Matááyo 12:35 - Fayam Midhab Yiesu Kiristoká He Hol Af Iđiny Kaanaká

³⁵ Máá ˈdúwaká ˈdaaka hé ˈdúwa-, geer ki sisidhoká in ˈdeenylé ˈdúwaká hí yé gáá ˈdeˈdeme. Máá ˈdeewká íín ˈdaaka hé gaa nyakarich-, he geer ki sisidhoká in ˈdeenylé gaa nyakarichká hí yé gáá ˈdeˈdeme.

Matááyo 12:35 ပူးပေါင်းရင်းမြစ်များ

Matááyo 12:34

It ˈdálto chaaráal! Itín háteeye kerka hí hé ˈdúwaká hogoto, in hé gaa nyakarichká gerkícho koch háluke? Máádhat ˈdaaka hé hí geer gaa ijoká in he hogodho.

Matááyo 13:52

Aalé Yíésu đo gáál geey, kieye, Aaléka, máá gálaat nyatalaam oonisuo-, Guch Waaˈgiet lalille yieká he hát máá ˈbíl geerle mé ki yaal-, tokolle hé ˈduuˈdúwa-, kissoká ubaa hé ˈduuˈdúwa-, kaanaká hí gaa ijoká yé gáá ˈdeđuoká, yie.

Matááyo 7:17

ˈGór midhabká saano midhabká hí gáá higisa. ˈGór ˈdeewká íín saano ˈdeewká hí gáá higisa.

Lúka 6:45

Máá ˈdúwa-, hé midhabká geer ki sisidhoká in hé midhabká hí yé gáá ˈdeˈdeme. Máá ˈdeew-, hé ˈdeewká geer ki sisidhoká in hé ˈdeewká hí yé gáá ˈdeˈdeme. Máádhat ˈdeeny hí geer koch yegetká, in afle gáá hogodho.

Eféso 4:29

ˈDeem ˈdeđewká haí af ger yé gáá ˈdeˈdéminy, gál hí af nee kokuoká ˈdeeny hí ki midhab-, hí gogofsuoká geeđía.

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Kolosááya 4:6

ˈDéé hótkícho aadh lulle hí ˈdéé hót sáa-, gáál net gaa méká onnoyyo, giri gálaat hí heeteka, yaalmit midhab hí gáál ˈdéé hol ˈdú nanniyyaká hí ˈgayyaká.