Matááyo 11:5 - Fayam Midhab Yiesu Kiristoká He Hol Af Iđiny Kaanaká

⁵ Hát gál in maamanká in kaadhdhe-, gál ˈgas maamanká hol gaa seeseme-, gál nyókot ˈgieká fayandhe-, gál nee maamannayká he maale-, gál kufeká geđi loolnodhe-, tá gál he maamanká Fayam Midhabká hí ka hileká mú geeyyíe.

Matááyo 11:5 ပူးပေါင်းရင်းမြစ်များ

Matááyo 10:8

Gál basham ˈguoká bisía, gál kufeká sidham geđi káa, gál nyókot hí faanneká ría, aryáán gálaat yiem gaa ˈdeeyyíe. Fargogintééllá hállééllá hí argiyye, hallééllá gálaat ki bisía.

Matááyo 11:4

Aalé gaal Yíésu hatal yieteká, Yíésu gáál ˈdéé hol ˈdú nie, kieye, Hol nadhíe, hé yu hogodhe-, hí maalleká ubaa hé yú eekemey-, hí ye gaa argiyyeká Yuána geeyyíe.

Matááyo 12:13

Aalé Yíésu máá giriká geey, kieye, Gíl fat, yie. Mu gíl fadhe, gil đo midhandhe, hát gíl ˈdaatíítí yie.

Matááyo 21:14

Aalé Yíésu ˈBíl Waaˈgiet gaa ijeká, gál in maamanká ubaa gál ˈgas maamanká hí ˈdú sedhe, gáál muí bisie.

Matááyo 5:3

Gál hát lulle mán-, Waag bala ˈdú nieká hé Waag hí ˈdú ˈjeˈjeenno. Guch Waaˈgiet gál hí léká hé kinaallá.

Matááyo 9:30

Gaal đo biiy gaa arge. Aalé Yíésu gáál il gíl gaa helie, kieye, Haí hééllá máádhat géeny, yie.

Márko 7:37

Gaal lulle héél súm af ˈdabe, kieye, Máállá hé ˈdabaanká lullé ekey. Gál nee mánká nee eiy ˈdeđia, gál af mánká af kakaa, gaalí yie.

Márko 9:25

Yíésu nyesebich ali ˈdu gáá kirmita argeká, aryaan ˈdeewallá ki ˈday, kieye, Kó af ubaa nee mánnal, he yú ko ki mure, íny yé gaa ˈdé! Ha geđ íny híliny! yie.

Lúka 4:18

Máá Guđo Waag Hím Naasanle hé ye gaa iđo. Waag hé ye salab mé ki liiyye, giri yú gál he maamanká Fayam Midhabká ki ˈdiyeenká. Mu ye ali gáá kaayallá he ˈdaa giri gál gaalí hiigidheká yú ki ˈdiyeen-, gaal yé ka ˈdeˈdeen-, gál biiy ma gaa arginyká úba yú ki ˈdiyeen-, gaal biiy gaa aargiroká. Mu úba ye ali gáá kaayallá he ˈdaa giri gál gaalí mé les ki tieká yú mé fuuro-,

Yuána 10:25

Yíésu gáál ˈdéé hol ˈdú nie, kieye, Yáá kis hí ma géeny, tá itín it ma đíin! Hé gálaat af ˈdaˈdabsuo-, yú ˈJaachú hemuumuritle ki ekemeyóóllá, ˈduuwchú eiy haí kí nannaa,

Yuána 10:38

Tá yáá hé midhab kinaallá ekemeyo. Har úba káána hí ye iiy ma chegenka, hé midhab yú ekemeyoká iiy yiedhíe. Hát kinaallá in hát ˈJaachú ye gaa ijo-, ˈJaachú íín yú gaa ijoká hí kiimisata, hí eiy naasata, Yíésu hí gáál yie.

Yuána 2:23

Aalé Yíésu hátlé Yerúsalem álle ˈjila gaa ijeká, gál burnayká hé ke af ˈdaˈdabo-, muí eekemeyká argeká mú iiy yie.

Yuána 3:2

Mu chúúre tikiˈd Yíésu ˈdu gáá yimie, kieye, Máá gáál he oonisúóllo, kuun hát Waag gáá chimie-, gálaat he oonisichoká, nyáá nyí óg. Hé máá níínní Waag hí gaa líítaka, hé ke af ˈdaˈdabo-, kuun hí ekemeychóóllá ekemeyoká mán, yie.

Yuána 5:36

Yú yáá hé ˈduuwchú hogodho-, fayam Yuána hí ˈdu gáá sidheká af mé ˈdú gíriká ˈguo. Hújích ˈJaachú hí ye ká shie-, bééso muí yie-, káána hátle yú nannúóllá hát ˈJaachú ye ali gáá kaayká ˈduuwlé he hogodho.

Yuána 9:7

mú geey, kieye, Sí, naˈbual Siloom in gaa ˈjío, yie. (Síloom hélle kieye, Ali gaa kaany.) Aalé máá giriká sedhe, ˈjidhdhe, gagalóóllá hé biiy gaa argoká.

He Ekeny Gál Alb Fimiká 2:22

Aalé Bétiro geđi gáál geey, kieye, Gál Yisirayel, hééllá nee kóo. Yíésu giri Nasaretká héllé farguogo-, Waag hí shiiche-, hí hurt gaa eekemey-, hí af ˈdaˈdabiyyeká ití óg. Hé kinaallá ˈdugaka in mu hát he máá ˈdúwaká Waag hí itín argisiche.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?