgas maamanayká hol gaa seeseme-, gál in maamanayká úba biiy gaa argeká, nyesebich đo af gil hí fame, gaal Waag Yisirayel meey.

Matááyo 15:31 ပူးပေါင်းရင်းမြစ်များ

Matááyo 15:30

Nyésébích ilishká mú ˈdu gáá yimie, gaal gál héljoká, gál in maamanká, gál ˈgas maamanká, ubaa gál af maamanká, tá gál burnay-, basham ˈguoká lulle ká sisidhe, gáál Yíésu ˈgasle met fie, gáál Yíésu hí bisie.

Matááyo 18:8

Har gílkú yíekaʼ, ˈgáskú yíekaʼ, ko ađááb higilioka, ali gaa mur, lab. Luolmít gíl tikiˈd ubaa ˈgas tikiˈd ki hilleka kalat. Hát gilkú ubaa ˈgaskú alulle ˈgayyo-, tá Waag ko ˈjiet biiyoká ki lalaannóóllá ˈdeew.

Matááyo 21:14

Aalé Yíésu ˈBíl Waaˈgiet gaa ijeká, gál in maamanká ubaa gál ˈgas maamanká hí ˈdú sedhe, gáál muí bisie.

Matááyo 8:10

Yíésu mú ˈdeenyléél af ˈdabe, gál giri hí el gaa igireká geey, kieye, Yú hí hé ˈdúwaká geeye, lés Yisirayel geerle lulle yáá máá iiy yeen guđo hatallóóllá ˈguoká ma gaa árginy!

Matááyo 9:32

Gál Yíésu hí in yé ká ˈdeey kinaal hátlé kieká, gálaat Yíésu máá aryáán hí hille-, aryáán hí af ˈdabsiche mare mú ˈdu gáá eey.

Matááyo 9:33

Mu tikiˈde Yíésu hí aryáán yé gaa ˈdeđúóllá đo ˈdéé huogodhe. Gálaat he af hiibidhme, kieye, Hé hatallóóllá hé kálta gaalí Yísirayel ma gaa árginy, yie.

Matááyo 9:8

Nyésébích ál kinaal ˈgieká mu les gaa kie-, argeká he af ˈdabe, neey, kor gaal Waag gálaat fargoginsam hat kinaallóóllá shiicheká meey.

Márko 2:12

Gaal hátlé mú gaa dhaˈgameká mu đo les gaa kie, lokoˈdle eedhdhe, ényle mé nie. Gaal lulle héél af ˈdabe, kor Waag meey, kieye, Hé hatalóóllá hé kálta ke ma árginy! yie.

Márko 7:37

Gaal lulle héél súm af ˈdabe, kieye, Máállá hé ˈdabaanká lullé ekey. Gál nee mánká nee eiy ˈdeđia, gál af mánká af kakaa, gaalí yie.

Márko 9:43

Har gílkú ko ađááb higilioka ali gaa mur. Gíl tikiˈd maníta-, tá luolmít hilleka kalat. Hát gil hullaalle ˈgayyo-, kor ˈjiet bolo hí ma kufuminyká higilloká ˈdeew. [

Lúka 14:13

Gólol tág niiyyeka, gál he maamanká, gál ˈgas ˈdeđewká, gál alb hí gáá okoˈdeká, héétí gál in maamanká úba kíer.

Lúka 14:21

Aalé máá giri gedechká hol nadhe, máállé guđoká fayaméél lúl shie. Aalé máá guđo kinaal hát idhoká gédéchle geey, kieye, Káána ˈjóballá keʼ, ˈgierim ubaa é totom gaa sí, gál he maamanká, gál ˈgas ˈdeđewká, gál alb hí gáá okoˈdeká, héétí gál in maamanká úba ka éew, mú yie.

Lúka 18:43

Tíkíˈdé kinaal mú đo in hí eiy ˈdie, mu Yíésu el gaa veere, Waag meey. Gálaat lulle héél argeká úba Waag meey.

Lúka 7:16

Gaal lulle he a ˈdabe, Waag meey, kieye, Máá Guđo-, Waag hí ˈdéé ka shigichoká hé gáál hurt yé gáá ˈdie. Waag hé ká leete, gálle ˈdú ˈjiiyye, gaalí yie.

Yuána 9:24

Aalé gaal geđi máá biiy gaa argeká ká vie, geey, kieye, Ebá Waag ˈdúo, hé ˈdúwaká húógot. Nyiin íín máá kinaallá hát ađaabano ˈguoká nyáá nyí óg, gaalí mú yie.