Matááyo 14:23 - Fayam Midhab Yiesu Kiristoká He Hol Af Iđiny Kaanaká

²³ Mu nyesebich Waag ki eeyká sedhe, gúm feˈjie, giri Waag vivisatká. Aadh dhúú ˈjiiyyeká Yíésu tákámlé he ál kinaallá gaa ije.

Matááyo 14:23 ပူးပေါင်းရင်းမြစ်များ

Matááyo 26:36

Aaléka Yíésu ubaa lalille kie, gúm kinaal ál gaalí Geđesémane yeget mare mé nie. Gaal ál kinaal nyuoreká mu lalille geey, kieye, Állá ka yíéđía, yú sedhe, Waag vita, yie.

Matááyo 6:6

Waag vivisatoká, ˈbílkú geer af ki kúo, ˈJaa kua máá hí argo-, mánká vísso. Hát kinaallá ˈdiiyyeka, ˈJaa kua hé gaalí ma arginyká argoká, hé shiicho hai ko ká shigia.

Márko 1:35

Búrlé-, biiy hátle ma bírinyká Yíésu ˈbíl yé gaa ˈdie, ál ˈbakate-, Waag gaa vivisatká sedhe.

Márko 6:46

Mu gáál hol in eiy ka kieká mu sedhe, gúm feˈjie, giri Waag vivisatká.

Lúka 3:21

Af giri Yuána hátlé Heróˈde hí ma hííginká, Yuána gál ka yimieká lulle bie gim nannieká Yíésu úba bie gim nie. Yíésu hátle Waag vivita úr af hí furme.

Lúka 5:16

Aalé Yíésu af burnayká aadhká alb gálaat mánká he mé nannie, Waag gaa vivite.

Lúka 6:12

Aalé kulich tikiˈd Yíésu gúm mé nie, Waago he vivite. Mu chúúre kinaal lulle Waag gaa vite.

Lúka 9:18

Kulich tikiˈd Yíésu tákámle Waag viviteká, mú lalille hé mú hol ˈgie. Aalé mu gáál heete, kieye, Gálaat mááya ye yegedhe? yie.

Lúka 9:28

Aalé Yíésu hé kinaal lulle beete. Ram amú síet chieká mu Bétiro, Yuána, tá Yákob eedhdhe, gúm feˈjie, giri Waag vivisatká.

He Ekeny Gál Alb Fimiká 6:4

Nyíín dhúrkínyo aalé bar lulle Waag visan ubaa ˈdeeny Waaˈgiet ˈdiiyiminyle nyí mé verenne, gaalí yie.