Matááyo 11:1 - Fayam Midhab Yiesu Kiristoká He Hol Af Iđiny Kaanaká

¹ Aalé Yíésu lalillé tomon a naamaká atímle hí gaa đuyyeká mu ál kinaal gaa kie, ˈjien éíy taaka les kinaalloká mé nie, gálaat he onisie, gálaat ki ˈdiiyime.

Matááyo 11:1 ပူးပေါင်းရင်းမြစ်များ

Matááyo 28:20

Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Matááyo 7:28

Aalé Yíésu ˈdeenyééllá lulle ˈdiiyiminyle beeteká, nyesebich mú he onisinylééllá af ˈdabe.

Matááyo 9:35

Aalé Yíésu ˈjien ubaa forim lulle gaa sedhe, mu gálaat énylé ˈdiiyiminyká Fayam Midhab Guch Waaˈgietká gaa ˈdiiyime, gálaat basham ubaa fursam met lulle gaa eey.

Márko 6:12

Aalé gaal kie, gálaat fayám shie, giri gaal héllé ˈdeđewká haađuo-, Waag makan fafaanká.

Lúka 23:5

Gaal Bilááto ˈdéé mé ki tie, kieye, Máállá hé lés gál Yuuˈdi geerle lulle gaa sedhe, gálaat he onisinyle ki chure. Mu he onisinyle erkob Galilááya mé gáá kodhdhe, in ˈjíig káána állá kí hile, gaalí yie.

Lúka 8:1

Hé kinaal đueká, Yíésu đo ˈjien gaa naanadhe, gálaat he oonisie, gáál Fayam Midhab Guch Waaˈgietká shie. Lali giri tomon a naamaká úba mú hol eedhdhe.

Yuána 15:10

Hát yú hemuumurit ˈJaachú ki yaal-, mú gielmitle gaa ijóóllá, itín har hí hemuumuritchú ki taalka, gielmitchú haí gaa yíéđianna.

Yuána 15:14

Hé yú hí ki mureká ˈgíéríchle hí naateka, itín hí sheelchú.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 10:42

Mu hé nyí ˈdéé kí mure, giri mú fayamle nyí gálaat ki ˈdiyeenneká. Mu hé Waag hí máá gál luogolká ubaa gál kufeká máállé hí ˈdéé ki iđimuoká hoyche. Fayamééllá gálaat geeyyíe, muí nyí yie.

Dhesaloníke Erká 4:2

Máá kúnnaa Guđo Yíésu ˈdaalleka hemuumurit ke hí af ki tatieká it óg.

Dhesaloníke ki Naamaká 3:10

Af giri ke hol af ijeká, atim ke hí atieká kieye, Har máádhat hujich nannuoká ma urinyka, af kinaalka hai hé geere hegésen, nyí chie.

Dhesaloníke ki Naamaká 3:6

Nyaaramkínyo, aaléka, ˈdaa meeny Máá kúnnaa Guđo Yiesu Kiristóólláka hééllá ke hí ki mure: Ameeny gál nyaaram kúnnaa gon hí he ma uu-uriny-, taalle alb ijo-, he onisiny nyí gaa maalleká ma ki iđinyallá hol gáá faganayyíe.

Tímote Erká 6:14

giri hemuritééllá ˈdaab Máá kúnnaa Guđo Yiesu Kirísto hol ma ka náanká hát ˈdabaanká ki taallo-, gaalí ko ma ˈdú ˈdeđensenká.