Matááyo 1:22 - Fayam Midhab Yiesu Kiristoká He Hol Af Iđiny Kaanaká

²² Hééllá lulle hatallá ˈdíéllá he giri Máá Guđo Waag máállé ˈdeem ka shigieká ˈdeenylé ˈdiiyimeká ˈduuwawká,

Matááyo 1:22 ပူးပေါင်းရင်းမြစ်များ

Matááyo 12:17

Hééllá hatallá ˈdíéllá he hát héle máá Waag hí ˈdeem ka shigiche-, Yisááya léká hí ˈdiiyimeká ˈduway,

Matááyo 13:21

Tá ˈdaa giri mu ˈdeeny Waaˈgiet hidh ma ki arînyká mu hé ˈdeeny Waaˈgiet kinaallá súm ma chochony. Hééllá he ˈdaa giri ˈdeeny Waaˈgietallá gaa manyjanyle ubaa he il ká argisinyle mú ali af kí mureka, mu đo ˈdéé gíl sug ki haađuoká.

Matááyo 13:35

Yíésu hát hibietallá nyesebich geeyallá ˈdeeny héle máá Waag hí ˈdeem ka shigicheká hí hodheká ˈduway, giri kieye, He hát hibiet-, he hol ki ekenyká gálaat ha yú geđia, hé Waag hátlé lés ma ka kúóninyká kaany gaa ijeká ha yú hogodho, chieká.

Matááyo 2:15

Mu ál kinaal gaa yíéđie, ˈjíig Heróˈde kufe. Hát kinaallá in ˈdéé hót giri Máá Guđo Waag hí máállé ˈdeem ka shigieká ká geey-, mu hí ˈdiiyimeká ˈduwayye, giri kieye, Yáá Inychú lés Misirayim gáá vie, chieká.

Matááyo 2:23

Mu ény gaalí Násaret yegetká álle gaa ˈgudhdhe. Aalé ˈdeeny gál Waag hí ˈdeem ka shigicheká hí hodhe-, giri kieye, Mú máá Nasareto gaalí yeedhe, yieká ˈduway.

Matááyo 5:17

Aaléka, haí kieye, mu ka yimíéllá mu hemuumurit Waag hí Móshe ka shiicheká ubaa ˈdeem gál Waag hí ˈdeem ka shigicheká hí veereká he les gaa beđia, hí ye chéen. Yú ka yimíéllá yáá hé kinaallá les ma gaa beđiny, yú hemuumurit kinaallá ubaa ˈdeem kinaallá héllé đuđusia.

Matááyo 8:17

Hé ki af ˈdaˈdabo-, muí ekeyallá he ˈdeeny héle máá Waag hí ˈdeem ka shigiche-, Yisááya hí hodhe-, giri kieye, Mu đalimkúnno eedhdhe, gáál fursam gaa eey, yieká ˈduway.

Lúka 21:22

Hééllá af giri he il ka argisiny-, he lullé gaalí Warˈgat Waaˈgiet gaa veereká ˈduuwawká.

Lúka 24:44

Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

Yuána 10:35

ˈDeeny Waaˈgiet hé hol ma gaa sorominy. Waag gál ˈdeenyéél shiicheká in waagam chie háluke,

Yuána 15:25

Tá hééllá hé gaalí Warˈgat Waaˈgiet gaa veere-, giri kieye, Gaal hállééllá ye nebedhe, chieká, he ˈduwasie.

Yuána 17:12

Af giri gáál nyí hol ˈgayyeká meeny ye ká shiichééllá yú gáál in ki yiel, in gaal naanná ije. Gaal hé máá níínní muun gáál gaa ˈgiteká mán. Gálallá máállé tikiˈde-, muun gáál gaa ˈgiteká he iny baađawká tákáma, giri ˈdeeny kua warˈgát hí hoteká ˈduuwawká.

Yuána 18:9

Hééllá hatallá ˈdíéllá, he ˈdeeny muí hodhe-, giri mu kieye, Gál ye ka shiichééllá hé máá níínní hí gaa baađawká mán, muí yieká, ˈduuwawká.

He Ekeny Gál Alb Fimiká 3:18

Hééllá hát Waag hí gállé héle ˈdeem ka shigicheká kíssóótí geeyche-, giri Messíyalle maanyjawká in ˈduway.

Róóma 1:2

Fayam Midhaballá hé kis Waag hí gállé ˈdeem ka shigicheká ká shiiche, gaalí ˈdiiyime, gaalí Warˈgat Waaˈgiet gaa veere.

Kí Edhesiny 17:17

Tá ˈdaab Waag ˈdeenyle ma đusînyká, in gálallá hééllá lulle hát he feˈdoká ger fiiyye, giri gaal Waag hát feˈdo kinaal ekemeyo-, gáál kas hí tikiˈd cheget-, gáál kansimle hemuumuritle gaalí bíních giri kach ˈguoká ˈdú haađuoká.