Márko 9:25 - Fayam Midhab Yiesu Kiristoká He Hol Af Iđiny Kaanaká

²⁵ Yíésu nyesebich ali ˈdu gáá kirmita argeká, aryaan ˈdeewallá ki ˈday, kieye, Kó af ubaa nee mánnal, he yú ko ki mure, íny yé gaa ˈdé! Ha geđ íny híliny! yie.

Márko 9:25 ပူးပေါင်းရင်းမြစ်များ

Matááyo 12:22

Aalé gálaat máá aryáán hí hille-, aryáán hí in ubaa af ˈdabsiche mare Yíésu ˈdu gáá eey. Yíésu mú bisie, mu đo biiy gaa arge, ˈdéé huogodhe.

Matááyo 17:18

Aalé Yíésu aryaan véel gaa iđeká ki ˈday, aryáán đo véel yé gaa ˈdiiyye, ál tikiˈde kinaallá veel đo midhandhe.

Márko 9:15

Nyésébích giriká tikiˈde Yíésu aargiróóllá birge, ˈdoˈdodhdhe, mú naa yie.

Márko 9:24

Íny ˈjaalle Yíésu ki buoy, gil efe, kieye, Yáá iiy yie. Ye ˈdú ˈjé, hát ˈdabaanká iiy yeedhe! yie.

Márko 9:26

Aryaan giriká kúóˈd ˈdoyye, íny hát ˈdeđewká muotisiche, yíé ˈdiiyye. Iny hát máá giri kufeká ká iifa. Gál burnayká kieye, Iny hé mán yie, yie.

Lúka 11:14

Aalé Yíésu kulich tikiˈd máá aryáán hí af riiyye mare aryáán yé gaa ˈdeey. Aryaan kinaal mú yé gaa ˈdiiyyeká máá giriká đo ˈdéé huogodhe. Nyésébích guđo hol ˈdu gáá yimieká he a ˈdabe.

Lúka 4:35

Aalé Yíésu aryaan mú gaa iđeká il gíl gaa helie, kieye, Shab áat, mú yé gaa ˈdé! yie. Aalé aryáán máállé gaa iđe kinaal gáál hurt les ki ˈdoyye, mú yé gaa ˈdiiyye, hé hát mú koyyeká mán.

Lúka 4:41

Aryáán gál burnayká yiem gaa ˈdiiyye, koˈdam ˈdanne, kieye, Kúún he Iny Waago! chie. Yíésu aryáán il gíl gaa helie, giri aryáán shab chegetká. Aryáán mu hát he Messíyaká hé onnoyye.

Lúka 8:29

Máá aryáán ˈgieká hatallá yíéllá, ˈdaa giri Yíésu aryáán geey-, kieye, Máállá yé gaa ˈdé, yieká. Aryaan kinaallá úba kíssóótí af burnayká mú ki chegies. Har úba af kinaal gaalí nyarugano gil ubaa ˈgas ki ˈdane-, tá gaalí ˈbíl gaa kakayka, mu aadh lullé hé kinaal eiy ˈgiˈgita, aryáán hí ˈbakat ˈdú egeete.

Lúka 9:42

Aalé veel hátlé Yíésu ˈdu gáá yiimieká aryáán đo véel les ki ˈdoyye, véel muotisiche. Yíésu aryáán ki ˈday, aryáán đo véel yé gaa ˈdiiyye, veel đo midhandhe, véel ˈjaalle gíl gaa kaay.

He Ekeny Gál Alb Fimiká 16:18

Ini aadh lullé nyí el gaa igiˈde, nyí hawul ˈgieˈgete, héél af gaa guđoká ki huogote. Aalé Báulo ini hélléél hí idhansie, mu ini bala ˈdú nie, aryaan ini gaa iđeká geey, kieye, Fargogint meeny Yiesu Kiristo yú ko ki geeye, inííllá yé gaa ˈdé, yie. Tíkíˈdé kinaal aryáán đo ini yé gaa ˈdiiyye.

Yúúa 1:9

Ebá táb ˈdodhdhíe, Mikáyel har úba gál ˈgasso-, Waaˈgiet-, urruká máállé méteká kátaka, af giri mu ubaa kídhích kúnnaa Sátanléká gón Moshe ˈdaalleka hol ki fafalmeká, mu hé Sátan ma fichíliny, mu hé Sátan geeyká kieye, Máá Guđoká ííni ko il ki ˈdeđente, yie.