Matááyo 11:21 - Fayam Midhab Yiesu Kiristoká He Hol Af Iđiny Kaanaká

²¹ Mu ˈdéé huogodhe, kieye, Ény Korasinallo! Ény Beđesaidáállo! He hát hí ki ˈdeewká onnóo! Hé burnay-, gálaat hí af ˈdaˈdabo-, yú hí hurt gaa ekeyká héle gaalí ˈjien Turo ubaa ˈjien Siˈdon gaa ekênyka, gál ˈjien kinaalloká kisso onnônyka he sharim hite, egem ˈjidhdhe, Waag makan fame.

Matááyo 11:21 ပူးပေါင်းရင်းမြစ်များ

Matááyo 11:22

Tá yú hí geeye, kúlích Waag hí gálaat ˈdéé ki iđimichoká ali kí ˈdiiyyeka, itín manyjany il hí aargiˈdoká hé tág ˈdeew! Manyjany gál ˈjien Turo ubaa gál ˈjien Siˈdon il hí aargiˈdoká úba ˈdiefiyya.

Matááyo 15:21

Yíésu ál kinaal gaa kie, ˈjien Turo ubaa ˈjien Siˈdon léslé mé nie.

Matááyo 18:7

He bá ˈdéen! Les har hé gálaat ađááb higilsuoká hí gaa ijaa! Yaalmisam hatallóóllá gon les yé hai gáá ˈdeeme, tá máá gálaat ađááb higilsúóllá, ebá he hí ki ˈdéen!

Matááyo 26:24

Warˈgat Waaˈgiet hé hoteká hai ˈduuwaa, Iny Máádhat ha gaalí yeese. Tá máá Iny Máádhat gál hí oos ˈguoká gíl geer gaa kakawká, ebá he hí ki ˈdéen! Máá kinaallá onnônyka ma ká ˈdalaanka kalat, Yíésu hí gáál yie.

Márko 3:8

Gál éíy ilishká hé muí ekeyká maaleká úba mú ˈdu gáá yimie. Gaal lés Yuuˈdia ubaa ˈjien Yerusalem, tá lés Iđumaya ubaa wár Yorˈdan ílung ˈdaatí gáá kie. ˈJien Turo ubaa ˈjien Siˈdon gál hí innumle gaa ije mare úba Yíésu ˈdu gáá yimie.

Márko 6:45

Aalé Yíésu đo lalille kadich fie, giri gaal mú met nannaat-, bás ílunglé ˈdaati-, ény Beđesaidaká yé ki ˈdeˈdeen-, ˈdaab mu íín nyesebich eiy gagalioká.

Márko 7:24

Aalé Yíésu ál kinaal gáá kie, lés Turo innumle mé nie. Mú ˈbíl hilitle gaalí aargiroká muí má fedo, kor mu hát níínní hol kaawká mán.

Márko 7:31

Yíésu geđi Turo gaa kie, ˈjien Siˈdon gaa nadhe, sedhe, ˈjien ˈDekaboles giri Bás Galilaaya in ijoká mé đig yie.

Márko 8:22

Aalé gaal ény Beđesaida ká yimie. Gáál mé tikiˈd máá in manayká Yíésu ˈdu gáá eey, mú ruogone, giri mú Yíésu hí đig yegetká.

Lúka 4:26

Elíya hé ˈdeg híyes kinaal min níínní Waag hí ali ˈdú kaayyeká mán. Mú min hiyesidhe-, ény Sarafat giri ˈjien Siˈdon kí ˈjobonoyká gaa iđeká tákáma Waag hí ali ˈdú kaayye.

Lúka 6:17

Yíésu ubaa lalille gúm gáá leedheká, Yíésu ál gaa guđo-, saaloká ki ˈdie. Ál kinaal mú lalillé guđoká hé mú hol ˈgie. Nyésébích guđoká úba lés Yuuˈdia ubaa ˈjien Yerusalem, tá ˈjien Turo ubaa ˈjien Siˈdon giri bás in ijeká he gáá yimie,

Lúka 9:10

Aalé Yíésu gállé tomon a naama he alb fieká hol ká nadheká he lullé eekemeyká fayamle mú shie. Yíésu gáál gáál gaa eedhdhe, gaal tákámle ˈdaa ény Beđesaida mé nie.

Yuána 1:44

Fílib úba he máá Beđesaida, ény giri Ánˈduru ubaa Bétiro égetléká.

Yuána 12:21

Gaal Fílib giri máá ény Beđesaida-, lés Galilaayaká ˈdu gáá yimie, mú yiete, kieye, Máá guđo, nyiin Yíésu nyí aargiˈdoká nyí feˈde, yie.

He Ekeny Gál Alb Fimiká 12:20

Gál ˈjien Turo ubaa gál ˈjien Siˈdon kisso Heróˈde hí súm ˈdú idhane. Gál muí idholle ˈgie kinaal ˈdaa giri lésle mú lésle ˈguom gaa aargiˈdoká hol chiˈde, mú ˈdéé ˈdú eedhdhe, naanná ˈgeˈgedhe. Gaal hátlé mú af ma kí ˈdíinyká erkob Balásta giri ˈbíl máá kansich kinaal mé ki yielká el koy, giri muí ˈdíne ki ˈdeˈdeenká.

He Ekeny Gál Alb Fimiká 27:3

Biiy ká biˈdeká nyí Síˈdon đig chie. Aalé Yúlias Báulo ˈdú ˈjie, mú síé shie, giri mu sheelle ˈdú seseen-, mu héllé mákárta mánká gáál gaa aargiroká.

Yúúa 1:11

Hóbá! He bá gál kinaal ki ˈdéen! Gaal hé ˈgíérích Kayinká nadhe, gaal hé hol gaa ˈdoˈdodhdhe, ˈgíérích muommo-, Balamká nadhe. Gaal hé hát tikiˈde-, mú Kóra hí Waag af đuˈduse-, Waag hí af ki beeseteká íín úba Waag af haí ki beđisata.

Kí Edhesiny 11:3

Aalé yú gál chia naama-, gálaat ˈduuwchú geđuoká ha haađia, giri gaal sharim fafaat-, gaal ram shíí tikiˈd, kúˈd eiy naama, tómón eiy le ˈdeem yú shiguoká gálaat ki ˈdiyeenká, Waag hí ye chie.

Kí Edhesiny 6:12

Aalé Eliny kat tiiyaká katlé ki leká silmieká yú arge. Les đo súm mootoonne. Aadh súm ongʼoroyye, óngʼórle hát ís ongʼoˈdeká. ˈGuiy alulle búr yie, burle hát fás.