Matááyo 12:10 - Fayam Midhab Yiesu Kiristoká He Hol Af Iđiny Kaanaká

¹⁰ ˈBíl kinaallá hé máá gil hí ki kiite-, gíl gáá héljo mare hí gaa ije. Aalé gál Farisaay ˈbíl kinaal gaa ijeká ˈdéé tág nie, Yíésu yiete, kieye, Máádhat gaalí Kúlích Hef ˈGisanká gaa bibisuoká taglê? yie. Gaal hatallá yíéllá, ˈgíérích he Yíésu ˈdú ˈdeđenset-, mú hem gaa sisidhoká he hol gaa ˈgeˈgedhe.

Matááyo 12:10 ပူးပေါင်းရင်းမြစ်များ

Matááyo 12:2

Aaléka, gál Farisaay yaalmitéél argeká Yíésu geey, kieye, Bá dháash! Lalikú hé nyátálkúnnoka Kúlích Hef ˈGisanká ke ma gaa ekemenyká ekeyche, gaalí yie.

Matááyo 19:3

Aalé gál Farisaay ˈdáá tikiˈd Yíésu ˈdéé af kí dhaay, mú heete, kieye, Mááyab minle hát lulle điđidhan-, min hol eiy gaa gagaloká ˈdaa hemuumurit Waaˈgietka taglê? yie.

Márko 3:2

Gáál mé tikiˈd gál Yíésu hem gaa sisidhoká fedo mare úba ál kinaal gaa ije. Gaal aalé Yíésu ˈdeey, mu har Kúlích Hef ˈGisanká máá gíl ˈdeew kinaal gaa biisuoka.

Lúka 11:54

mú radhdhe, giri hé mú ki ˈgiiliˈgawká mú af yé gáá ˈdeđisatká.

Lúka 13:14

ˈDaa giri Yíésu hí Kúlích Hef ˈGisanká min gaa bisieká, in ˈbíl ˈdiiyiminy kinaal máállé hí mé ki yielká idhane, gál ál kinaal ijeká geey, kieye, Ram le gálaat hí hujich gaa nannaa. Rám le kinaallá gáá yiimedhíe, gaalí gaa biibisuo, tá hé Kúlích Hef ˈGisanká muuniny, gáál yie.

Lúka 20:22

Aaléka, nyátál kúnnoka, Káísar ki gibíre ki gugusoká taglée, ebá hé tagle muuniny? gaalí mú yie.

Lúka 23:14

gáál geey, kieye, Máá hí ye ˈdu gáá eeyyééllá itín kieye, Mu gálaato baađisia, hí ye chie. Tá bá dhaayyíe, mú káána yú metkícho gaa heegeteká hé ˈdeđew-, lulle hí mú af kaayyééllá har yú mú má gaa argua!

Lúka 23:2

Gaal mú he af kaay, kieye, Máállá gál kínyia baađisia, nyí argiyye. Mu kieye, Haí Káísar gibíre les ki fíinyo, he gálaat yeedhe. Mu úba kieye, Yú he Messíya giri kansichká, he yie, gaalí yie.

Yuána 5:10

Aalé gál guguđo-, Yuuˈdiká máá giri midhandheká geey, kieye, Hééllá Kúlích Hef ˈGisan. Nyátálkúnnoka, kúlíchallá hé kúlích kuun hí kulidh hol gaa sisitoká muuniny, yie.

Yuána 5:3

Gaasam kinaallá gál burnay-, alb hí gáá okoˈde-, in maaman-, ˈgas ˈdeđew-, tá hélchoká hí gaa sannime. [Gaal bie đaam hí gaa mamadoká he egesse.

Yuána 7:23

Aalé har káána hemurit Móshe hí shíéllá hí ˈdeđeneychoká hí ma fediny-, hí Kúlích Hef ˈGisanká um gaa hermisicha háluke, tá háteka, máádhat gónle lulle yú Kúlích Hef ˈGisanká gaa bisieká hí ye ˈdú idhannéel?

Yuána 8:6

Gaal mú hatallá yíéllá, hé mú af kí dhaˈgasan-, mú ˈdú ˈdeđensetká he mú gaa ˈgeˈgedhe. Yíésu íín taalle mé les ki ˈdoy, gúmúrínylé he les ki verene.

Yuána 9:16

Gál Farisaay ˈbáál kieye, Máállá ˈdaa giri Kúlích Hef ˈGisanká nyátálle ma ki yaalinyká, hé gon Waag ma gáá yímen, yie. Gáál ˈbaal hí kieye, Mu har máá ađááb ˈguoká kátaka, mu háteeye hé gálaat af ˈdaˈdabsúóllá ekemeye? yie. Gaal đo hol af ká điidhe, eiy ˈgite.