Matááyo 14:27 - Fayam Midhab Yiesu Kiristoká He Hol Af Iđiny Kaanaká

²⁷ Yíésu đo ál tikiˈde kinaallá ˈdéé hodhe, kieye, Haí néeny, he yú, sierm hayyíe! gáál yie.

Matááyo 14:27 ပူးပေါင်းရင်းမြစ်များ

Matááyo 14:28

Bétiro mú ˈdéé hol ˈdú nie, kieye, Máá Guđo, he har kúún kátaka, ye géesh, yú bie ˈdug gaa sedhe, ko ˈdu gáá yimedhe, yie.

Matááyo 17:7

Yíésu gáál ˈdú sedhe, gáál ˈdú chiichiˈde, kieye, Haí seerêny, les gaa kée, yie.

Matááyo 28:10

Aalé Yíésu ˈdég geey, kieye, Haí seerêny! Sedhíe, nyaaramchú geeyyíe, gaal hí Galilááya siet, lés kinaallá in nyí gáál hol gaa aargiˈda, muí ˈdég yie.

Matááyo 28:5

Aalé máá ˈgasso-, urru kinaal mú María geey, kieye, Haí seerêny! Itín hát hí Yíésu gaalí ˈgór đarám yaalká ˈdú yieská hí ˈdu gáá chimieká yáá óg.

Matááyo 9:2

Ál kinaal gálaat máá héljoká rokoˈd ˈdu gáá iifite, mú Yíésu ˈdu gáá eey. Yíésu gáál iiy yeenle argeká máá giri héljoká geey, kieye, Inychú, ha geer mare ˈgíiny! Ađaabanokú yáá ko gaa eey, yie.

Márko 6:50

Gaal lulle mú argeká sierm ˈdeewká hí faanne. Mu đo gáál geey, kieye, Haí néeny, he yú, sierm hayyíe! yie.

Lúka 1:13

Aalé mu Sakaría geey, kieye, Sakaría, ha bírginy. Waag visankú hé Waag hí maalle. Min kua Elísabet iny yab hai ko kí ˈdaalla. Íny meenylé shigichoká Yuána.

Lúka 1:30

Aalé máá ˈgasso-, urru kinaal mú geey, kieye, María, ha néeny. Waag hé ko ˈdú ˈjiiyye.

Lúka 12:32

Wala iraam mánnallo, haí biiy gaa kikían! ˈJaakícho hí Guch Waaˈgiet shiguoká hé tág fedo.

Lúka 2:10

Máá ˈgasso-, urru-, Waaˈgiet kinaal gáál geey, kieye, Haí bírginy. Bá dhaayyíe, yú fayam guđo-, geyyiny ˈgayyo-, gálkícho lulle ki midhabká hí ˈdu gáá sidhe.

Lúka 5:10

Hát tikiˈdéél Yákob ubaa Yuána giri hele Dhebeˈdaya-, Símon hol ˈgar awumeká úba he a ˈdabe. Aalé Yíésu Símon geey, kieye, Ha bírginy, kúlích ki gaa ijóóllá kúún aaléka gálaato Waag ˈdu gáá egeyye, mú yie.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Yuána 6:20

Yíésu đo gáál geey, kieye, He yú, haí seerêny! gáál yie.

He Ekeny Gál Alb Fimiká 23:11

Aalé kúlích kinaal chúúrélle Máá Guđoká Báulo láá ki ˈdie, kieye, Ha binenêny, hát tikiˈde giri ye Yerúsalem gaa ˈdiiyeennééllá, ˈjien Rooma úba ha ye gaa ˈdiyeenne, Máá Guđoká hí mú yie.