Matááyo 12:46 - Fayam Midhab Yiesu Kiristoká He Hol Af Iđiny Kaanaká

⁴⁶ Yíésu hátlé nyesebich geđieká mú ˈjielle ubaa mú nyaaramle ká yimie, baaˈd kí ˈdie, gaal mú hol geđieká he fede.

Matááyo 12:46 ပူးပေါင်းရင်းမြစ်များ

Matááyo 1:18

Yiesu Kirísto ˈdalmaatle hatallá: Mú ˈjiellé María Yúósef hí đarm sidhe. Gaal hátle hol má shuunan, María ˈdaa fargogint Hím Naasan Waaˈgiet geer hí ki hile.

Matááyo 12:47

Aalé nyésébích kinaal mú tikiˈd Yíésu af ki helie, kieye, ˈJiekú ubaa nyaaramkú baaˈd ˈgee, ko aargiroká fede, yie.

Matááyo 13:55

Máállá hé máá ˈguor hođuoká inyle muunîny? ˈJiellé hí ˈdalloká meenyle hé María muunîny? Mú nyaaramlé yaabká hé mú Yákob, Yúósef, Símon, tá Yúúˈda muunîny?

Matááyo 2:11

Aalé gaal ˈbíl hileká véel ubaa ˈjiellé María arge. Gaal véel metle les kurram gaa ˈdoy, véel ˈdúúw shie. He đueká gaal đo tokolaamle af fuufure, gaal hórkí ubaa íláám ussaká, tá henyit gaalí salab hol fie-, he véel ˈdu gáá sidheká véel shie.

Matááyo 2:20

mú geey, kieye, Keʼ, véel ubaa ˈjielle éew, lés Yisirayel geđi hol ˈdú nú. Gál veelééllá yegieská hé kufe, yie.

Márko 2:21

Hé máá níínní đafar káánaká toort gáá muuro-, toort đafar guđanteká ki ˈdaraanká mán. Har muí hát kinaal koyka, toort giri kaanaká đo đafar guđanteká hai gaa ˈgite, đafar đo súm hai ˈgiˈgite.

Márko 6:3

Máállá hé máá ˈguor hođuoká muunîny? Mu hé iny Maria giri nyaaramle mú Yákob, Yoséítos, Yúúˈda, tá Símon, héétí mú nyaaramlé ˈdeitká hé ke hol állá af ijóóllá muunîny? gaalí yie. Aalé gaal mú shúón gaa nebedhe.

Lúka 1:43

He háteeye, yáá Máá chia Guđoká ˈjielle úba ye ˈdu gáá chimíel?

Lúka 2:33

Yíésu ˈjielle ubaa ˈjaalle ˈdeeny Yiesu-, Símion hí hogodheká af ˈdabe.

Lúka 2:34

Símion gáál ˈdú ˈguunume, kor véel ˈjiellé María geey, kieye, Bá dháash, veelééllá ˈdaalle ˈdugaka gál Yisirayel burnayká les hai ˈdarama, gál Yisirayel éíy taaka burnayká les hai gaa keeme. Veelééllá he hedh gaalí điidhan-, gaalí ˈdeem ˈdeđewká ki hogodhoká,

Lúka 2:48

Mú ˈjielle ubaa mú ˈjaalle hí argeká he af ˈdabe. Mú ˈjiellé María hí heesete, kieye, Inychú, háteka nyí héél ki egeychéel? ˈJaakú ubaa yú, nyáá tág nyí neeyye, nyí ko hol gaa ˈgeˈgete, chie.

Lúka 2:51

Aalé mu gáál hol eedhdhe, gaal Násaret hol ˈdú nadhe, mu gáál ˈdeenyle el gaa veere. Mú ˈjiellé María ˈdeeny kinaal lulle geerle gaa kaate.

Lúka 8:10

Aalé mu gáál geey, kieye, Itíni in hé geer geđi Guch Waaˈgietká Waag hí shiiche. Tá gáláátatíá íín he lulle hát hibietká yú geđia, giri gaalí dhaayka, gaalí ma aargiriny-, gaalí maaleka, gaalí ma kiimisanká.

Yuána 19:25

Yíésu ˈgórlé đarám yaalká ˈjobintle hé ˈjielle ubaa ˈjielle nyaarle, héétí María giri min Kilobaká, tá María Magaˈdalaká hé hí ˈgie.

Yuána 2:1

Aalé ram seđ ˈgiteká ény Kanna giri lés Galilaayaká máádhat hí gaa eedhdhe. Yíésu ˈjielle hé ál kinaallá gaa iđe.

Yuána 2:12

Aaléka, héél đueká Yíésu kie, ˈjielle ubaa nyaaramle tá lalille hol eedhdhe, Kafarnáum mé nie. Gaal ál kinaal rám iraam mánká gaa rafe.

Yuána 2:5

Aalé Yíésu ˈjielle gál gálaat golmieká geeyche, kieye, Hé muí geeyoká tág kóo, gáál chie.

Yuána 7:10

Aalé mú nyaaramle kie-, ˈjila bííyle mé nieká, mu íín đo kie, hé gálaat hol ma argisîny, ˈjila bííyle úba mé nie.

Yuána 7:3

Yíésu nyaaramle hí geey, gaal kieye, Állá gaa keʼ, Yuuˈdía mé naʼ, lali kua al kinaalloká hí hé kuuní ekemeychóóllá úba argo.

Yuána 7:5

Mú nyaaramle hatallá yíéllá, ˈdaa giri dhúrle mú iiy ma yéenká.

He Ekeny Gál Alb Fimiká 1:14

Gaal bar lulle ubaa gál ˈdiet, tá Yíésu ˈjiellé ubaa Yíésu nyaaramlé hol Waag ˈgar vivite.

Korínto Erká 9:5

Nyiin hát tikiˈde gál éíy taaka alb fimiká ubaa Máá kúnnaa Guđoká nyaaramle ˈdegle hol ˈgúóllá, héétí Kéfas úba minle hol ˈgar seseenallá, nyiin nyáá nyí ˈduuw gálle ˈdeg Kirísto iiy chieká hol ˈgar seseenká mân?

Galátia 1:19

Yáá gál éíy taaka-, alb fimi-, argeká mán. Yákob giri Máá Guđoká nyárléká tákáma nyí hol argiyye.