Matááyo 12:32 - Fayam Midhab Yiesu Kiristoká He Hol Af Iđiny Kaanaká

³² Máá Iny Máádhat ˈdeeny ˈdeewká ki hodhoká, máá kinaallá héllé ˈdeeney kinaal Waag haí haađicha. Tá máá Hím Naasan Waaˈgiet ˈdeeny ˈdeewká ki hodhoká, ađaablé he hílééllá hé bííy kaanalloká ubaa bííy biraamiet ka chiimetóótíá Waag hí ma haađiny, Waag mú ˈdéé hai ki iđimicha.

Matááyo 12:32 ပူးပေါင်းရင်းမြစ်များ

Matááyo 11:19

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká gálaat hé hol geđuoká kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! he ye yegedhe. Tá ˈdaalim Waaˈgiet hát ke kiimisatká he hé midhab ˈdaalim kinaal hújíchle yé gáá ˈdeˈdeenká, Yíésu hí gáál yie.

Matááyo 12:31

Aaléka, yú hí geeye, gálaat héllé ˈdeđew-, lulle eekemeyoká ubaa héllé ˈdeđew-, hogodhoká lulle Waag haí haađicha, tá máá Hím Naasan Waaˈgiet chaaroká ađaablé kinaallá hé Waag hí ma haađiny, Waag mú ˈdéé hai ki iđimicha.

Matááyo 12:8

Tá Kúlích Hef ˈGisanká máállé hí mé ki yaalká he yáá Iny Máádhátallá, Yíésú hí gál Farisaay yie.

Matááyo 13:22

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Matááyo 13:39

Kídhích iish sííndí totom gaa fieká he Sátan ííni. ˈGuom mé ˈdony íín he kúlích biiy el ˈdaˈdká. Tá gál ˈguom mé ˈdaraanká íín he Waag gállé ˈgasso-, urruká.

Matááyo 13:40

Ísh gaalí met hol ki higidho-, gaalí ˈjiet gaa verenóóllá, hé kinaallá yaalmit Waag hí kúlích biiy el ˈdaˈdká gál ađaabano ˈguoká ki ekemeychoká.

Matááyo 13:55

Máállá hé máá ˈguor hođuoká inyle muunîny? ˈJiellé hí ˈdalloká meenyle hé María muunîny? Mú nyaaramlé yaabká hé mú Yákob, Yúósef, Símon, tá Yúúˈda muunîny?

Matááyo 8:20

Aaléka, Yíésu mú geey, kieye, Mana godollé he gaa ija, hurum hé ényle ˈguo, tá yáá Iny Máádhátallá yáá ál ˈguo-, mé les ˈdú igifuoká mán, yie.

Márko 10:30

máá kinaallá gon hé súm hééllá lulle ˈdú burnay-, kúˈd nyuoroká lésallá hai gaa aargira, kor manyjasiny úba il haí aargiˈda. Tá mu bííy biraamiet ka chiimetóótíá luolmit biiyoká hai gaa yíéđima.

Márko 3:28

Yú hí hé ˈdúwaká geeye, gálaat héllé ˈdeđew ekemeyo-, hát káána ađááb yíekaʼ, chaarim he hol chacharoká yíekaʼ, lulle Waag haí haađicha.

Márko 3:29

Tá máá Hím Naasan Waaˈgiet chaaroká ađaablé kinaallá hé Waag hí ma haađiny, ađaab kinaallá taalle bííyyo máálle haí ˈgaa, muí yie.

Lúka 12:10

Máá Iny Máádhat ˈdeeny ˈdeewká ki hodhoká, máá kinaallá héllé ˈdeeney kinaal Waag haí haađicha. Tá máá Hím Naasan Waaˈgiet chaaroká hé Waag hí ma haađiny, Waag ˈdéé haí ki iđimicha.

Lúka 16:8

Aalé máá giri guđoká máá hí aanyle mé ki yiel-, aany ki aaˈdumeká hinyamlé koy kinaal meey. Gál lesalloká hé ˈdaalim gállé lesalloká hurt ki seseenká ˈguo. Gál édhúm Waaˈgiet gaa ijoká íín hé ˈdaalim hatallo-, gál lesalloká hurt ki seseenká mán.

Lúka 18:30

máá kinaallá gon ˈdúˈjím hát kinaallo burnayyeká bárallá hai gaa aargira, héétí bííy biraamiet ka chiimetóótíá mu luolmit biiyoká úba hai gaa yíéđima, Yíésu hí gáál yie.

Lúka 23:34

Aalé Yíésu kieye, Baabá, ˈdaa giri hé gaalí ekemeyóóllá gaalí muogká, gáál ˈdú ˈjé, yie. Aalé yuoy hol koiy ki ˈdoyye, giri mú đafaraamle eiy shugunatoká.

Lúka 7:34

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká, itín hí kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! hí ye chegedhe.

Yuána 7:12

Nyésébích ál kinaal ijeká gál gúúđo Yíésu ˈdaalle ˈdugaka hol a les ki geey. Gáál ˈbáál kieye, Mu he máá ˈdúwaká. Gáál ˈbáál kieye, Hé muuniny! Mu gálaato nyiimita, gaalí yie.

Yuána 7:39

ˈDeeny Yíésu hí huogodhééllá he ˈdeeny Hím Naasan Waaˈgietle gál mú iiy yieká hí aargiroká. Yíésu ˈdeenyééllá hogodheká Waag hé hátle Hím Naasanle gál Yíésu iiy yieká ma shíiny, ˈdaa giri Yíésu hátle ˈgór ma ˈdú kúfiny-, uushich yé ma gáá ˈdíiny-, bííy ˈJaalle mé ma níinyká.

Yuána 7:52

Aalé gál giriká Nikoˈdémos ˈdéé hol ˈdú nie, kieye, Kúún úba máá Galilaaya? Ebá warˈgasam gaa ebísso, Máá giri Waag hí ˈdeem ka shigicho-, ki met egessoká gon hé Galilááya yé ma gáá ˈdeeminy, gaalí mú yie.

He Ekeny Gál Alb Fimiká 3:19

Hé kíchia ˈdeđew-, hí gaa seseennoká hayyíe, Waag makan famíe, giri ađaabano ubaa nyuogim kícho Waag hí ˈdug gaa laanno-, hím kíchia hí nanniyyoká Máá Guđo Waag yé gáá ˈdeenká.

Eféso 1:21

Kansim Kirísto hí ˈguo kinaallá he kansim kansimano, hemuumurít, fargoginsam, tá gugúch, lúl af mé iđoká. Mú kansimle kansimano baralloká ubaa kansimano bar ˈdaatiká hátlé met hí hol ká eiyyeká, lúl af mé he iđa.

Tímote Erká 1:13

Har káána úba kíssóótí yú mú chachare-, gál mú iiy yieká úba egeshey-, gáál maanyjasieka, mu hé ye geer guurá argisie. Mu ye geer guurá argisíéllá, he ˈdaa giri hééllá yú ekemeyká yú mú moonnoy-, mú iiy ma yéenká.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Tímote Erká 4:8

Har káána gon ke he oonisuoká á níínni mare midhíntaka, húgúm Waaˈgiet ˈgany hát lullé he midhab. Har ke húgúm Waaˈgiet ˈguoka, báral ubaa bár ka chiimetóótíá luolmit Waag hí gáál af iđicheká ha ke gaa aargira.

Tímote Erká 6:17

Gál lésalláka kaamúreká af táátaʼ, gaal hai hol egêny, hai kamur el mé mánnallá ˈdúúw hóson. Gaal hí Waag gáál he met lulle ká shigicho-, ke gaa geyyeenallá ˈdúúw hosot.

Tímote ki Naamaká 4:10

ˈdaa giri ˈDémas lésallá hélle giel-, ye hay-, Dhesaloníke mé nieká. Kerékes hé Galátia mé nie, tá Títo íín ˈDalmátia mé nie.

Títo 2:12

ˈDúˈjím Waaˈgietallá hé gáál oonisichoká he húgúm Waag hí nébká ubaa balt lesalloká ke hol ka ririat-, ki kás kakaat-, ˈgíérích ˈdúwa-, Waag hí feˈdoká ki báral ke ki ijoká.

Yákob 1:27

ˈGíérích ˈdúwa-, Waaˈgiet-, saas mán-, ˈJaa kúnnaa Waag hí fedoká hééllá: um híyeská ubaa ˈdeg híyeská héllé hí ki ˈgierˈgereká ke ˈdú chichirat-, ubaa yaalmit lesallo-, gaa nyakaridheká ke hol gáá faaganayoká.