Matááyo 11:22 - Fayam Midhab Yiesu Kiristoká He Hol Af Iđiny Kaanaká

²² Tá yú hí geeye, kúlích Waag hí gálaat ˈdéé ki iđimichoká ali kí ˈdiiyyeka, itín manyjany il hí aargiˈdoká hé tág ˈdeew! Manyjany gál ˈjien Turo ubaa gál ˈjien Siˈdon il hí aargiˈdoká úba ˈdiefiyya.

Matááyo 11:22 ပူးပေါင်းရင်းမြစ်များ

Matááyo 10:15

Yú hí hé ˈdúwaká geeye, kúlích gálaat Waag hí ˈdéé ki iđimichoká ali kí ˈdiiyyeka, gál eny kinaalloká manyjany il hí aargiˈdoká hé tág ˈdeew! Manyjany gál ˈjien Soˈdom ubaa gál ˈjien Gomora il hí aargiˈdoká úba ˈdiefiyya.

Matááyo 11:21

Mu ˈdéé huogodhe, kieye, Ény Korasinallo! Ény Beđesaidáállo! He hát hí ki ˈdeewká onnóo! Hé burnay-, gálaat hí af ˈdaˈdabo-, yú hí hurt gaa ekeyká héle gaalí ˈjien Turo ubaa ˈjien Siˈdon gaa ekênyka, gál ˈjien kinaalloká kisso onnônyka he sharim hite, egem ˈjidhdhe, Waag makan fame.

Matááyo 11:24

Tá yú ko geeye, kúlích Waag hí gálaat ˈdeem ki iđimichoká ali kí ˈdiiyyeka, manyjany il hí ko aargiˈdoká hé tág ˈdeew! Manyjany gál Soˈdom il hí aargiˈdoká úba ˈdiefiyya, Yíésu hí yie.

Matááyo 12:36

Tá yú hí geeye, kúlích gálaat Waag hí ˈdéé ki iđimichoká máádhat ˈdeenylé éésh mán lulle he huogodheká hélle Waag haí hegesete.

Lúka 10:14

Kúlích Waag hí gálaat ˈdéé ki iđimichoká ali kí ˈdiiyyeka, itín manyjany il hí aargiˈdoká hé tág ˈdeew! Manyjany gál ˈjien Turo ubaa gál ˈjien Siˈdon il hí aargiˈdoká úba ˈdiefiyya.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Bétiro ki Naamaká 2:9

Har hééllá hatal kátaka, Waag hé gál ˈgíérích ˈdúwaká el gaa igiroká hé hí ki ˈgierˈgereká hé hát gaa ririannoká ˈgayyo. Héétí Waag hé gál saas ˈguoká ˈdaab kúlích ˈdéé ki iđinyká ali ma kí ˈdíinyká hé hát gáál higito-, gáál he il ka aargisichoká ˈgayyo.

Bétiro ki Naamaká 3:7

Waag ˈdéé hótle úba in ur kaanallóóllá ubaa lés kaanallóóllá Waag hí taak ki koyye, giri ˈjiet hí af ki shugunatká. Hé kinaallá hé Waag hí ali koyye, ˈdaab kúlích Waag gálaat ˈdeem ki iđimichoká ubaa gál Waag af điđidhanká af ki beesenle-, ali ma kí ˈdíinyká.

Yuána Erká 4:17

Hatallá in gielmít muun gáál hidh ki ariyye, giri kúlích ˈdéé ki iđinyká ki sierm mánká. Hé kinaallá he ˈdaa giri muun hát Yíésu hí ijoká ke lésallá ki ijoká.

Kí Edhesiny 20:11

Aalé yú kara guchi-, guđo-, édhká ubaa Máá hí ˈdú ijoká arge, mú innumle les ubaa úr hí met kar gaa ˈdanne, kor les ubaa úr hé ál níínní yíéđuoká mán.

Kí Edhesiny 20:12

In aalé yú gál ˈduuˈdúwaká ubaa gál aađa-, kis kufe-, kara guchi kinaal met gaa ˈgieká arge. Warˈgasam gaalí af fure. Warˈgat éíy taaka úba gaalí af fure, warˈgat kinaallá he warˈgat luolmitiká. Tá gál kufeká héllé eekemey-, gaalí warˈgasam gaa veereká ˈdugaka in Waag hí ˈdéé ki iiđimiche.