Matááyo 13:52 - Fayam Midhab Yiesu Kiristoká He Hol Af Iđiny Kaanaká

⁵² Aalé Yíésu đo gáál geey, kieye, Aaléka, máá gálaat nyatalaam oonisuo-, Guch Waaˈgiet lalille yieká he hát máá ˈbíl geerle mé ki yaal-, tokolle hé ˈduuˈdúwa-, kissoká ubaa hé ˈduuˈdúwa-, kaanaká hí gaa ijoká yé gáá ˈdeđuoká, yie.

Matááyo 13:52 ပူးပေါင်းရင်းမြစ်များ

Matááyo 12:35

Máá ˈdúwaká ˈdaaka hé ˈdúwa-, geer ki sisidhoká in ˈdeenylé ˈdúwaká hí yé gáá ˈdeˈdeme. Máá ˈdeewká íín ˈdaaka hé gaa nyakarich-, he geer ki sisidhoká in ˈdeenylé gaa nyakarichká hí yé gáá ˈdeˈdeme.

Matááyo 13:51

Aalé Yíésu gáál yiete, kieye, It he onisinyééllá eiy naasate? Gaal kieye, Iiy-hí, nyáá nyí eiy naasate, gaalí yie.

Matááyo 13:53

Aaléka, Yíésu gálaat he onisiny hát hibiet-, he hol ki ekenyallá gálaat geeyká đo ál kinaal gaa kie,

Matááyo 23:34

Aaléka, gál Waag hí ˈdeem ka shigichoká ubaa gál ˈdaallelléká, tá gál ˈdeeny Waaˈgiet gálaat oonisuoká alb ha yú hí ˈdu gáá fafaa. Gál kinaallá ˈdáá tikiˈd haí cheese, ˈguor đarám ˈgieká haí ˈdú ˈdaraanna. Gáál ˈdáá tikiˈd ény kíchia ˈdiiyiminyká haí gaa tuunna, hollo hí hol gaa aruanna.

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Lúka 11:49

Aaléka ˈdaalim Waaˈgiet héle hatallá he chie, kieye, Yú gál ˈdeenychú ka shiguoká ubaa gál alb fimiká gálaat alb ha ˈdú fafaa. Gál yú alb fafuo kinaal ˈdáá tikiˈd ha gaalí yeese, ˈdáá tikiˈd ha gaalí maanyjasia, he chie.

Yuána 13:34

Yáá hí hemurit kaanaká kí mure, hol geelnedhíe. Hát káána yú hí gielallá, itín úba hol geelnedhíe.

Korínto ki Naamaká 6:10

Har úba nyí ger ˈdéént ki iđoka, Waag aadh lulle hé nyí ger gaa memesicho. Har káána úba nyí he manítaka, nyáá nyí gál burnayká kamur ˈdaalimo-, Waaˈgietká shigicho. Nyiin he gál hé níínní ˈguo mánká, kor nyáá nyí he lullé nyí ˈgayya.

Eféso 3:4

ˈDeeny yú ka verenóóllá hí tuoycheka, Waag ˈdeenylé geer geđi-, Kiristóóllá hát yú ógká haí kiimisata.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Kolosááya 1:7

It Waag ˈdúˈjímle Fayam Midhab Kiristóóllá Ebáfaros gaa onnote. Máállá tág nyáá nyí giel, mu íín he máá kúnnaa ke hol ˈgar gede Waaˈgiet-, ˈdúwa-, ke hol hújích Kiristóóllá yiir ki chichiratká.

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Tímote Erká 3:6

Mu hai máá Kirísto ˈjobintééllá iiy gaa yieká onnôny. Máá hatallóóllá gaalí gál Kiristo met gaa koyka, kálmaréél máá ˈdúwaká hollo hol ká dhaˈgama, ˈdéé ki iđiny Waag hí Sátan ki iđimichóóllá úba Waag haí ki iđimicha.

Títo 1:9

Mu hí fayam Kiristo ˈdúwáállá hát giri gaalí onisieká hát ˈdabaanká ki yaal. Hát kinaallá in mu he onisiny ˈdúwáállá gálaat af ki tataa, tá gál fayam Kiristóóllá fálaam gaa iđimuoká fáláámle hát tagle muuninyká gáál eiy ki nannaa.