Matááyo 10:28 - Fayam Midhab Yiesu Kiristoká He Hol Af Iđiny Kaanaká

²⁸ Haí gál gon yeges-, sidh ma yegesinyká kikían. Máá fargogínt ˈguo-, gálaat gónle ubaa sidhamle yeges-, gáál ˈjiet biiyoká ki lalaanká kiikiadhíe.

Matááyo 10:28 ပူးပေါင်းရင်းမြစ်များ

Matááyo 10:26

Tá gál hatallóóllá haí siermle ˈgíiny. Hé níínní gaalí kakaw-, Waag hí yé ma ká ˈdeđinyká mán. ˈDeeny gaalí les đireká yé hai ká ˈdeeme.

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Matááyo 5:22

Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.

Yuána 5:29

yiem ká ˈdeˈdeen-, gál hé ˈdabaanká eekemeyká rubach aargiro-, gál hé ˈdeđewká eekemeyká íín ˈdéé ki iđiny il hí aargiˈdoká, Yíésu hí gáál yie.

He Ekeny Gál Alb Fimiká 21:13

Aalé Báulo nyí ˈdéé hol ˈdu gáá nie, kieye, Háteka hí bebeenne-, hí ye gúóf gaa gagalicháal? Yerúsalem yú sedheka, Máá Guđo Yíésu meenyle ˈdugaka hiigin úba kí hayo, kúfach yáá ki ég, muí nyí yie.

Héberew 10:31

Máádhat Waag bííyyo ali iđóóllá idholle af ˈjeˈjeenká hé tág ˈdeew!

Héberew 11:35

ˈDég ˈdaa iiy yeenleka, gállé kufeká hé Waag hí luolnoyche, Waag hí hol ˈdú niiyye. Tá gáál ˈbaal hé gaalí manyjasie, gaalí yegies. Mé furit gaalí gáál mé fufuro-, gaal Waag el af gaa tataanká hé gaalí điidhe, giri gaal luolmit ˈdúwa-, biiyoká higiloká.

Yákob 4:12

Máá gáál hemuumurít ká shie-, gáál ˈdéé ki iđimuoká tikiˈd tákáma. Máá kinaallá ííni fargogint gáál ki ririanká ubaa fargogint gáál ki beđisatká ˈgaa. Tá kúún mááya, máá olkú ˈdéé ki iđimichóol?

Bétiro Erká 3:14

Har káána úba hé ˈdúwaká hí ˈdú manyjayyeka, Waag hé hí ˈdú ˈguunnuanne. Haí suurˈgany gálaat kikían, hí biirgisîny.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.