Matááyo 1:21 - Fayam Midhab Yiesu Kiristoká He Hol Af Iđiny Kaanaká

²¹ María eiyyo hol nanniyya, veel yab hai ˈdaalla. Véel meenylé shigichoká Yíésu. Hééllá ˈdaa giri veel gálaat ađaabano gaa egew-, gálaat ririanká, muí mú yie.

Matááyo 1:21 ပူးပေါင်းရင်းမြစ်များ

Matááyo 1:25

Tá gaal hé hol af ma ráfiny, ˈjíig ini veel yab ˈdalle. Véel meenylé muí shieká Yíésu.

Lúka 1:13

Aalé mu Sakaría geey, kieye, Sakaría, ha bírginy. Waag visankú hé Waag hí maalle. Min kua Elísabet iny yab hai ko kí ˈdaalla. Íny meenylé shigichoká Yuána.

Lúka 1:31

Bá dháash, kúún geer hai ko higila, iny yab ha ˈdaalla, íny meenylé shigichoká Yíésu.

Lúka 2:11

Kúlíchallá ény ˈDawuˈd hé máá gáál ririanká hí ki ˈdalidhe. Máá kinaallá he Máá Guđo Kirísto.

Lúka 2:21

Veel kúlích he gaa ˈdalidheká gaal tiiya rafe, kúlích ki síetká véel hermisinyle ali kí ˈdiiyyeká gaal véel meeny Yíésu léká shie, meeny giri veel hátlé geer ma hílinyká máá ˈgasso-, urruká hí véel ˈjielle geeyká.

Yuána 1:29

Bííy éíy taaka ka biˈdeká Yuána Yíésu hí ˈdu gáá yiimie-, argeká, đo kieye, Dhaayyíe, Élíny Waaˈgiet nyuogim ubaa ađaabano lésallá gaa egewká háluká!

Yuána 4:42

Aalé gál Samaria min giriká geey, kieye, ˈDeeny kua nyí ka geeycheká úba kí hayo, káána mú ˈdéé hótle nyáá nyí nétkínyo ki maalle, máállá gon he Máá lésallá ririanká, gaalí min yie.

He Ekeny Gál Alb Fimiká 13:23

Aalé Waag hát he gál Yisirayel af iđicheká, hé Máá Rubach Yíésu hídh ˈDawuˈd yé gáá ˈdeeyche, gál Yisirayel shiiche.

He Ekeny Gál Alb Fimiká 3:26

Aalé Waag gédéchle gáál hurt yé gáá ˈdeeycheká in erkob muí itín ali ˈdú gáá kaay, giri muí ˈdú ˈjeˈjeen-, lulkícho muí ˈgierim kíchia ˈdeđewká af gáá tatuoká, Bétiro hí gáál yie.

He Ekeny Gál Alb Fimiká 4:12

Rubach hé máá éíy taaka ke gaa aargiroká mán, ˈdaa giri lésallá hé máá níínní éíy taaka hí gaa ijo-, Waag hí gáál ka shiiche-, meenyle gálaat hí ki bebeenká mánká, Bétiro hí gáál yie.

He Ekeny Gál Alb Fimiká 5:31

Waag hé mú gíl ˈdaallé naanietká iđisate, mú Máá Kansich-, ubaa Máá Rubachietká hoyche, giri mu gál Yisirayel fargogínt shiguo-, gaal héllé ˈdeđew-, gaa seseenká haađuo-, mú makan fafaan-, gáál muí ađaabano ubaa nyuogim gaa egewká.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Yuána Erká 1:7

Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.

Yuána Erká 3:5

Kirísto ka yimíéllá, hát nyuogim ubaa ađaabano gálaat gaa egewká it óg. Tá mu íín hé nyúógích ubaa ađaab níínní ˈguoká mán.

Kí Edhesiny 7:14

Aalé yú mú ˈdéé hol ˈdú nie, yú kieye, Máá guđo, gálallá kuuni hí og, yú yie. Mu đo kieye, Gálallá he gál manyjany guđoká yé gáá ˈdieká. Gaal gielolle fás Elinyi ki ˈjie, gielo édh yie.