Matááyo 10:7 - Fayam Midhab Yiesu Kiristoká He Hol Af Iđiny Kaanaká

⁷ Tá hí hol gaa seseennoká gálaat ki ˈdiiyimíe, Guch Waaˈgiet hé ká ˈjobonte, yiedhíe.

Matááyo 10:7 ပူးပေါင်းရင်းမြစ်များ

Matááyo 10:8

Gál basham ˈguoká bisía, gál kufeká sidham geđi káa, gál nyókot hí faanneká ría, aryáán gálaat yiem gaa ˈdeeyyíe. Fargogintééllá hállééllá hí argiyye, hallééllá gálaat ki bisía.

Matááyo 11:1

Aalé Yíésu lalillé tomon a naamaká atímle hí gaa đuyyeká mu ál kinaal gaa kie, ˈjien éíy taaka les kinaalloká mé nie, gálaat he onisie, gálaat ki ˈdiiyime.

Matááyo 21:31

Aaléka, gál hol nyaaramallá mááya hát ˈjaalle hí fedeká ˈgíéríchle nadhe? Yíésu hí gáál yie. Aalé gál guguđo-, suoryoká ubaa gál káru muí geđieká mú ˈdéé hol ˈdú nie, kieye, Iny erká, yie. Aalé Yíésu gáál geey, kieye, Yú hí hé ˈdúwaká geeye, gál gálaat birm gaa gugusat-, muom kokuoká ubaa gál bábaská Guch Waaˈgiet met haí higila.

Matááyo 21:43

Aaléka, yú hí geeye, itín Guch Waaˈgiet haí gaa ˈgiisata, Waag Guchle gál saano ˈdúwaká hí yé gáá ˈdeˈdeenká haí liiledhe.

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 4:17

Ameeny kinaallá in Yíésu ˈdiiyiminyle mé gáá kodhdhe, gálaat geey, kieye, Hé ˈdeđew-, hí gaa seseenneká hayyíe, Waag makan famíe, Guch Waaˈgiet hé ká ˈjobonte, yie.

Márko 6:12

Aalé gaal kie, gálaat fayám shie, giri gaal héllé ˈdeđewká haađuo-, Waag makan fafaanká.

Lúka 16:16

Hemuumurit Waag hí Móshe ka shiicheká ubaa warˈgasam gál Waag hí ˈdéé ka shigicheká hí veereká ˈdeemle hé gaalí ˈdiiyime, ˈjíig Yuána giri gáál bie gim nannieká bárle đig. Ameeny Yuana kinaallá in Fayam Midhab Guch Waaˈgietká yú gáá ˈdiiyime. Tá Guch Waaˈgiet hé gál burnayká hí ˈdu gáá ruruan.

Lúka 9:2

Aalé mu gáál alb fie, giri gaal seseen-, fayam Guch Waaˈgiet hogodho-, tá gál basham ˈguoká bibisuoká.

Lúka 9:6

Aalé gaal sedhe, ˈjien gaa naanadhe, Fayam Midhab Waaˈgietká ˈdiiyime, ˈjien lulle gállé basham ˈgieká bisie.

Lúka 9:60

Yíésu mú geey, kieye, Gál kufeká hash, gállé kufeká hí gaagalio. Kúún íín sí, Guch Waaˈgiet ˈdiiyímo, mú yie.

Yuána 3:2

Mu chúúre tikiˈd Yíésu ˈdu gáá yimie, kieye, Máá gáál he oonisúóllo, kuun hát Waag gáá chimie-, gálaat he oonisichoká, nyáá nyí óg. Hé máá níínní Waag hí gaa líítaka, hé ke af ˈdaˈdabo-, kuun hí ekemeychóóllá ekemeyoká mán, yie.

He Ekeny Gál Alb Fimiká 10:25

Aalé Bétiro ˈbíl af ki ˈdieká Kornélios mú a gim nadhe, mú ˈgas met les kurram gaa ˈdoy.

He Ekeny Gál Alb Fimiká 28:31

Mu gálaat hát ˈdabaanká Guch Waaˈgiet ubaa Máá Guđo Yiesu Kirísto ˈdeenyle onisie. Mú hé máá níínní úba hí ˈdéé huogon ká ridhdheká mán.

He Ekeny Gál Alb Fimiká 4:2

Aalé gál kinaal he onisiny Bétiro ubaa Yuána hí gálaat ki ˈdiiyime-, giri gálaat uushim yiem gáá ˈdímle uushich yé gáá ˈdím Yiesu hí ˈduwaycheká maaleká chirm sare.