Matááyo 13:21 - Fayam Midhab Yiesu Kiristoká He Hol Af Iđiny Kaanaká

²¹ Tá ˈdaa giri mu ˈdeeny Waaˈgiet hidh ma ki arînyká mu hé ˈdeeny Waaˈgiet kinaallá súm ma chochony. Hééllá he ˈdaa giri ˈdeeny Waaˈgietallá gaa manyjanyle ubaa he il ká argisinyle mú ali af kí mureka, mu đo ˈdéé gíl sug ki haađuoká.

Matááyo 13:21 ပူးပေါင်းရင်းမြစ်များ

Matááyo 10:22

Itín gálaat lulle ˈdaa meenychú ˈdugaka haí neebeedhe. Tá máá hééllá lulle mé ki chirsat-, ˈjíig he mé đig yeetká Waag haí rianna.

Matááyo 11:6

Tá máá yú ye ma ki nannaanká Waag haí ˈdú ˈjeenne, Yíésu hí gáál yie.

Matááyo 13:20

Ár giri ál waaroká les gaa ˈdaneká hélle he hát máá ˈdeeny Waaˈgiet maaleka, đo ˈdéé iiy yeget-, geer hí gaa memeetká.

Matááyo 13:57

Aalé gaal mú eeshey. Yíésu đo gáál geey, kieye, Máá Waag hí ˈdeem ka shigichoká hé gaalí ma egesheny. Gál lésle ubaa mú ˈbíl ílle tákáma hí egesheye, yie.

Matááyo 13:6

Aalé ˈdaa giri hirís hidh súm les ma ki arînyká, aadh ká ˈjiiyyeká hirís đo boloyye.

Matááyo 24:13

Tá máá hééllá lulle mé ki chirsat-, ˈjíig he mé đig yeetká Waag haí rianna.

Matááyo 26:31

Aaléka Yíésu gáál geey, kieye, Itín chúúrééllá lulkícho in kar haí ye ká ˈdaraanna. Hééllá he hát Waag hí warˈgatle gaa hote-, giri mu kieye, Yú máá wála ˈdeˈdeenká ha yeese, wala íín eiy hai baađaa, muí yieká.

Matááyo 26:33

Aalé Bétiro Yíésu geey, kieye, Gaal har úba káána lulle ko in kar ká ˈdaneka, yú yáá ko in kar ma ká ˈdaraminy, yie.

Márko 4:17

Aalé gaal hé ˈdeeny Waaˈgiet ˈjíig ma ki yíéđiminy. ˈDeeny Waaˈgiet ˈdugaka, gaal hé ˈdeđewká ubaa manyjasiny il ki argeka, ál ˈjób kinaal gaal đo hai ginnay, ˈdéé gíl sug hai ki hay.

Lúka 8:13

Ár giri ál waaroká ki okoˈdeká hélle he hát gál ˈdeeny Waaˈgiet maalo-, ˈdéé hát geer gaa meentiká iiy yeget-, kor hidh les ma ki arînyká. Gál kinaallá he gál ˈdéé iiy yie-, kor á níínni yíéđieka, Sátan hí ki ekeseteka, ˈdéé gíl sug ki haađuoká.

Yuána 6:26

Yíésu gáál ˈdéé hol ˈdú nie, kieye, Yú hí hé ˈdúwaká geeye, itín hí ye hol gaa ˈgeˈgetééllá, hé kieye, hé gáál af ˈdaˈdabsuo-, yú ekeyká hí argiyye, muuniny, he ˈdaa giri hí balashá konye-, hí heyiyyeká in hí héy hol gaa ˈgeˈgete, muí gáál yie.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Galátia 6:12

Gál hol ˈdug gáá dhaˈgasan-, hol gál ˈduuˈdúwaká hođúóllá he gál hí hermisan mé ki tatúóllá. Gaal hí hermisan mé ki tatúóllá, he ˈdaa giri gaal he onisiny ˈdaa Kiristo máálle ˈgór đarám yaalká ˈdú kufeká tákámle ˈdiyeenka gáál gaalí maanyjasuoká.

Galátia 6:15

Máádhat hermíte yíekaʼ, má hermisan yíekaʼ, hé naamáállá hé máádhat innum Waaˈgiet máá ˈdúwaká ma gaa hođiny. Hé ˈdúwaká he máádhat geđi Waag hí káána kí hođichoká.

Eféso 3:17

Yáá úba hí Waag kí rogonon, giri Kirísto ˈdaa iiy yeenkíchoka, gerkícho gaa yíéđianká. Héétí gielmit hí Waag ubaa gálaat ka ˈgayyaká hí hidh ki aruanna-,

Filíbi 1:6

Hé yú él ki mánká hééllá: Máá hí hújích midhaballá gerkícho mé kí kodhdhééllá hát hí ki fedoká hújíchle taalle hai nannaa, ˈjíig kúlích Yiesu Kirísto hí hol gáá nannaatká đig.

Tímote ki Naamaká 1:15

Kuun gál Asia lulle hát ye el af gaa tameká kó óg. Gál kinaallá ˈbaal hí mú Fugélo ubaa Hermogénes.

Tímote ki Naamaká 4:10

ˈdaa giri ˈDémas lésallá hélle giel-, ye hay-, Dhesaloníke mé nieká. Kerékes hé Galátia mé nie, tá Títo íín ˈDalmátia mé nie.

Yákob 3:2

Múún lulkúnno hát burnayká ki he ˈdeđeneye. Máá kálta af ma koˈdosîny-, erelle aadh lulle mé raraatká, he máá súm hiray-, gónle lulle mé ki yaalká.

Bétiro Erká 1:5

Rubach ˈdaab kúlíchlé biiy el ˈdaˈdká ali ma kí ˈdíinyká, iiy yeenkícho ˈdaalle ˈdugaka, fargogint Waaˈgiet hé hí in gaa taal. Rúbách kinaallá kúlíchle ali kí ˈdiiyyeka, Waag yíé haí ká ˈdeđicha.

Kí Edhesiny 2:13

Itín hát ˈjien kara guchi-, Satanká hí gaa yaalká hí gaa iđaká yáá óg, tá it meenychú tág ki ˈgiiyya. Har úba máá chia ˈdúwa-, ˈdeenychú gálaat geđie-, Ántibas lé-, ˈjien Sátan hí gaa iđoká álle gaalí hurtkícho ki yieska, it iiy yeen hí ye iiy chieká ma đíiny.