Matááyo 13:23 - Fayam Midhab Yiesu Kiristoká He Hol Af Iđiny Kaanaká

²³ Ár gaalí eeˈd máálká álle gaa fieká he hol ki ekenyle he hát máá ˈdeeny Waaˈgiet maaleka, ˈdéé hát ˈdabaanká chichiratká. Gál hat kinaallóóllá saano midhab hí yé gáá ˈdeˈdeenká hé burnayyeká, mááká kúˈd, mááká tomon le, mááká tomon seđe.

Matááyo 13:23 ပူးပေါင်းရင်းမြစ်များ

Matááyo 12:33

ˈGór yaalmít hí midhíntaka, saanolle úba hé midhab. ˈGór yaalmít hí éésh manítaka, saanolle hé úba éésh mán. ˈGór saanollé gaalí ki kiimita.

Matááyo 13:8

Ár giri muí ál maal hí midhabká gaa fieká ká ˈdie, hisse, ˈbaal hí kúˈd ˈdale, ˈbaal hí tomon le ˈdale, ˈbaal hí tomon seđ ˈdale.

Matááyo 3:10

Aaléka, Waag hé yerellé alléká tág ká chirate, ˈguor đuur ˈdú koyye. Ameeny ˈgór saano midhabká hí ma gáá higisinyká lulle ali ha muí gaa muura, ˈjiet ha muí gaa verene.

Matááyo 3:8

Saano húgúmle midhab-, gálle Waag makan fameká ˈgáa.

Márko 10:15

Yú hí hé ˈdúwaká geeye, máá Guch Waaˈgiet hát umut ninniká ma ka hilinyká hé Guch Waaˈgiet ma higiliny, yie.

Márko 4:20

Yaalmit gáál ˈdáá tikiˈd hí ˈdeeny Waaˈgiet ki mamaloká he hát ár máá les fafuoká hí máál álle gaa fieká. Gál kinaallá ˈdeeny Waaˈgiet maaleka ˈdéé iiy hai yie. ˈDee gáál hát ˈdabaanká ger hileka gaal đo hát ˈguom hát ˈdabaanká hite-, ˈguom mé tikiˈd hí tomon seđe-, mé tikiˈd hí tomon le-, mé tikiˈd hí kúˈdká hai yie, Yíésu hí yie.

Lúka 13:9

Har he hisseka, af kinaalka hé midhab. Har he ma hisinyka, af kinaalka tá kí ali gaa muro, muí mú yie, Yíésu hí gáál yie.

Lúka 8:15

Ár giri máá les fafuoká hí ál máálká gaa fieká hélle he hát gál ˈdeeny Waaˈgiet maaleka, ˈdéé ger ˈdúwa-, midhabká hát ˈdabaanká ki chiirat-, hol tatuo-, ˈdeeny Waaˈgiet ki higirawká, Yíésu hí lalille yie.

Lúka 8:8

Ár giri muí ál maal hí midhabká gaa fieká ká ˈdie, ˈdale, đuoram hí kúˈd yie, Yíésu hí yie. Aalé mu gáál hibéél geeyká mu af úr ki eey, kieye, Máá nee ˈguoká hí hééllá maalo, muí gáál yie.

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 8:47

Máá Waag hí léká Waag ˈdeenyle hai maala. Itín ˈdaa giri hí Waag gálle muuninyká in Waag ˈdeenyle hí mé ma ki seseminy, Yíésu hí gáál yie.

He Ekeny Gál Alb Fimiká 16:14

ˈDeg kinaallá hé min Waag iiy chie-, gaalí Líˈdia yeget-, ˈjien Dhiatira gáá chimie-, đafaraam ˈdabaan-, bis hí kóórbiská hol gaa mamadicho mare hé hí gaa iđe. Min kinaal úba nyí af nee koyye. Máá Guđoká min kás shie, min ˈdeeny Báulo hí huogodheká iiy chie.

He Ekeny Gál Alb Fimiká 17:11

Gál ˈjien Berya hé gál ˈjien Dhesalonike ˈdú ˈdúwa, ˈdaa giri gaal ˈdeeny Báulo hí oonisieká hát he gaa feditiká nee kokoyká. Gaal bar lullé ˈdeeny Báulo hí ˈdiyimeká Warˈgat Waaˈgiet gaa dhaˈgame, ˈdéé eiy nanate, har Báulo ˈdeeny he hogodhe kinaal ˈdúúw kátaka.

Korínto ki Naamaká 9:10

Waag ííni gál les fafuoká aram shigicho-, gálaat hé geere shigichóóllá in úba hí he shigicha, hé kíchia kinaal hegersicha, tá hé ger gaa midhantkícho yé gáá ˈdeˈdeenallá in úba hegersicha.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Filíbi 4:17

Tá yáá íín hí hé shiicho ma gaa ˈgeˈgen, hé yú fedoká he giri gil kíchia hí eiy lalaannóóllá ˈdugaka hé shiicho Waag hí itín úr gáá shigichoká hegeroká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Dhesaloníke Erká 4:1

Nyaaramkínyo, aaléka, Máá kúnnaa Guđo Yíésu ˈdaallé ke hí gil ki efe, ke hí gogofsia, giri hát káána iđiny Waag geer gaa memeychoká hí nyí gaa onnote-, hí ki iđóóllá, yaalmit hat kinaallóóllá af ˈdú faafadhdhíe, ki yíéđía.

Dhesaloníke ki Naamaká 2:10

Mu ameeny hé hodho-, gálaat ki baađisuoká hai kí yiimedhe, gál Waag hí he il ká aargisichoká hai baađisia, ˈdaa giri gaal ˈduuw Waaˈgiet iiy ma yegen-, gielmitle mán-, gaal rúbách Waag hí gálaat shigichoká ma aargirinyká.

Héberew 4:2

Hát káána gaal íín ál him ki nimiká fayamlé midhabká maalééllá, in muun úba ke Fayam Midhaballá maale. Tá ˈdaa giri gaal fayám maale-, kor fayám iiy ma yéenká in gaal ál him ki nimi kinaallá ma híliny.

Héberew 6:7

Lés bíé iriet guđoká igiannoká ˈguom guđoká hí gáá higita. ˈGuomlé kinaal máá hí fafuoká geer gaa memesicha. Lés kinaallá ˈdúˈjím Waaˈgieto aargiˈda.

Héberew 8:10

He hol af iđiny kaana-, ka chiimeto-, yú ubaa gál Yisirayel nyí hol af iđimichaká hééllá: Hemuumuritchú gáál kasle ha yú gaa iđimia, gáál gerle ha yú gaa kakaa. Yú gáál Waagle ha yeedhe, gaal íín gálchú hai yeedhe.

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.