Matááyo 10:23 - Fayam Midhab Yiesu Kiristoká He Hol Af Iđiny Kaanaká

²³ Ény gálle hí maanyjasuoká kar gaa ˈdóo, ény éíy taakaká mé náa. Tá yú hí hé ˈdúwaká geeye, itín ˈdaab yáá Iny Máádhátallá guchchú ma kí yímenká it ény Yisirayel lúl mé ma ki ˈdaraminy.

Matááyo 10:23 ပူးပေါင်းရင်းမြစ်များ

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Matááyo 16:28

Tá yú hí hé ˈdúwaká geeye, gál állá ˈgíéllá ˈbaal hé ma kufuminy, ˈdaab yáá Iny Máádhátallá Guchchú ma kí yímen-, ye ma árginyká.

Matááyo 2:13

Aalé gál hidhino dhaˈgasan kinaal he kieká, máá ˈgasso-, urru-, Waaˈgietká hát amadhyoká Yúósef yé ˈdu gáá ˈdie, mú geey, kieye, Les gaa keʼ, véel ubaa ˈjielle éew, lés Misirayim kar ˈdú ˈdóo. ˈDaab yú ko af ma kí ˈdíiny-, yú ko ma géenyká ál kinaallá gaa yíéđía. Heróˈde veelééllá he hol gaa ˈgeˈgedhe, véel yegeská he fede, muí Yúósef yie.

Matááyo 23:34

Aaléka, gál Waag hí ˈdeem ka shigichoká ubaa gál ˈdaallelléká, tá gál ˈdeeny Waaˈgiet gálaat oonisuoká alb ha yú hí ˈdu gáá fafaa. Gál kinaallá ˈdáá tikiˈd haí cheese, ˈguor đarám ˈgieká haí ˈdú ˈdaraanna. Gáál ˈdáá tikiˈd ény kíchia ˈdiiyiminyká haí gaa tuunna, hollo hí hol gaa aruanna.

Matááyo 23:36

Yú hí hé ˈdúwaká geeye, fás lullé okoˈdééllá nyuogimle gál hí ˈguo-, ubaa manyjasinyle gál il hí aargiˈdoká he it barallóóllá, Yíésu hí gáál yie.

Matááyo 24:27

Hát ir he ˈdaa baryo gaa birgeka, bololle ˈdaa aadho gaa verenóóllá, yáá Iny Máádhátallá ˈjímchú úba hát tikiˈdééllá hai yeedhe.

Matááyo 24:30

Aalé hé gálaat yáá Iny Máádhátallá ˈjímchú aargisuoká úr ha gaalí gaa aargira. Aaléka, kidh met lullé les gaa ijoká hai beeme. Gaal yáá Iny Máádhátallá hát nyáˈdow kí yiimet-, fargogínt ubaa ˈduuw guđoká kí leledhoká hai aargira.

Matááyo 24:34

Yú hí hé ˈdúwaká geeye, gálallá hé les ma gaa bebeny, ˈdaab hééllá lulle ali ma kí ˈdíinyká.

Matááyo 24:48

Tá gédéch muí gede éíy taaka met gaa koyká har he ˈdeenítaka, hát he taawuoká kieye, Máá chia guđoká hé ál ˈjob ma gáá ˈjeeminyo, he yeedhe,

Matááyo 25:13

Aalé Yíésu hibéél beeteká, gáál geey, kieye, Itín úba tág ˈdée, Máá kíchia Guđoká kúlíchlé gáá yiimetká ubaa aadh ˈgáslé gáá ˈjeenká it muog, gáál yie.

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Matááyo 4:12

Yíésu Yuána hát gaalí ˈgiliˈgay-, gaalí ˈbíl hiiginká gaa kaayká fayamle maaleká, đo lés Yuuˈdia gaa kie, lés Galilaaya hol ˈdú nadhe.

Márko 13:26

Aaléka, gálaat Iny Máádhat nyáˈdow hát kí yiimetká hai aargira. Mu fargogínt ubaa ˈduuw guđoká hai kí yiimedhe.

Lúka 18:8

Yú hí geeye, Waag gálle ál ˈjob ˈdéé hát ˈduwantiká hai ˈdú hogoto. Tá hé kinaal kí hayo, Iny Máádhat ka yiimetká, mu hé gál hí iiy yieká lésallá gaa aargiro? Yíésu hí gáál yie.

Lúka 21:27

Aaléka, gálaat Iny Máádhat hát nyáˈdow kí yiimetká hai aargira. Mu fargogínt ubaa ˈduuw guđoká hai kí yiimedhe.

Yuána 7:1

Hééllá el ˈdaal Yíésu đo Galilááyalle gaa yíéđie, ˈjien totom gaa seeseme. Mu ˈdaa giri gál guguđo-, Yuuˈdiká hí oosle ˈgieká mu hé lés Yuuˈdia ma síen.

He Ekeny Gál Alb Fimiká 17:10

Aalé biiy he chuurayyeká gál giri nyaaramká đo Báulo ubaa Sílas é yé gaa ˈdeey, gáál ˈjien Berya ali ˈdú fie. Gaal he ál kinaal ki fameká gaal ˈbíl ˈdiiyiminy gál Yuuˈdiká sedhe.

He Ekeny Gál Alb Fimiká 17:14

Aalé gál nyaaram-, Beryaká tíkíˈdé kinaal Báulo bás in eey. Sílas ubaa Tímote íín ˈjien kinaal ki ˈgite.

He Ekeny Gál Alb Fimiká 20:1

Aalé shalalaam he górof galieká Báulo gál giri nyaaram láli al kinaalloká máádhat ali ˈdú kaay. Gaal ali kí ˈdieká mu gáál guofsie, gáál hol Waag ki vie, kie, lés Makeˈdonia mé nie.

He Ekeny Gál Alb Fimiká 8:1

Sáwul Estéfan kúfáchlé gaalí yegieská úba hé fede. Kúlích tikiˈde kinaallá gál Kiristo Yerúsalem gaa ijeká manyjasinyle biiy gáá ˈdiiyye. Aalé gáál gúch hí Yerúsalem gaa đufe, lés Yuuˈdia ubaa lés Samaria eiy ˈdú ˈbasandhe, gál alb fimiká tákámle ká ˈgite.