Matááyo 12:50 - Fayam Midhab Yiesu Kiristoká He Hol Af Iđiny Kaanaká

⁵⁰ Máá ˈJaa chia úr ijoká hát fedoká ekemeyoká in nyárchú, in nyaarchú, in ˈjiechú, mú yie.

Matááyo 12:50 ပူးပေါင်းရင်းမြစ်များ

Matááyo 12:49

Yíésu đo mú lalille gíl ki helie, kieye, Gál állá ijóóllá in ˈjiechú ubaa nyaaramchú.

Matááyo 13:1

Kúlích tikiˈde kinaallá Yíésu ˈbíl kinaal gaa kie, mu bás ílung yíéđie.

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

Matááyo 25:45

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chia-, biiy el ˈdaˈdallá af giri hí ma ˈdú ˈjeˈjéminyká, yaa hí ye ma ˈdú ˈjeˈjéminy, gáál hai yeedhe.

Matááyo 28:10

Aalé Yíésu ˈdég geey, kieye, Haí seerêny! Sedhíe, nyaaramchú geeyyíe, gaal hí Galilááya siet, lés kinaallá in nyí gáál hol gaa aargiˈda, muí ˈdég yie.

Márko 3:35

Máá hé Waag hí feˈdoká ekemeyoká in nyárchú, nyaarchú, ˈjiechú, Yíésu hí yie.

Lúka 8:21

Yíésu gáál geey, kieye, ˈJiechú ubaa nyaaramchú he gál ˈdeeny Waaˈgiet mamalo-, ˈdéé ki ˈgíéllá, yie.

Yuána 15:14

Hé yú hí ki mureká ˈgíéríchle hí naateka, itín hí sheelchú.

Yuána 20:17

Aalé Yíésu María geey, kieye, Ha ye chíran, yáá hátle ˈJaachú hol ma ˈdú náan. Sí, nyaaramchú géesh, yú ˈJaa chia-, ˈJaakícho-, Waag chia-, Waag kíchiaká hol ˈdú naadha, muí María yie.

Yuána 6:29

Yíésu gáál ˈdéé hol ˈdú nie, kieye, Hújích Waag hí gaa feˈdoká hééllá: Máá Waag hí ali gáá kaayyééllá iiy yiedhíe, muí gáál yie.

Yuána 6:40

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

He Ekeny Gál Alb Fimiká 17:30

Bííy heleká Waag hé gálaat đeemléél hol ma héésen, kor káána hé gálaat he ki muˈde, giri gaal héllé ˈdeđew-, gaa seseenká haađuo-, mú makan fafaanká.

He Ekeny Gál Alb Fimiká 26:20

Yú erkob fayám ˈDamáskaso gaa ˈdiiyime, in Yerúsalem, Yuuˈdía, tá ˈjíig kidh úba đig yie. Fayam yú gáál ki ˈdiiyimeká hééllá, giri gaal lulle héllé ˈdeđew-, gaa seseenká haađuo-, Waag makan fafaan-, gaal héllé ekemeyo-, hát héllé ˈdeđewká hayká ˈduuwle gálaat aargisuoká.

Róóma 8:29

Waag hé gállé hátlé ma ka ˈdaláanká óg, hé úba gáál taak koyye, giri gaal hát mú Inyle yeget-, Iny gál burnay-, hol nyaaramallá angʼalle yegetká.

Korínto Erká 9:5

Nyiin hát tikiˈde gál éíy taaka alb fimiká ubaa Máá kúnnaa Guđoká nyaaramle ˈdegle hol ˈgúóllá, héétí Kéfas úba minle hol ˈgar seseenallá, nyiin nyáá nyí ˈduuw gálle ˈdeg Kirísto iiy chieká hol ˈgar seseenká mân?

Korínto ki Naamaká 11:2

Yú hinaaf Waag hí ˈdaakícho ka ˈgayyoká úba ˈgaa. Itín hát ini ˈdúwa-, yú máádhat đarm kí sidheká. Máá yú hí đarm kí sidhe kinaallá he Kirísto.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Galátia 6:15

Máádhat hermíte yíekaʼ, má hermisan yíekaʼ, hé naamáállá hé máádhat innum Waaˈgiet máá ˈdúwaká ma gaa hođiny. Hé ˈdúwaká he máádhat geđi Waag hí káána kí hođichoká.

Kolosááya 3:11

Aalé káána it ál níínní hol ki fooˈdo-, hí kieye, Máállá máá Hellen, máállá máá Yuuˈdi, máállá hé hermite, máállá hé ma hermísan, máállá máá kídh éíy, máállá máákúnno muuniny, máállá he gedech, máállá he máá ˈdúwaká hí hol ki chegetoká mán. Kirísto ííni gúúđo, gál hí iiy yieká lulle gaa ija.

Tímote Erká 5:2

ˈDeg káruká hát eekú ki sí, gál ˈdiet rúóreká nyaaramkú ka dháash, gáál hát saas mantiká hol hursam gaa yíéđía, guogófsish.

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.

Yuána Erká 2:17

Les ubaa balt lesalloká el met haí ˈgiidha, tá máá hé Waag hí feˈdoká ekemeyoká bííyyo hé ali ijo.

Kí Edhesiny 22:14

Gál gielolle ˈjieká ebá Waag hí ˈdú ˈjiiy! Gál kinaallá ˈduuw gálle ˈjien Waaˈgiet karafanolle ki higilo-, ˈgór luolmitiká saanolle kokuoká Waag haí shigicha.