Matááyo 13:30 - Fayam Midhab Yiesu Kiristoká He Hol Af Iđiny Kaanaká

³⁰ Hayyíe! Hí hol ˈgar ˈdie, ˈjíig sííndí hí hát ˈdabaanká hito. Af giri sííndí he hí mé ˈdony yegetká gál sííndí mumuroká ha yú geđia, giri iish erkob gaalí ká babuo-, hát metoká gaalí hol ki higidho-, gaalí ˈjiet gaa vereno-, ˈguom íín gaalí ye bush kí fafuoká, muí gedelle yie, Yíésu hí gáál yie.

Matááyo 13:30 ပူးပေါင်းရင်းမြစ်များ

Matááyo 13:25

Aalé mu gale-, gálaat lulle rafeká mú kídhíchle mú el ˈgite, ísh sííndí hol ki égká umle sííndí muí fieká totom gaa fie, đo úba gale.

Matááyo 13:29

Aalé mu gedelle ˈdéé hol ˈdú nie, kieye, Híʼi, iish hí babiyyaká álká sííndí haí babiyya.

Matááyo 25:32

Kidh met lulle mú metle hollo hol ˈdu gáá yiimedhe. Mu hát máá áíy ˈdeˈdeen-, wála ubaa éde hol eiy gaa nannuokáka, gáál eiyyo hol gaa nannaa.

Matááyo 25:41

Aalé mu ede hí gíl ˈdaallé ˈjíbach ijoká hai geđia, kieye, It Waag hí điitéel! Ye láá gaa kée, sedhíe, ˈjiet biiyo-, Waag hí Sátan ubaa gállé ˈgassoká met tág koyyeká hiláa.

Matááyo 3:12

Aaléka mu hé múchlé sííndí ki tutunoká gíl ká ˈguo. Mu sííndí tuneka, ál sííndí ki tune kinaal hai gaa hegedhe, sííndí buit hai faadhdha, tá sííndí metle íín ˈjiet ma kufuminyká hai gaa verene, Yuána hí gáál yie.

Lúka 3:17

Aaléka mu hé múchlé sííndí ki tutunoká gíl ká ˈguo, giri mu sííndí tuneka, ál sííndí ki tune kinaal gaa hegedho-, sííndí buitle fafuoká. Tá sííndí metle íín ˈjiet ma kufuminyká hai gaa verene, Yuána hí yie.

Yuána 15:6

Máá ye ma gaa iđinyká, he hát kolmit gaalí lay-, gogoyyeká. Kolm hatallóóllá hollo gaalí hol ˈdú shuguna, ˈjiet ha gaalí ki lalama, hai ˈdunnuma.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Tímote Erká 5:24

Gáál ˈdáá tikiˈd ađaabanolle hé kaany mán, kúlích ˈdéé ki iđinyká hátlé ali ma kí ˈdíinyká hé gálaat hí óg. Tá gáál ˈbáál íín ađaabanolle erenyo he gaa iđa, kúlích ˈdéé ki iđiny kinaallá yé hai ká ˈdeenne.