Matááyo 12:31 - Fayam Midhab Yiesu Kiristoká He Hol Af Iđiny Kaanaká

³¹ Aaléka, yú hí geeye, gálaat héllé ˈdeđew-, lulle eekemeyoká ubaa héllé ˈdeđew-, hogodhoká lulle Waag haí haađicha, tá máá Hím Naasan Waaˈgiet chaaroká ađaablé kinaallá hé Waag hí ma haađiny, Waag mú ˈdéé hai ki iđimicha.

Matááyo 12:31 ပူးပေါင်းရင်းမြစ်များ

Lúka 12:10

Máá Iny Máádhat ˈdeeny ˈdeewká ki hodhoká, máá kinaallá héllé ˈdeeney kinaal Waag haí haađicha. Tá máá Hím Naasan Waaˈgiet chaaroká hé Waag hí ma haađiny, Waag ˈdéé haí ki iđimicha.

He Ekeny Gál Alb Fimiká 7:51

It met guogo-, hí gerkícho Waag iiy ma ki chegen-, hí nee gaa guogiyyáal! Itín hát hí eshim eshimkícho. Itín bar lullé hí Hím Naasan Waaˈgiet af điđidhanna.

Héberew 10:26

Múúni giri ke hé ˈdúwa-, Waaˈgietallá hát ˈdabaanká maale-, ke he ˈduuwle ógallá har ke hátle met guogínta-, ke ađaabano hát onyiká higiloka, af kinaalka biiy hé suor éíy taaka-, níínní hí kí ˈgisate-, ađaabano kinaallá egeyyoká mán.

Héberew 10:29

Aaléka háte hí dhaayche? Máá Iny Waaˈgiet eesheyo-, he hol af iđiny fáslé hí dhiireká hé aađa-, ˈdúúw mánká ká dhaˈgasan-, Hím Naasan Waaˈgiet ˈdúˈjím ˈgayyoká méé ˈdeđeneyoká, máá hat kinaallóóllá hé il hí aargiˈdoká kor hát ˈdáb aake?

Héberew 6:4

Gál giri Waag hí fayam Kiristóóllá kí edhesiche-, hé shiicho uratiká óg-, Hím Naasan Waaˈgiet hol chiˈde-,

Yuána Erká 1:9

Tá ke Waag makan fame-, hát ke he ˈdeeneyká ke Waag geeyka, Waag he Máá ˈdúwa-, taglé-, nyuogimkúnno ubaa ađaabanokúnno ˈdaalleka, gáál ˈdú ˈjeˈjeen-, gáál nyuogim ubaa ađaabano lulle gaa dhidhiroká.

Yuána Erká 5:16

Aalé har máá mákártaká nyárle arge-, mu ađaab hí kúfach mé ma ki kokonyká hileka, muí mú Waag ki viivisat, mú Waag hí luolmít shiicho. Tá biiy hé ađaab gálaat kúfach mé ki kokoyyoká hí gaa ijo. Tá yáá kieye, gál ađaab kinaallá hiloká Waag ki viivitíe, ma yegen.