Matááyo 10:2 - Fayam Midhab Yiesu Kiristoká He Hol Af Iđiny Kaanaká

² Gál láli tomon tikiˈde a naamáállá meetle hééllá: gál erkobká Símon giri gaalí Bétiro yegetká ubaa nyárlé Ánˈduru, Yákob giri iny Dhebeˈdayaká ubaa nyárlé Yuána,

Matááyo 10:2 ပူးပေါင်းရင်းမြစ်များ

Matááyo 17:1

Aalé ram le ˈgiteká Yíésu đo Bétiro ubaa Yákob, tá Yákob nyárlé Yuána eedhdhe, gaal tákámle gúm ˈdérká feˈjie.

Matááyo 20:20

Aalé hele Dhebeˈdaya ubaa ˈjielle Yíésu ˈdu sedhe. Hele Dhebeˈdayáál ˈjielle Yíésu met les kurram gaa ˈdoyye, mú gil ki efiyye, giri mú he rogononnoká.

Matááyo 26:37

Aalé mu Bétiro ubaa hele naama-, Dhebeˈdayaká eedhdhe. Mu sesemeká đo geer hí gaa ˈdeenedhe, tawuny úba hí ˈjiiyye.

Matááyo 4:18

Yíésu ˈgíéríchlé gaa igire-, Bás Galilaaya in sieká, gál naama-, hol nyaara-, awuanká arge. Gál kinaallá he Símon giri Bétiro léká ubaa nyárlé Ánˈduru. Gaal af kinaallá bushlé he bie fafie.

Matááyo 4:21

Aalé Yíésu biiy met á níínni mare ki sedheká, gál éíy taaka hol nyaaramká naam arge. Gál kinaallá he Yákob giri iny Dhebeˈdayaká ubaa nyárlé Yuána. Gaal ubaa ˈjaallé Dhebeˈdáya kadicho he gaa ije, bushlé he dhadhadhdhe. Aalé Yíésu gáál vie,

Márko 1:29

Yíésu ubaa lalilléél ˈbíl ˈdiiyiminy kinaal gáá kieká đo sedhe, Símon ubaa Ánˈduru ényle mé nie, Yákob ubaa Yuána úba hé gáál hol ˈgie.

Márko 13:3

Yíésu hátlé Gúm Saano Salabká ˈdú ije-, ˈBíl Waaˈgiet ˈdaalle bala nieká, Bétiro, Yákob, Yuána, tá Ánˈduru mú nógúól yiete, kieye,

Márko 6:30

Yíésu gállé alb fimiká hol ˈdu gáá yimie, Yíésu af kí ˈdie. Gaal héllé he eekemeyká ubaa hé gálaat onisieká fayamle mú shie.

Lúka 11:49

Aaléka ˈdaalim Waaˈgiet héle hatallá he chie, kieye, Yú gál ˈdeenychú ka shiguoká ubaa gál alb fimiká gálaat alb ha ˈdú fafaa. Gál yú alb fafuo kinaal ˈdáá tikiˈd ha gaalí yeese, ˈdáá tikiˈd ha gaalí maanyjasia, he chie.

Lúka 22:14

Aadh ˈgas ali kí ˈdiiyyeká Yíésu ubaa gállé alb fimi kinaal gólól kinaal gaa yíéđie.

Lúka 22:8

Aalé Yíésu Bétiro ubaa Yuána ali fie, kieye, Sedhíe, ˈjila máá ˈgasso-, urru-, Waaˈgietká hí gáál ˈdug gaa nadheká gólólle tág ka naatíe, yie.

Lúka 5:10

Hát tikiˈdéél Yákob ubaa Yuána giri hele Dhebeˈdaya-, Símon hol ˈgar awumeká úba he a ˈdabe. Aalé Yíésu Símon geey, kieye, Ha bírginy, kúlích ki gaa ijóóllá kúún aaléka gálaato Waag ˈdu gáá egeyye, mú yie.

Lúka 9:10

Aalé Yíésu gállé tomon a naama he alb fieká hol ká nadheká he lullé eekemeyká fayamle mú shie. Yíésu gáál gáál gaa eedhdhe, gaal tákámle ˈdaa ény Beđesaida mé nie.

Yuána 12:22

Aaléka, Fílib sedhe, Ánˈduru geey, gaal hullaalle hol eedhdhe, Yíésu geey.

Yuána 13:23

Gál lálííllá máá Yíésu hí giel mare íín Yíésu he túmus ki koy.

Yuána 20:2

Aaléka đo suoyye, Símon Bétiro ubaa máá láli-, Yíésu hí gielká bííyle ˈdú ˈdoote, gáál geeyche, kieye, Máá Guđoká hé gaalí uushich gaa eedhdhe, mú ál gaalí sidheká nyáá nyí muog! chie.

Yuána 21:2

Mú lalillé hol ˈgayyeká he Símon Bétiro, Tómas giri gaalí ˈDíđumos yegetká, Nadhániel giri ény Kanna-, lés Galilaaya gáá yimieká, ubaa hele Dhebeˈdaya, tá gál éíy taaka naama-, láliká.

Yuána 21:20

Aalé Bétiro hol gaa madeká, máá giri láli-, Yíésu hí gielká gáál el gaa igira arge. Máá kinaallá he máá af giri gaal gólól biiy el ˈdaˈdká golmoteká Yíésu túmus ki koy-, kieye, Máá Guđo, máá ko gál ko oos ˈguoká ˈdu gáá egewallá he mááya? yieká.

Yuána 21:24

Máá lálííllá he máá hééllá ˈduuwle hogodho-, tá he veereká. Hééllá hát ˈdúwaká nyáá nyí óg.

Yuána 6:67

Aalé Yíésu lalillé tomon a naamaká yiete, kieye, Itín úba hí ye el hol gaa nannaataká hí má feˈde? gáál yie.

Yuána 6:70

Aalé Yíésu gáál ˈdéé hol ˈdú nie, kieye, It tomon a naamáállá, máá hí waaˈdeká hé yú muunîny? Tá itín mú tikiˈd har hí máá Satanaa! Yíésu hí gáál yie.

Yuána 6:71

Yíésu máá ˈdeenyle hogodhóóllá he Yúúˈdas giri Iskáryot-, iny Simon-, gál láli tomon a naamaká máállé giri Yíésu gál hí oosle ˈgieká Yíésu ˈdu gáá egewká.

Yuána 6:8

Aalé mú lalille máá gaalí Ánˈduru yeget-, giri nyárle Símon Bétiro léká Yíésu geey, kieye,

He Ekeny Gál Alb Fimiká 1:13

Aalé gaal é kí ˈdieká ˈbíllé biiy ˈdug yiel he gaa ijeká feˈjie. Gaal ííni kinaallá he mú Bétiro, Yuána, Yákob, Ánˈduru, Fílib, Tómas, Bartolomáyo, Matááyo, Yákob giri iny Alfaayaká, ubaa Símon giri gálaat ˈjegeduoká, tá aalé Yúúˈdas giri iny Yakobká.

He Ekeny Gál Alb Fimiká 1:26

Aalé gaal gál naama kinaal koiy ki ˈdoy, Matías kot hí ˈdú ˈdoyye. Mú gaalí gál tomon a takach alb fimi-, Yiesuká ˈdú kaay.

He Ekeny Gál Alb Fimiká 12:2

Aalé mu ˈdéé mure, Yákob giri Yuána nyárléká gaalí faaˈd ki yies.

He Ekeny Gál Alb Fimiká 3:1

Kulich tikiˈd aadh ˈgas saal-, urgúaka gaalí Waag gaa vivisatká, Bétiro ubaa Yuána ˈBíl Waaˈgieto seseme.

Korínto Erká 15:7

Tá gál kinaal el ˈdaal, mu Yákob yé ˈdú gáá ˈdie, waaséél gál alb fimiká lulle yé ˈdú gáá ˈdie.

Eféso 4:11

Kirísto ííni gáál hujichaam met eiy ki kuokoy. Mu gáál ˈbáál gál alb fimi hoy, gáál ˈbáál gál Waag hí ˈdéé ka shigichoká hoy, gáál ˈbáál gál gálaat Fayam Midhabká ki ˈdiyeenká hoy, tá gáál ˈbáál gál gál Kirísto iiy yieká ˈdeˈdeen-, he oonisuoká hoy.

Héberew 3:1

Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Bétiro Erká 1:1

Yú he Bétiro, máá ali gaa kaany-, Yiesu Kiristoká. Warˈgatééllá it Waag hí waarate-, hí lésallá ma lileny-, hí lés Bontos, lés Galatia, lés Kabaˈdosha, lés Asia, tá lés Bidhinia gaa iđáállá yú hí ˈdu gáá verene.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána ki Naamaká 1:1

Minnééllo, yáá karsichallá warˈgatééllá kó Waag ko ká viiyyééllá ubaa um kua yú hí ˈdu gáá verene. Yáá tág kuun ubaa umkú hí giel, kor yáá tákámchú hí ma geelneny, it úba gál lulle ˈdeeny ˈdúwa-, Waaˈgietallá ógká hí giel.

Yuána ki Seđeká 1:1

Yáá karsichallá kó shééléch chia yú ko tág giel-, Gáyyos lééllá in yú ko warˈgatééllá ˈdu gáá verene.

Kí Edhesiny 1:1

Hééllá he kí edhesiny-, Waag hí Yiesu Kirísto shiiche-, giri yaalmisano ál ˈjob yé gáá ˈdeˈdeenká muí gedelle aargisuoká. Yíésu máállé ˈgasso-, urruká ali gáá kaay, mú máállé ˈgasso kinaal kí edhesinyéél mú gédéchlé Yuána ˈdú eedhdhe, mú argisie.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 18:20

Úrru, geer hí ko gaa meet! It gál Waaˈgietallo, it gál alb fimííllo, it Waag hí ˈdeem ka shigichééllo, ger hí gaa meet! ˈDaa giri ˈdéé hót ˈjienééllá hí itín ˈdú iđicheká Waag hí geđi ˈjienééllá ˈdú iđicheká, ger hí gaa meet! ˈdéé hót hí chie.

Kí Edhesiny 22:8

Yáá Yuána lééllá he máá hééllá lulle maale-, tá he il ki argeká. Hééllá lulle yú maale-, tá yú il ki argeká, yú máá ˈgasso-, urru-, ye hééllá argisíéllá ˈgas met les gaa ˈdoy, giri yú mú memeyoká.