Matááyo 12:38 - Fayam Midhab Yiesu Kiristoká He Hol Af Iđiny Kaanaká

³⁸ Aaléka, gál gálaat nyatalaam oonisuoká ubaa gál Farisaay ˈbaal Yíésu geey, kieye, Máá gáál he oonisúóllo! Nyiin hé ke af ˈdaˈdabo-, kuun hí ekemeycho-, nyí ílkínyo ki aargiˈdaká nyí ko gaa feˈde, yie.

Matááyo 12:38 ပူးပေါင်းရင်းမြစ်များ

Matááyo 12:37

Waag ko ˈdeenséte yíekaʼ, ko má ˈdeensen yíekaʼ, hé kinaallá meka ˈdéé hót kua huogoteká he igira, Yíésu hí gáál yie.

Lúka 11:16

Gáál ˈdáá tikiˈd mú he af kí dhaay, gaal hé af ˈdaˈdabo-, mu hí fargogint urietká ki ekemeyoká mú heete.

Lúka 11:29

Aalé nyesebich súm ilshandheká Yíésu gáál geey, kieye, Gál barallóóllá he gál hé gaa nyakarichká geer ki sisidho-, hé af ˈdaˈdaboká aargiroká fedoká. Tá gáál hé máá níínní hí hé kinaallá aargisuoká mán. Hé gaal hí aargiroká tikiˈd tákáma. Hé kinaallá héllé ki égká he yaalmit máá Waag hí ˈdeem ka shigiche-, Yónnas léká.

Yuána 2:18

Aalé gál guguđo-, Yuuˈdiká mú yiete, kieye, Kúún ˈduuw máre ˈgayya, hééllá ki ekemeyche? Har ˈduuw kinaallá Waag gaa argiyyeka, ebá nyí hé gáál af ˈdaˈdabsuoká ka argísish, yie.

Yuána 4:48

Aalé Yíésu mú geey, kieye, Itín ˈdaab hé hí il ki aargiˈda-, hí af ˈdaˈdabsuoká hí ye ma gaa árginyká it ye iiy ma chegen, yie.

Yuána 6:30

Aalé gaal kieye, Hé gáál af ˈdaˈdabsuo-, kuun hí ekemeycho-, nyí aargiˈda-, nyí ko iiy chegetoká meete? Kuun hé yé ká ˈdeđichoká hát káána meete?

Korínto Erká 1:22

Gál Yuuˈdi íín hé af ˈdaˈdaboká he fede, giri fayam nyí ˈdiyeennééllá hát Waag gáá chimieká il ki aargiroká. Tá gál Hellen íín hé ˈdaalimoká he hol gaa ˈgeˈgedhe.