Matááyo 13:11 - Fayam Midhab Yiesu Kiristoká He Hol Af Iđiny Kaanaká

¹¹ Yíésu gáál ˈdéé hol ˈdú nie, kieye, Itíni in hé geer geđi Guch Waaˈgietká Waag hí shiiche. Tá gálaatí íín hé hé kinaallá Waag hí ma shíiny.

Matááyo 13:11 ပူးပေါင်းရင်းမြစ်များ

Matááyo 13:10

Aalé gál láliká ká yimie, Yíésu heete, gaal kieye, He onisinykú in hát hibiet-, he hol ki ekenyká tákáma gálaat ki geđicha? mú yie.

Matááyo 16:17

Aaléka, Yíésu Bétiro geey, kieye, Símon, iny Yonnas, kó Waag ko ˈdú ˈjiiyye. Hé hotééllá hé máádhát hí ko ma kí edhesîny, ˈJaa chia úr ijoká hí ko kí edhesie.

Matááyo 19:11

Aaléka Yíésu gáál geey, kieye, Gálaat ˈbaal hé ˈdéé hótallá ma uriny, gál Waag hí fargogintle shiicheká tákáma hí ura.

Matááyo 20:23

Yíésu gáál geey, kieye, Hé ˈduwa, kulu chiallá úba haí igianna, tá gíl ˈdaa chia naanietká ubaa gíl ˈdaa chia ˈjíbachká yíéđinyle, hé yú ma ká mumuriny. Alb kinaallá hé gállé ˈJaachú hí tág ki nieká ˈgayyo, Yíésu hí gáál yie.

Márko 10:40

Tá gíl chia ˈdaa naanietká ubaa gíl chia ˈdaa ˈjíbachká yíéđinyle hé yú ma ká mumuriny. Alb kinaallá hé gállé Waag hí tág ki niiyyeká ˈgayyo, muí gáál yie.

Márko 4:11

Mu gáál geey, Itíni in hé geer geđi Guch Waaˈgietká Waag hí argisiche. Tá gál baaˈd ˈgíétíá in yú he lulle hát hibietká geđia.

Lúka 8:10

Aalé mu gáál geey, kieye, Itíni in hé geer geđi Guch Waaˈgietká Waag hí shiiche. Tá gáláátatíá íín he lulle hát hibietká yú geđia, giri gaalí dhaayka, gaalí ma aargiriny-, gaalí maaleka, gaalí ma kiimisanká.

Yuána 6:65

Aalé mu geđi gáál geey, kieye, ˈDaa kinaallá ˈdugaka in yú hí geey, yú kieye, Máádhat ˈdaab ˈJaachú hí ye ma ˈdu gáá éenyká, hé ye ma ˈdu gáá yiimen, yú hí yie.

Yuána 7:17

Máádhat har hé Waag hí feˈdoká ˈgíéríchle nannaatká fedoka, af kinaalka he onisinyééllá har Waag yé gáá ˈdeˈdeenka, har yú tuuˈdchú ye yé gáá ˈdeˈdeenka, eiy hai naata.

He Ekeny Gál Alb Fimiká 16:14

ˈDeg kinaallá hé min Waag iiy chie-, gaalí Líˈdia yeget-, ˈjien Dhiatira gáá chimie-, đafaraam ˈdabaan-, bis hí kóórbiská hol gaa mamadicho mare hé hí gaa iđe. Min kinaal úba nyí af nee koyye. Máá Guđoká min kás shie, min ˈdeeny Báulo hí huogodheká iiy chie.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 16:25

Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Korínto Erká 13:2

Tá yú Waag har ye gállé ˈdéé ka shigichoká mú tikiˈd hôny-, yú hé ger geđiká lulle ubaa ˈdaalím met lulle onnôny-, iiy yeen gumano alb gaa gugursichoká úba ˈgíiny-, kor gielmít mannânyka, yáá máá kátaká mán.

Korínto Erká 15:51

Bá dhaayyíe, hé geer geđiká yú hí geeye, múún lulkúnno hé ki ma kufuminy, tá lulkúnno hollo ko hol gaa soromo.

Korínto Erká 2:14

Tá máá Hím Naasan Waaˈgiet mánká, hé Hím Naasan Waaˈgietallá hélle ma aargiriny. Máá hat kinaalloká mu íínka Hím Naasan Waaˈgietallá hélle hé đeeymo, hé muí eiy ma nanasan. Máá Hím Naasan Waaˈgiet ˈguoká tákáma Hím Naasan Waaˈgiet hélle eiy nannata.

Korínto Erká 2:7

ˈDaalim nyí ˈdiyeennallá he ˈdeeny geer geđi-, Waag hí hol ki kaayye-, Waag hátlé les ma ka kúóninyká hí murate-, hí muun gáál ki ˈduuwaychoká.

Korínto Erká 4:1

Aaléka, gálaat hí nyí gede Kiristo-, Waag hí héllé geer geđiká ˈdiiyiminyle mé ki reeychééllá ká dhaaˈgasan.

Korínto Erká 4:7

Mááya hí gálaat ˈdú ˈduwanay? Tá hé hí ˈgayyáállá lulle hé Waag hí ma ka shíiny? Har hé kinaal lulle hí Waag gaa argiyyeka, af kinaalka háteka hí he hol bal ki ˈdaraanno-, hí he hát hé shiichoká ma ká dhaˈgaminyal?

Eféso 1:18

Hé úba yú Waag rogononká, he giri Waag hí in eiy ˈdeđicho-, hé ˈdabaan biiy met gaa ijo-, Waag hí kí viiyyeká hát hí aargiˈdaká hí kiimisata-, Waag kamurlé ˈdúúw ˈgayyo-, gál Kirísto iiy yieká hílléká hí oonootoká.

Eféso 1:9

Waag hát giri feˈdeká in ˈdeenylé geer geđiká gáál yíé ˈdu gáá ˈdeeyche. ˈDeeny kinaallá bárle ali kí ˈdieka, ˈdaa Kiristoka, Waag he lullé úr ubaa les gaa ijoká hollo hol fafiyya, Kirísto mé ha ki kokoyyo.

Eféso 5:32

Hééllá he onisiny ki af ˈdaˈdaboká, tá yú Kirísto ubaa gálle héllé hogodho.

Eféso 6:19

Yú úba ye Waag kí viivitíe, giri aadh lulle yú Fayam Midhaballá ˈdiyeen-, Waag ye ˈdéé af ká fafiyyo-, yú sierm ˈdaabo-, hé kis ˈdaa Fayam Midhaballáka, gaalí moonnoyká yú gáál eiy ki nannuoká.

Kolosááya 2:2

Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Tímote Erká 3:9

Gaal hí fayam Waag hí geerle ká ˈgayye-, káána ke iiy yíéllá chirat, hí hé óg-, ˈduuˈdúwaká eekemeyo.

Yákob 1:5

Har itín máádhat ˈdaalím ˈdabeka, hí Waag ruogono. Waag hé gíl ma gogonony, máá hí rogononká hé ˈdéé ma ki ˈdaraminy, mú ˈdaalím hai shigicha.

Yuána Erká 2:20

Tá itín it Máá saas mánká hé hí Hím Naasanle shie, lulkícho it hé ˈdúwaká óg.

Yuána Erká 2:27

Tá itín it Hím Naasan Waaˈgiet Kirísto gaa argiyye. Hím Naasanééllá hé hí gaa iđo. ˈDaa kinaallá ˈdugaka in hí máá hí hé ˈdúwaká oonisuoká ma hegesen. Hím Naasanééllá he máá hí he met lulle oonisuoká. Hé Hím Naasanééllá hí oonisichoká hé hé hódhoká muuniny, he hé ˈdúwaká. Hát Hím Naasan Waaˈgietallá hí onisichééllá, Kirísto gaa yíéđía.