Matááyo 1:1 - Fayam Midhab Yiesu Kiristoká He Hol Af Iđiny Kaanaká

¹ ˈBíl íl Yiesu Kirísto ˈdalloká hátlé hol ka hoycheká hééllá: Yiesu Kirísto ˈbíl íl ˈDawuˈd giri Abirááyam yé gáá ˈdiiyyeká he yé gáá ˈdie.

Matááyo 1:1 ပူးပေါင်းရင်းမြစ်များ

Matááyo 1:18

Yiesu Kirísto ˈdalmaatle hatallá: Mú ˈjiellé María Yúósef hí đarm sidhe. Gaal hátle hol má shuunan, María ˈdaa fargogint Hím Naasan Waaˈgiet geer hí ki hile.

Matááyo 1:2

Abirááyam Yísak ˈdale, Yísak Yákob ˈdale, Yákob Yúúˈda ubaa nyaaramle ˈdale.

Matááyo 15:22

Aalé min kídh Kanaan-, lés kinaal gaa iđe mare mú ˈdu gáá chimie, af gaa guđoká ˈdéé ki hote, kieye, Máá Guđo, Iny ˈDawuˈdallo! Geer hí ko ye ˈdú guat, inichú hé tág aryáán hí ˈgaaˈgaate! chie.

Matááyo 3:16

Yíésu Yuána hí bie gim nieká, đo bie yé gáá ˈdie. Ál tikiˈde kinaallá úr đo af hí furme, Yuána Hím Naasan Waaˈgiet hát hóleká Yíésu ˈdu gáá lelete-, mú ˈdú yíéđianneká arge.

Matááyo 9:27

Yíésu ál kinaal gaa kie. Sienylé gaa igireká gál naama-, in maamannay mare hí el gaa veere, gaal kúóˈd ˈdoy, kieye, Iny ˈDawuˈdallo, nyí ˈdú ˈjé! yie.

Lúka 1:33

Mu taalle bííyyo ˈbíl íl Yakobo mé ki yaalla, mú guchle hé a mé mán, muí María yie.

Yuána 7:42

Warˈgat Waaˈgiet hé kieye, Messíya ˈbíl íl ˈDawuˈdo yé gáá ˈdeeme, ény ˈDáwuˈd hí gaa ije-, Bételeem léká yé gáá ˈdeeme, ma chéen? gaalí hol yie.

He Ekeny Gál Alb Fimiká 2:30

Mu íín he máá Waag hí ˈdéé ka shigicheká, hát Waag úba hí he af iđicheká hé onnoy, giri mú hídhle mú tikiˈd Waag hí mú karalle ˈdú iđimichoká.

Róóma 1:3

Fayam Midhaballá Waag Inyle ˈdaallé he ki taalla. Inyáállá he máá gón gálaat kaadhdhe-, ˈbíl íl ˈDawuˈd yé gáá ˈdieká.

Róóma 4:13

He af iđiny Abirááyam ubaa ˈbíl ílle Waag hí af iđiche-, giri gaal lésal liiletkáka hé hemuumurít ˈdaalle yé ma kí ˈdíiny, he ˈdaa giri mu Waag iiy yieká ˈdaallé he yé kí ˈdie. Aalé mú Waag iiy yeenlééllá, in Waag mú máá ˈdúwaká chie.

Róóma 9:5

Gál Yisirayelallá he gál mú eshim eshim kúnnaa-, Abirááyam yé gáá ˈdieká. Kirísto he lulle mé ki yaalallá ˈdaa gálaatka úba ˈbíl íllallá he yé gáá ˈdie. Waag taalle bííyyo gaalí meemeyo. Iiy-hí, he hí hát kinaallá yeet.

Galátia 3:16

Waag he af iđinyle Abirááyam ubaa umutlé he af iđiche. Warˈgat Waaˈgiet hé um ma chéen, umute he chie. Waag kieye, ˈDúˈjímchú ˈdaa umut kua he ká naata, Abirááyam chie. ˈDúˈjím hé gál burnayká ˈdaalle ma ká nannaan, ˈdaa umute he ká naata. Umut kinaallá he Kirísto.

Tímote Erká 2:5

Waag íín tikiˈde, tá Máá gariet-, gálaat ubaa Waag hol higilsuoká úba tikiˈde, hé kinaallá he máá Yiesu Kirísto lé-,

Tímote ki Naamaká 2:8

Yiesu Kirísto giri ˈbíl íl ˈDawuˈd-, uushich yé gáá ˈdie-, Fayamlé Midhab-, yú ˈdiyeenallá mé ká ˈgab.

Kí Edhesiny 22:16

Yáá Yíésu lééllá máá chia ˈgasso-, urruká ko ali ˈdú gáá kaay, giri mu ko fayamééllá shiguo-, itín hí gál Kiristo fayamééllá shigichoká. Yú he Hídh ˈbíl íl ˈDawuˈd. Yú he hidhint biiy hí ki bibiˈdo-, édhká, Yíésu hí yie.