Matááyo 13:12 - Fayam Midhab Yiesu Kiristoká He Hol Af Iđiny Kaanaká

¹² Máá hé gaalí gíl geer gaa kaayká tág chiratká, hé éíy taaka guđoká úba ha gaalí shigia. Tá máá hé gaalí gíl geer gaa kaayká tág ma ki yaalinyká héllé gíl ká ˈguo kinaal ha gaalí gaa egedhdhe.

Matááyo 13:12 ပူးပေါင်းရင်းမြစ်များ

Matááyo 21:43

Aaléka, yú hí geeye, itín Guch Waaˈgiet haí gaa ˈgiisata, Waag Guchle gál saano ˈdúwaká hí yé gáá ˈdeˈdeenká haí liiledhe.

Matááyo 25:29

Máá hé gaalí gíl geer gaa kaayká tág chiratká, hé éíy taaka burnayká úba ha gaalí shigia. Tá máá hé gaalí gíl geer gaa kaayká tág ma ki yaalinyká héllé gil ká ˈguo kinaal ha gaalí gaa egedhdhe.

Márko 12:9

Aalé máá lesléká háte he ˈdeeme? Mu hai ká yiimedhe, gál kinaal af hai ki beđita, les gál eiy af hai iđimia.

Lúka 10:42

He tikiˈd tákáma ˈdúwa. Hé ˈdúwa kinaallá in María hí he toom gaa eete. Hé kinaallá gaalí mú gaa egeetká hé Waag hí iiy ma chegen, Yíésu hí Márta yie.

Lúka 12:48

Gédéch máállé guđoká hátlé fedeká muog-, tá hé ˈdeew-, gaalí gaa tuunoká ekeyka, máá kinaallá taalle ha gaalí hagashia. Máá gaalí hé guđoká gíl fieká, hé guđoká gaalí gaa fede. Máá gaalí hé guđoká mé ki koyká, hé kinaallá hát ˈdabaanká tág ki yaalitlé gaalí gaa fede, Yíésu hí yie.

Lúka 16:2

Aalé máá giri kamúrutká máá hí aanyle mé ki koyká ká vie, mú yiete, kieye, Hé yú ko gaa maalééllá meete? Aanychú ˈdaablé gíl ka ˈgayyoká ebá ye ka géesh. Kuun aalé káána ke gaa ijóóllá kó máá aanychú mé ki yaalká muuniny, mú yie.

Lúka 16:25

Aalé Abirááyam kieye, Ákutú, af héle kuun hé ˈdabaanká gaa iđe-, Lasááro íín hát ˈdeđewká ijeká táb ˈdúo. Mu íín káána balchá he gaa ija, kúún íín káána hí manyjany gaa iđa.

Lúka 8:18

ˈDeeny Waaˈgiet hí mamalloká hát ˈdabaanká nee kookóo, chiˈdíe. Máá hé gaalí gíl geer gaa kaayká tág chiratká, hé éíy taaka úba ha gaalí shigia. Tá máá hé gaalí gíl geer gaa kaay-, hélle ka dhaˈgame-, kor he tág ma chiranká héllé kinaal úba ha gaalí gaa egedhdhe, yie.

Lúka 9:26

Máá yú ubaa ˈdeenychú ˈdaalle ˈdugaka kern hí ˈgidhoká, yáá Iny Máádhátallá bár édhúmchú ubaa édhúm ˈJaachú, tá gál ˈgasso-, urru-, Waaˈgietká édhúmle kí yiimetká máá kinaallá ˈdaalle ˈdugaka kern úba ha ye ˈgiidha.

Yákob 4:6

Tá Waag hé tág súm muun gáál ˈdú ˈjeˈjeen. Héél ˈdugaka in Warˈgat Waaˈgiet kieye, Waag hé gál hol memeyoká điđidhan, tá gál hol ˈdúúw ririanká ˈdú ˈjeˈjeen, chie.

Kí Edhesiny 2:5

Ebá gielmit kinaal hát hí ˈdabiyyeká táb ˈdodhdhíe, Waag bala ˈdú náa, hé erkob hí nanniyyeká geđi naannáa. Har hát kinaal muuninyka, ˈdaab itín hí Waag bala ma ˈdú níinyká yú ha hí ˈdú gáá yiimedhe, hé kíchia horki-, nyátáá hí ˈdú iđoká ali ha yú gaa egee.